Мақала "Жаңартылған бағдарлама – білім берудің жаңа мазмұны"

Жаңартылған бағдарлама – білім берудің жаңа мазмұны

Қазақстан Республикасында орта білім беру мазмұнын жаңарту шеңберінде білім беру үдерісінің құрылымы мен мазмұнына елеулі өзгерістер енгізілуіне байланысты 2017 жылдың 20 қарашасы мен  9 желтоқсан аралығында  қазақ тілі пәні бойынша  педагогика кадрларының біліктілігін арттыру курсы өтті.

Курсқа алғаш келген күннен бастап, көкейімізде жүрген көп сауалдардың жауаптарын алдық, жалпы білім беру мазмұнының өзгешелігімен, ерекшелігімен таныстық. Біз осы оқу барысында қазақ тілін жаңа мазмұнда оқыту бойынша дәріс-тренингтер тыңдап,  жаңартылған білім беру бағдарламасының құрылымын, мақсат-міндеттерін түсініп, осыған сәйкес педагогикалық тәсілдерді, білім беру бағдарламасындағы оқу мақсаттарына жетуде критериалды бағалау жүйесін қолдануды үйрендік. Мұғалімдердің сабақ беру үрдісінде негізге алатын 3 құжатпен – оқу бағдарламасы, оқу жоспары және қалыптастырушы бағалауға арналған тапсырмалар жинағымен танысып, жұмыс жасадық.    Мұндағы жаңартылған оқу бағдарламаларының ерекшелігі – пән мазмұнын жобалаудың спиральділік ұстанымы; таным заңдылығы мен амал-тәсілдердің неғұрлым маңызды түрлері бойынша ойлау дағдыларының деңгейлеріне негізделген Блум таксономиясы бойынша оқу мақсаттарының иерерахиясы; пәнаралық байланысты жүзеге асыру барысында «ортақ тақырыптардың» болуы; бөлімдер мен ұсынылған тақырыптар мазмұнының уақыт талабына сай болуы; оқу үдерісін ұзақ мерзімді, орта мерзімді, қысқа мерзімді жоспар түрінде технологияландыру болып табылады.

Жаңа бағдарламаны меңгеру барысында ерекше есте қалған мына әдіс-тәсілдер сабақтың тиімді өтуіне, оқушы бойында қажетті 4 дағдыны(тыңдалым, айтылым, жазылым, оқылым) қалыптастыруға ықпал ететіні сөзсіз: «Шығыс базары», «Қабырғадағы рөл», «Ыстық орындық», «Тұжырымдама картасы», «Жыландар мен баспалдақтар», «Крест-нөл кестесі»,«Пікірлер сызығы», «Сана саяжолы», графикалық органайзерлер – «Дара диаграмма», «Қос диаграмма», «Оқиға тауы», «Хикая картасы», «Эмоция кестесі», т.б.

Курстан өте көп жаңалық, білім алдық.  Біздің білімге құштарлығымызды арттырып, дәріс берген тренеріміз Ұзақбай Айжан Жұбанқызына  айтар алғысымыз мол. Жаттықтырушымыз алдыңғы білімді өткен біліммен салыстыра, ұштастыра отырып, түсінбегенімізді қайта түсінідіріп, әр тыңдаушының санасына жеткізе білді.  Курс аясында білімімізді одан әрі шыңдай түстік, әр сабақ тартымды, қызықты өтті.

ХХІ ғасыр – ғылым ғасыры. Мақсатты білім беру – тұлға дамуын жүзеге асыратын мәселе. Ал осы жалпыеуропалық стандартқа сай  жаңа білім беру  - жеке тұлғаның жан-жақты дамуына әкелетін бірден-бір жол!