Мақала "Жаңа форматтағы ҰБТ ерекшелігі"

Жаңа форматтағы ҰБТ ерекшелігі

Қазіргі заманның бет алысына қарай тың талпыныс жасау – ілгерлеудің кепілі. Әлемде болып жатқан қарқынды өзгерістердің бірі- Ұлттық бірыңғай тестілеудің ерекше жаңа форматы. Биылғы оқу жылында Ұлттық бірыңғай тестілеу ерекше жаңа форматта өткелі отыр. Білім беру деңгейінің мемлекеттік стандартында көзделген оқу пәндерінің көлемін, олардың меңгеру дәрежесін айқындау мақсатында жүргізілетін сынақ. Бұл жаңа форматтағы өзгерістердің ерекшелігі, оқушылардың логикалық ойлау қабілетін дамытуға, оқу сауаттылығы бойынша берілген мәтіндерді оқу кезінде талапкердің тұжырымдау, салыстыру, ойлау сияқты дағдыларын қалыптастыруға бағытталған. Әрі осы тапсырмаларды орындау барысында талапкерлер түрлі ақпарат көздерімен таныс болады. Бұл процесс оқушылардың толыққанды білімін көрсетуге мүмкіндік береді.

Жаңа форматтағы ҰБТ 5 пәннен тұрады, 3 міндетті пән және таңдаған мамандыққа байланысты 2 бейіндік пән. Оқу сауаттылығы мәтіндермен жұмыс жасай білу қабілеттерін тексереді. Математикалық сауаттылық оқушылардың игерген білімдерін өмірде қолдана білу деңгейін анықтайды. Бейіндік пәндер бойынша тест тапсырмалары талапкердің таңдаған пәндерін қаншалықты жақсы меңгергенін анықтауға арналады.

Біздің мектеп оқушылары да жаңа форматтағы ҰБТ бойынша дайындық жұмыстарын жүргізуде. Ұлттық тестілеу орталығымен тығыз байланыс жасап, апта сайын ағымды тест алынып отырады. Оқушылардың дайындықтарына мектеп ұжымы мен ата-аналар қолдау көрсетіп келеді.

А.Т.Фазилова

Жетіжал орта мектебі директорының оқу ісі жөніндегі орынбасары