Мемлекеттік Тіл – рухани
байлық
Тіл- мемлекеттің тұғырлы тірегі, халықтың
рухани байлығы, өйткені болашағының айқын
көрінісі. Ана тілінің
қадір-қасиетін біле білген халқымыз оны ұлттың рухына, қазына
байлығына балайды. Себебі, тіл – халықтың жаны, сәні, тұтастай
кескін-келбеті, ұлттық болмысы. Адамды мұратқа жеткізетін – ана
тілі мен ата дәстүрі. Біздің осындай халықтық қасиетті мұрамыз, ана
тіліміз – қазақ тілі.
Тәуелсіз мемлекетімізде
бірнеше ұлттар мен ұлыстар тату-тәтті бір шаңырақ астында өмір
сүріп жатыр. «Тіл – адам қатынасының аса маңызды
құралы»,-демекші, елімізде мемлекеттік тіл – қазақ тілімен қатар
ресми тіл – орыс тілі еркін қолданылады.
Мемлекетімізде қазақ тілінен басқа тілдердің
қолданылуына еш кедергі келтірілмейді. Тілдермен қатар басқа ұлттар
өз дәстүрлері мен салттарын ашық түрде қолдануларына жол берілген.
Көптеген ұлттардың өз мәдени орталықтары да бар.
Тіл адамдардың қарым-қатынас құралы
болғандықтан, ол сөйлеу әрекетінің арқауы болып
табылады. Тіл ұлт пен
ұлтты жақындастыратын өзгеше қатынас құралы. Адам тіл арқылы
бір-бірімен қатынаса алады. Қазіргі таңда, еліміз өз егемендігін
алып, дербес мемлекет ретінде
танылуда.
Сөзімнің соңын Елбасының ана тілі туралы
айтқан мынадай көрікті ойымен аяқтағым келеді: «Дауға салса
алмастай қиған, сезімге салса қырандай қалқыған, ойға салса
қорғасындай балқыған, өмірдің кез келген орайында әрі қару,
әрі қалқан болған , әрі жас отты да ойнақы Ана тілінен артық қазақ
үшін бұ дүниеде қымбат не бар екен ?! Ғасырлар бойы қазақтың ұлт
ретіндегі мәдени тұтастығына ең негізгі ұйтқысы болған – оның
ғажайып тілі».
Султанова Сабира
Шаймерденовна
№29 орта мектебінің қазақ
тілі мен әдебиет пәнінің
мұғалімі
Қостанай
қаласы