Елін сүйген Елбасы

Әр адамның өз тұрағы – туған елі, жері бар.Менің туған елім Қазақстан Республикасы деп аталады. Қазақстан Республикасы ұлан-байтақ жері бар, бір шеті мен екінші шетіне ұшқан құстың қанаты талатын, тұлпарларының дүбірі естілмейтін ел.Даласы кең, таулары биік, көлдері мөлдір, адамдары мейірімді, еңбекқор халқы бар тамаша ел.

Осы тамаша елдің өз алдына тәуелсіз ел болғанына да биыл осы желтоқсан айында 29 жыл болады. 16-17 желтоқсан күндері тойланатын ел мерекесіне дейін,қыстың алғашқы күні Қазақстан Республикасының Тұңғыш Президенті күні деп аталатын тамаша мейрам бар. Мұның өз себебі бар, еліміздің тұңғыш президенті Нұрсұлтан Әбішұлы Назарбаевтың мемлекет алдындағы еңбегі зор. Тәуелсіздік алғандағы алғашқы кезеңдерде елде көптеген жұмыстар жасалынды: Қазақстан Республикасының өз ұлттық валютасы айналымға енді, Ту,Әнұран мен Елтаңбасы,Ата Заңымыз бекітілді, көршілес мемлекеттермен шекара белгіленді. Ата Заңымызда Қазақстан және қазақстандықтар ешкімнің же­ріне көз салмайды, бірақ өз жерінің бір сантиметрін де ешкімге бер­мей­ді делінген. Мұндай істердің орындалуы - ерекше тарихи жетістік. Мемлекет дамуының басым бағыттарын айқындаған болашақтың бағдарламасы ретінде Елбасының «Қазақстан – 2050» Стратегиясы жарық көріп, онда Президент алдымызға дамыған отыз елдің қатарына ену міндетін қойды. Елбасы кезекті Жолдауында «Мәңгілік Ел» идеясын шегелеп айтты, Қазақстан – Мәңгілік Елдің Отаны.

Ел президенті ретінде ол бүкіл дүние жүзі мойындаған тәуелсіз еліміздің іргесін қалаған, егемендіктің туын тіккен. Кей жерлерде соғыс, қақтығыстар болып жатқанда мен өз елімде ата-анаммен, туыстарыммен, достарыммен, бүкіл еліммен тыныш,бақытты өмір сүріп жатырмын.Осылай ойлағанда қуанамын, Өз Отанымды, оны көркейткен Елбасымды мақтан етемін. Мен болашаққа сеніммен, үлкен үмітпен қараймын.Елбасыға деген құрмет сезімінен болар, эссе жазу үстінде Елбасына арналған өлең жолдары туындады:

Бодаулыққа көнгенде,

Жанды үміті сөнгендер.

Салт бұзылып, тіл өшіп

Әділетсіздікке көнгенде,

Нұры болып елімнің,

Гүлі болып жерімнің.

Елге басшы болған ер,

Елбасы біздің – кемеңгер!

Эссе номинациясы