Жаңаша оқыту бағдарламасы

Қазіргі уақытта елімізде және қоғамымызда әр түрлі салаларға қатысты үлкен өзгерістер болуда. Бұл өзгерістер білім беру жүйесінде де көрініс табуда. Сол өзгерістердің бірі - Кембридж Бағдарлмасының білім беру жүйесіне енгізілуі. Үш жылдай уақыт болды еліміздің ұстаздар қауымы сыңдарлы оқытуға негізделген жеті модульден тұратын жаңа бағдарлама бойынша біліктілігін арттыруда. Сол курс бойынша менде біліктілігімді арттырдым . Бұл бағдарламадан күтілетін нәтижелер балалардың қалай оқу керектігін үйреніп, яғни оқушы сабақта тапсырманы қандай мақсатпен орындағанын білуі керек. Осының нәтижесінде оқушы өз ойын еркін жеткізе білетін ынталы, өзіне -өзі сенімді, сыни пікір көзқарастары дамыған оқушыны қалыптастыруын қамтиды. Бағдарламаның оқыту стилі «Сыңдарлы оқыту». Жаңаша мұғалім болуға, жаңа идеяларға көңіл бөлу керек. Осы Бағдарлама құзырлы мұғалімнің алдына оқушының жан дүниесін жақсы түсіне білу жөнінде нақты міндеттеме қойып отыр. Бұл оқытудың маңыздысы оқушылардың дайын білімді алуы емес, тақырыпты өз бетімен меңгеруін түсінуі мен өзін, өзара бағалау арқылы сыныптастарын бағалай алуы. Мұндай тәсіл бұл үдеріске оқушының өзінің де қатысуын талап етеді. Осылайша, оқушы да өзінің оқуы үшін жауапты болады. Оқушы мұндай жауапкершілікті сабақ беру барысында мұғалім қалыптастыратын ортада сезініп, қабылдайды. Сондықтан мұғалімде Шульманның үш көмекшісі,- деп атаған қасиеттер болған жағдайда ғана оқыту жақсы болып саналады.

«Оқу инемен құдық қазғандай» демекші қазіргі заманға сай білім алу әрбір мұғалімнің міндеті. Бір орында тұрмай, білім саласында өзгерістерімен бірге мұғалім де өзгеруі тиіс. Оқу мен оқытудағы жаңа тәсілдер бойынша сыныпта оқушылар өздерін емін-еркін сезінеді. Мұғалім көшбасшы ретінде әр баланың бойындағы ерекшеліктеріне сәйкес әрекет ету, оларды өзін-өзі реттеуге ынталандыра білу керек . Диалог арқылы сыни тұрғыдан ойлауға үйретіп, «Оқушы үні» жобасы сияқты әр баланың пікірін тыңдап, баланың қызығушылығына қарай тапсырмаларды, жұмыстарын ұйымдастыру керек. Талантты және Дарынды балаларды Фриманның өлшемдері аясында анықтап, оларға қызықты тапсырмалар, шығармашылық жұмыстарды тапсырып тереңдете оқытуымыз керек. Мен осы бағдарламаның арқасында әр нәрсеге жаңа көзқараспен қарауға үйрендім. Алдағы уақытта мен осы бағдарлама идеясын әрі қарай дамытқым келеді. Курстан өткен әрбір ұстаз үшін Кембридждік оқыту тәсілі ерекше ізін қалдырды деген үміт бар және бізге өте қажетті маңызды өзгеріс, жаңашылдық деп санауға болады. Себебі оқушыдан бұрын мұғалімнің өзінің бұрын жасаған қызметіне басқаша көзқарас туындайды. Өз көшбасшылығын меңгере отыра кез келген іс-әрекетте бағалауға дағдыланады. Бір сабақтан келесі сабаққа ауысқанда өзіне рефлексия жасай келе келешекте нені ескеруге болатынына мән береді.

Еліміздің тірегі –білімді ұрпақ. Оларға әлемдік стандартқа сай білім беру- ұстаз еншілігінде. Әр күніміз, әр сағатымыз ізденісті талап етеді. Ұстаз жаңа бағытты негіздей отыра оқушының өздігінен жаңалық ашуына, өмірге өз үлесін қосуына жол ашады. Өз бойындағы құндылықтарды адам игілігіне пайдалану адамзат даналығының ең жоғарғы көрінісі деп білемін. Өмірдегі жаңа өзгерістер ұстаздан үлкен жауапкершілікті талап етеді. Дәстүрлі сабақтарда оқушылар емес, сабақтың көп пайызын мұғалім жүргізеді. Ал бұл бағдарламада 80% оқушылар белсенділік танытса, мұғалім бағыт-бағдар бере отыра 20% жүргізеді. Бұл бағдарламаның басты мақсаты- оқушының пәнді терең түсіну қабілетін дамыту, алған білімдерін өмірде, кез келген жағдайда тиімді пайдалана білуін қамтамасыз ету. Өзгертілген, жаңарған сабақтарда оқушыларға еркіндік беріп, өз ойларын жүзеге асыруға мүмкіндік туғызады. Олар өзін және бірін-бірі бағалайды, бұл тереңірек түсінуге ықпал етеді. Оқушылар өзінің оқу үлгерімінің деңгейін біледі және алдағы мақсаттарға қарай жылжиды. Сондықтан осы бағдарламадан жақсы нәтиже күтемін. Алдағы уақытта өз тәжірибемде қолданатын боламын.

