Мақала Біздің мектептің "жарық жұлдызы"

Біздің мектептің «жарық жұлдызы».

Біздің мектепте 6-шы сыныпта Бекшенова Камила деген дарынды оқушы оқиды. Дарынды дейтін себебім Камила сабақтан тыс көп іс-шаралармен айналысады:ән айтады, би билейді, сурет үйірмесіне қатысады. Мектепішілік іс-шараларға белсенді қатысады. Жаз айларында Астана қаласында өткен халықаралық EXPO-2017 көрмесінде «Шелл» павильонында «Менің болашаққа жолдауым» атты конкурсқа қатысып , конкурсқа қатысқан 3000 жұмыстардың ішінен оқушының жұмысы ең жақсы болып бағаланып Камила бағалы сыйлық және грамота алды. Биылғы оқу жылы Камиламыз республикалық «Зерде» зерттеу жобалар сайысына қатысып аудан кезеңіне қатысып 1 орынға ие болып, облыс кезеңінде сертификатқа ие болды. Желтоқсан айында республикалық «Қазақстан патриоты» журналының Алашорда үкіметінің 100 жылдығына орай ұйымдастырылған «Алаш туы астында, күн сөнгенше сенбиміз!» атты жастар мен жасөспірімдерге арналған республикалық шығарма байқауына қатысып 2-ші орын алды. Камилаға алдағы уақытта жаңа жетістіктер мен ашылуларға ұдайы ізденіс, шығармашылық, мықты денсаулық және жаңа бастамаларда сәттілік тілейміз.

Мамлют қазақ мектеп-интернатының математика пәнінің мұғалімі: Байгужина Г.У.