Мақала "Латын әліпбиіне көшу ұлтымыз үшін жасалған қадамдардың бірі"

«Латын әліпбиіне көшу ұлтымыз үшін жасалған маңызды қадамдардың бірі»

Латын әліпбиіне көшу туралы сөз қозғалғаннан бастап жұртшылық арасында пікірталас өршіп кетті. Мысалы, «латын әліпбиін қабылдаған жағдайда келешек ұрпақ кирилл жазуы негізіндегі бұрынғы бай жазба мұрамызды оқи алмай қалады» деген пікірге, екінші біреулер: «Қазақтың жазба мұрасы көп жылдық тарихы бар елдерге қарағанда аз, сондықтан қазіргі жағдайда барлық жазба мұрамыз бен жәдігерлерімізді латын әрпіне бірте-бірте көшіріп алуға мемлекетіміздің мүмкіндігі жетеді» дейді. Расында, мен бұл пікірмен келісемін. Жазу тарихымызда қолданылған араб немесе кирил әліпбиі болсын, біз солар арқылы да талай үлкен дүниелерді өмірге әкелдік. Ал енді болашақта қолға алмақ болып отырған латын қарпі қазақ елін әлем мемлекеттерімен жақындастырып, жарқын болашаққа бастайды деп үміттенемін. Біз қандай әліпби түрін пайдалансақ та, ең бастысы, төл тіліміздің қалпын сақтап, мертебесін биіктете алсақ болғаны. Ел мүддесі үшін заман талабына сай жасалған ізгі қадамға ақ жол тілеймін! Еліміз аман, жұртымыз тыныш, болашағымыз жарқын болғай!

Бегалина Айгуль Болатовна.