Мақала "Жаңа бағдарлама жаңа бағыттарды көздейді"

Аңдатпа.Мақалада жаңартылған білім беру мазмұнын апробациялауда оқытудың белсенді әдістерін бастауыш мектепте тиімді қолдану мысалдары көрсетілген.

Аннотация.В статье представлены примеры использования активных методов обучения в начальной школе.

Abstract.The paper presents examples of the using of active learning methods in primary school.

Кілт сөздер:Апробация,оқу бағдарламасы,оқыту,тәрбиелеу.

Ключевые слова:Апробация,учебная программа,обучение,воспитание.

Key words:Testing,training program,training.

Жаңа бағдарлама жаңа мақсаттарды көздейді.

Болашақтың бүгінгіден де нұрлы болуына ықпал етіп,адамзат қоғамын алға апаратын күш тек білімде. «Адамның ақылдығы ақыл,ғылым,жақсы ата,жақсы ана,жақсы құрбы,жақсы ұстаздан болады» деп ұлы Абай айтқанындай,Елбасы жолдауында да «Білім беру жүйесінің басты міндеті-оқытудың жаңа технологияларын енгізу,білім беруді ақпараттындыру,халықаралық коммуникациялық желілерге шығу,ұлттық және жалпы адамзаттық құндылықтарды ғылым мен практика жетістіктері негізінде жеке адамды қалыптастыруға,дамытуға және кәсіби шыңдауға бағытталған білім алу үшін қажетті жағдайлар жасау» деп ерекше атап көрсетілген.Бүгінгі мұғалім ата-ана,бала-бағбаны,қоғам қайраткері.Мұғалім-оқытушы,мұғалім-ұстаз,мұғалім-оқулық авторы,мұғалім-жаңалықты дәріптеуші,таратушы.Мұғалім-қоғам айнасы.Мұғалім-мектептің бәйтерегі.Тәуелсіз ел атанып,төбемізге ту тігіп,тіліміздің мәртебесі артып,әлемге атымызды танытып жатқан кезде ұлттың,елдің болашағы-жас ұрпақ тәрбиесіне де мықты көңіл бөлуші мұғалім. Білім сапасын арттырып,оқушылырдың дарындылығын айқындап,өзіндік жеке көзқарасы қалыптасқан шығармашыл тұлға дайындау әрбір жаңа тұрпатты мұғалімнің негізгі міндеті болса,сол міндетті мектепте бірінші болып,іске асырытын бастауыш сынып мұғалімі.

Бастауыш сынып мұғалімі-ерекше тұлға.Өйткені оған әрбір ата-ана мен қоғам өзінің перзентін үлкен сеніммен және үмітпен тапсырады. Бұл кезеңде мұғалім оқушы үшін идеал, яғни ұқсап бағар мұрат , мұғалімнің талабы оқушы үшін –бұлжытпас заң. Кейде ата- ананың да дәйекті сөзін місе тұтпай «апайым», «ағайым осылай істесін деді» деп тұрып алатыны баршамызға мәлім.Міне осыдан оқушының бәсекеге қабілетті тұлға болып қалыптасуында мұғалімнің алар орны ерекше екендігін көруге болады. Дәрігер өзінің білместігінен бір ғана адамға зардап әкелуі , ал мұғалімнің төмен болуы бір ұрпаққа зиянын тигізуі мумкін.Сондықтанда білім берудің нәтижелілігі мұғалімнің шеберлігі,шығармашылығымен оның кәсіби құзыреттілігіне тікелей байланысты.Ғалымның ісі-Ғаламдағы заңдылықтарды ашып жаңалығын білімге айналдырудың құралын табу.Педагогтың міндеті-осы мақсатқа ғалымның да,әдіскердің де жетістіктерін кең көлемде ұштастыра отырып,оқушының біртұтас ойлау қабілетін қалыптастыру.Білім мен іскерліктің қосындысы-педагогті өзгелерден ерекшелейтін қасиет,міне,осы.

Жаңартылған білім мазмұны жағдайындағы мектептің ерекшелігі – оқудағы жетістіктер нәтижелі сипатқа ие, ал оқу процесі оқушылардың әрбір сабақта білімді «табудағы» белсенді қызметімен сипатталады. Бұл жағдайларда оқушы – таным субъектісі, ал мұғалім оқушылардың танымдық әрекетінің ұйымдастырушысы қызметін атқарады.

