мақала "Жаңа бағыттағы жаңа мектеп"

«Терең білім – тәуелсіздігіміздің тірегі, ақыл-ой – азаттығымыздың алдаспаны»-деп Елбасымыз Н.Ә.Назарбаев айтқандай, шаhарымызда 150 баланы қамтитын , тереңінен білім беруді көздейтін Каспий зияткерлік мектеп-бақша жекеменшік мекемесі биыл оқу жылының басында өз жұмысын бастап кетті.

Елбасымыздың білім саласын және кәсіпкерлікті дамыту бағдарламаларында берген тапсырмалары аясында жүзеге асқан, бұл білім ордасының құрылтайшысы қаламыздағы белгілі жеке кәсіпкер Қалдаманов Ісенбай Әбуұлы . Қазірде ол 20шақты жаңаөзен тұрғындарын жұмыспен қамтып отыр.

Каспий зияткерлік мектеп-бақша жекеменшік мекемесінің директоры тәжірибелі, жоғары санаттағы ұстаз Гүлнар Тәджіқұлова. Оқу орнында тәжірибелі, жоғары, бірінші және екінші санаттағы 15 жуық ұстаздар қызмет етеді. Мұғалімдердің барлығы дерлік білім берудегі жаңартылған білім мазмұныны бойынша, педагогикалық шеберліктерін арттыру курсынан өтті.

Мектепте 1-сыныптан екі сынып, 2-сыныптан бір сынып, мектепалды даярлық сыныбынан-3 сынып оқушылары білім алуда. Мектеп 5 күн, 1 ауысыммен, таңертеңгі 8-ден кешкі 5-ке дейін жұмыс жасайды. Мектеп оқушылары 100пайыз оқулықпен қамтылған. Таңертең мемлекеттік стандартқа сай сабақ өтеді, түсте тынығу сағаты, түстен кейін ағылшын,орыс тілдері, менталды арифметика т.б қосымша сабақтар, домбыра, би, сурет, тоғызқұмалақ , көркемсөз оқу шеберлігі үйірмелері өтеді. Мектепте баланың бос уақытын ұтымды ұйымдастырып, баланың жан-жақты дамуына өзіндік септігін тигізіп отыр. Мектеп жаңа компьютерлік жүйелермен, заманауи компьютерлік техникалар, интерактивті электронды тақталар, жоғары жылдамдықты интернет, мультимедиялық кабинеттермен жабдықталған. Жеке кітапханасы бар.

«Каспий» зияткерлік мектеп-бақша» мекемесі «ұрпағы білімді халықтың болашағы бұлыңғыр болмайды» ұранын ұстанып, жас ұрпаққа сапалы білім мен өнегелі тәрбие беруді алға қойған.