Қуанышбек Асылым 2016 жылы қарашаның 26-сы Шортанды ауданында дүниеге келді. Асылым үйдің бесінші баласы. 3 жасынан балабақшаға барған. Мінезі ашық-жарқын, балалармен тез тіл табысып, араласып кетеді. Әрдайым үлкендерге көмектесуге дайын тұрады.

Қуанышбек Асылым – бар болғаны бес жаста. Қазір Бозайғыр ауылы, «Бөбек» балабақшасының «Аққу» тобында тәрбиеленіп жатыр. Өзі есеп шығаруға келгенде алдына жан салмайды.

Асылым балабақшада өзге балаларға қарағанда оқ бойы озық жүреді. Барлық шарада белсенді. Мұнда тәрбиеленіп жатқанына үш жылға таяу уақыт болып қалды. Сондай белсенді. Үйреткен әннің сөзін тез жаттап алады, зейіні жақсы. Өз ойын ашық анық жеткізеді. Мерекелік іс-шараларда биді өте жарасымды билеумен қатар, әнді әдемі таза айтып шығады. Асылымның осындай қасиеті мен дарына тамсана отырып, болашағынан зор үміт күтеміз!