Әрбір оқушыны жасына да, мүмкіндігіне да қарамастан тұлға ретінде қабылдауға қол жеткізуге ұмтылу қажет. Оқыту мақсаты оқушы және мұғалім үшін ортақ болады, міне, білім мазмұнын жаңартудың педагогикалық аспектісінің мәні осында.

Бұған қол жеткізуде әрбір мұғалім өзінен бастайды, ол жаңарту процесінің әлеуметтік аспектілерін көрсетеді. Мұғалім педагогикалық ойлау немқұрайлығын жеңуі және оқушымен бірге өзі де оқуы тиіс.

Білім алушылардың қолайлы дамуы үшін достық қарым-қатынастағы ортаны құру өте маңызды болып табылады.

ң

Жаңартылған білім беру мазмұнының оқу мақсаттарына жетуде бастауыш сыныптағы «Математика» пәні бастауыш білім берудің мақсаттары мен міндеттерін жүзеге асыруға маңызды үлес қосады.

Математика бойынша бастапқы білім сын тұрғысынан ойлау қабілетін дамытады,зерттеу және қарым-қатынастың математикалық білімді өмірде қолданудың алғашқы дағдыларын қалыптастырады.

Бастауыш математиканың кезең-кезеңге бөлініп,жүйелі түрде берілген,қоршаған ортадағы заттардың мөлшерлік қатынастары мен кеңістіктегі формаларын сипаттаудан түратын оқу курсының негізгі мақсаты-оқушылырдың математикалық таным негіздерін меңгеруіне және тиісті дағдыларын қалыптастыруына мүмкіндік жасау.

Бұл оқу пәні математиканы қоршаған ортаны бейнелеу мен түсіну иәсілі ретінде қабылдаулы дамытуға бағытталған және оқушылардың қабылдауы мен танымын кеңейтуді,математика ғылымына қызығушылығын талап етеді.

Бастапқы математикалық білімнің негізгі мақсаттарына сәйкес,оқу пәні бірқатар міндеттерді айқындайды.

Жоғарыда жазылған мақсат міндеттер 1 «Г» сыныбында өткізілген математика сабагында біршама көрініс тауып отыр.

Жаңа технологияның қарыштап дамыған кезеңінде білімді ұрпақ тәрбиелеп шығаруда бастауыш сынып мұғалімдеріне үлкен міндеттер жүктелуде.Қазіргі басты мақсат білім беруде белсенді оқу мен зерттеуге негізделген оқу арқылы, тұлғаның шығармашылық, зерттеушілік ізденісін қалыптастыру

Қорыта келгенде, бағдарлама талаптарына сай оқушы бойында шығармашылық қабілеттерін қалыптастыру арқылы,құндылықтарды оқушы бойына сіңіру ізденістер жасау үстін де жұмыс жүргізілуде.Ұстаз үшін нәтижеге жету шәкіртінің білімді болуы ғана емес,білімді өздігінен алуы және алған білімдерін қажетіне қолдану болып табылады.Бүгінгі бала—ертеңгі жаңа әлем.Оқушының дамуына әсер етуші әлеумет тік фактор негізінде оқушы,мұғалім,ата-ана және пән мұғалімдері ынтымақтаса отырып жұмыс жасап отыруы керек.Заман талабына сай жаңа бағдарлама талаптары бойынша оқытуда жаңаша әдістер арқылы үйретуші,бағыт-бағдар беруші-ұстаз.Оқушылардың жаңаша білім алуға,жаңа оқуға ,жаңа қатынастарға бейімделуі,күрделі үрдіс болып саналады.Осы үрдіспен мемлекетіміздің бәсекеге сай дамыған елдердің қатарына енуі үшін ұстаздар қауымына зор міндеттер жүктеп отырғанын ұмытпауымыз керек.

Пайдаланылған әдебиеттер тізімі;

1.Бастауыш білім берудің мемлекеттік жалпыға міндетті стандарты.Қазақстан Республикасы Үкіметінің 2015 жылғы 25 сәуірдегі №327 қаулысы.

2.Орта білім беру мазмұнын жаңарту аясында бастауыш мектепте(1-4сыныптар) арналған оқу бағдарламасы Астана 2015-36 бет

3.Оқушылардың функцоналдық сауаттылығын дамыту жөніндегі 2012-2016 жылдарға арналған ұлттық іс-қимыл жоспары(Қазақстан РеспубликасыҮкіметінің 2012жылғы 25 маусымдағы №832 Қаулысы)

4.Бастауыш сынып мұғалімдеріне арналған нұсқаулықтар.