Мақала «Бұлақ көрсең, көзін аш»

Кадина Алтын Зекеновна

Бастауыш сынып мұғалімі

Педагогикалық өтілі :33 жыл

№ 65 ЖББ ОМ КММ

Қарағанды қаласы.

«Бұлақ көрсең, көзін аш»
«Ел есінде бір жыл қалғың келсе - ас бер, он жыл қалғың келсе - ағаш отырғыз, ал мәңгі қалғың келсе - бала тәрбиеле» дейді халық даналығы. Мен үшін ең қастерлі де, қасиетті мамандық ол – ұстаздық, «Ұстаздық еткен жалықпас, үйретуден балаға» деп ұлы Абай атамыз айтқан осынау қастерлі мамандықтың иесі атанғаныма 33 жыл болды. Қиыны мен жеңілі, қызығы мен қуанышы мол болған еңбек жолындағы педагогикалық ұстанымым - үнемі жаңалыққа ұмтылып, әр оқушының бойынан жақсылық тауып, бұлақтың көзін ашу арқылы биік мақсаттарға жетелеу.

Ал, біз бастауыш мұғалімдері оқу мен өнерді қатар алып жұреміз. Балалардың оқуына көбірек мән беру, кейде баланың басқа қырын танып оны шыңдауға кедергі болып жатады. Ол шындық, көріп те жүрміз.

Мен балалардың қызығушылығын тек оқумен шектемеуді мақсат етіп, өзіне ұнайтын өнерімен шұғылдануларына көбірек мүмкіндік беруге тырысамын. Бұл тәжрибемнен шәкірттерімнен алған алғысым шексіз. Оны ешқандай мемлекеттің мадақтамаларымен салыстыра алмаймын. Ата – аналардан , шәкірттерден алғыс есту және олардың шыңдарды бағындыруларына өзіңнің алғашқы болып үлес қосқаныңды білу нағыз бақыт. Бір қызығы оқушыларымның көбі спорт жағынан биік белестерді бағындырып жүр. Алды дүниежүзілік мәрелерден көрінуде. Өздері шәкірт тәрбиелеуде. Әрине алғашқы сатысында ғана менің көмегім және қолдауым мен сенімім болды. Осыны олар ешқашан ұмытқан емес.

Осының дәлелінің бір бөлігі мына фотоларда. Ал бұндай шәкірттерім өте көп. «Ұстаз болу - ұлағатты іс » деген осы шығар.

Бұлар бүгін менің және мектептің мақтанышы.

Ертең ел мақтанышы боларына сенемін.

Өйткені біздің мектептен Генадий Головкин де оқып, дүниежүзіне танымал болды емес пе ?