мақала Бастауышта білім беру

Сабақта ресурстарды тиімді пайдалану жолдары

Қазіргі әлемде үлкен тәжірибе, эрудиция және оқудың өзінде оқытылатын пәндер бойынша барлық ақпаратқа ие болу өте қиын.

Қазіргі таңда мұғалім оқушыны тек оқуға үйретіп қана қоймай, өзін-өзі дамытуға бағытталған тұлға тәрбиелеуі керек. Электрондық білім беру интернет ресурстары заманауи мектепте табысты оқуға және оқытуға көмектеседі.

Ең тиімді электрондық ресурстар мультимедиялық ресурстар болып табылады. Олар оқу объектілерін әртүрлі тәсілдермен ұсынады: мәтін, графика, фото, бейне, дыбыс және анимация арқылы. Олар оқушылардың өз бетінше шығармашылық және зерттеушілік әрекетіне бірегей мүмкіндік береді. Бастауыш сынып оқушыларымен жұмыс жасай отырып, мұғалім интернет желісін пайдалану арқылы, оқушы орындауы тиіс әртүрлі пәндерді оқу барысында әртүрлі тапсырмалармен кездеседі (хабарлама, әңгіме, өмірбаяндық әңгіме дайындау, оқиға, есте қалатын күн, жаңа ашулар туралы ақпарат табу, табиғи қорыққа, мұражайға ойдан шығарылған саяхатқа шығу, т.б.).

Материалды игермеген немесе сабаққа қатыспаған оқушы интернеттен өз сұрақтарына жауап таба алады: презентация, видеосабақ көру, тест тапсыру т.б түрлі мәліметтер интернет көзінде анық дәлірек айтқанда көп екені рас. Алайда, интернет желісінің кейбір ақпаратына сенудің де тиімсіз екенін жасырмаймыз. Интернет-ресурстардың көмегімен мұғалім өз біліктілігін (мысалы, қашықтан оқытуды пайдалана отырып), Интернеттен сабақ өткізуге арналған материалдарды (презентациялар, бейнероликтер, дайын әзірлемелер, тапсырмалар, компьютерлік оқыту бағдарламалары, онлайн тестілеу, электронды оқулықтар, интерактивті сабақтар және т.б.) бөлісу немесе өзіне ақпарат ретінде алып, өз білімін кеңейте алатыны да рас.

Интернет ресурстары мектеп пен оқушылардың ата-аналары арасындағы тығыз байланысты қамтамасыз етеді. Олар: мектеп сайттары, мұғалімдердің веб-сайттары, электронды журналдар, күнделіктер, электрондық поштамен жұмыс.

Қорытындылай келе, сабақта интернет ресурстарын пайдаланудың тиімділігі мынада екенін атап өтуге болады

• интернет ресурстарын пайдалану оқушылардың ақпараттық мәдениетін арттырады;

• сабақтарда кеңірек ақпаратты пайдалану мүмкін болады;

• оқу материалын жаңа ақпаратпен жедел толықтыруды қамтамасыз етеді;

• сабақтар қызықты, мазмұнды, сапалы, нәтижелі болады;

• оқушы нәтижесінің мұғалімнің пікірінен объективтілігі мен тәуелсіздігі қамтамасыз етіледі;

• оқуға деген мотивациясы артады.

Интернет-технологияларды пайдалану білім беруде келешегі зор бағыт ашады, бірақ «дұрыс жерде, керек уақытта, қажетті көлемде» қағидасын ұстану қажет.