А.Ж.Ибраева

Докучаев орта мектебінің

қазақ тілі және әдебиет

пәнінің мұғалімі

Кембридждік оқыту тәсілі бойынша

қысқа мерзімді жоспар

Сабақ №13

Сынып: 6

Cабақтың тақырыбы: Көшеде

Cабақтың мақсаты: Жаңа сабақпен таныстыру, үлкендерге орын беру, үлкендерді сыйлаудың маңыздылығы туралы түсінік қалыптасыру, жаңа сөздермен танысу. Меңгерген білімді негізге ала отырып, қалай оқу керектігін үйрету модулін пайдаланып, оқушынының өз ойын еркін ашық жеткізуге жетелеу арқылы өзін –өзі реттеуді қалыптастыру.

Сабақтың әдіс-тәсілі: СТО, топтық жұмыс, диалогтық жұмыс,сұрақ –жауап, зерттеу, постер, бірлесе жұмыс жасау.

Көрнекіліктер: ресурстар, үлестірме қағаздар, түсті дөңгелектер, стикерлер, фломастерлер.

Сабақта қолданылатын модульдер:Оқыту мен оқудағы жаңа тәсілдер, Сыни тұрғыдан ойлауға үйрету, Оқыту үшін бағалау және оқуды бағалау, Талантты және дарынды балаларды оқыту, Оқушылардың жас ерекешеліктеріне сәйкес оқыту және оқу, Оқуды басқару және көшбасшылық.

Күтілетін нәтижелер:Сабақтың мақсатын өздері анықтауға үйренеді. Бірін-бірі әділ бағалауға үйренеді.Алған білімдеріне сүйене отырып, тапсырманы орындайды,тілдік қарым-қатынасқа түскенде практикада қолдана алады.Топ алдында сөйлеуге үйренеді.

Сабаққа талдау: Оқушылар топпен жұмыс жасады. Үй тапсырмасын «Сематикалық кесте» арқылы тексердім. Топтық жұмыста оқушылар мәтінді оқып, бір топ мәтін бойынша сұрақтар, екінші топ мәтінді аударды. Әр топтан спикерлер шығып өз жұмыстарын, топ алдында жұмыстарын қорғады. Екінші топта дарынды оқушым аялдамада тұрған автобустың суретін салып қойыпты. Мен бұдан оқушымның сыни тұрғыдан ойлай бастағанын білдім. Топта оқушылар рөлдерге бөлінді. Өз рөлдерін жақсы атқарды. Бір-бірін «Екі жұлдыз, бір тілек»,смаликтер көрсету арқылы бағалады. Тіл дамыту мақсатында сөздерді аударды. Грамматикалық тапсырмалар орындады. Дұрыс жауапқа фишкалар берілді. Сабақтың соңында өзін- өзі бағалау жүргізілді. Жасыл түс – сабақ түсінікті

Сары түс- сабақ қызықты

Қызыл түс- сабақты түсінбедім

Не сәтті өтті? Оқушылар топпен бірлесе отырып, ынтымақтастықта жұмыс жасай алды. Өз ойларын еркін, ашық жеткізе алды. Сабақ көңілді өтті? Екінші топта дарынды оқушым аялдамада тұрған автобустың суретін салып қойыпты. Мен бұдан оқушымның сыни тұрғыдан ойлай бастағанын білдім. Топта оқушылар рөлдерге бөлінді. Өз рөлдерін жақсы атқарды. Бір-бірін «Екі жұлдыз, бір тілек»,смаликтер көрсету арқылы бағалады.

Не сәтсіз өтті? Сабақтың мақсатын дұрыс қоя алмады. Топтар бірін-бірі әділ бағалаған жоқ.

Нені дамытқым келеді?

Сабақтың мақсатын дұрыс қоя білуді үйреткім келеді.Өзара әділ бағалауды жақсартқым келеді. Топпен ынтымақтастықты одан әрі дамытқым келеді. Сынт тұрғыдан ойлау арқылы оқушылардың ойлау белсенділіктерді арттырып, өз ойын еркін, дәлелді түрде фактімен жеткізуді дамытқым келеді. Келесі сабақта АКТ модулін қолдану.