Мақала. Мен саған есірткі жайлы айтып беремін

Мен саған есірткі жайлы айтып беремін

Есірткі, нашақорлық.... Нашақорлық-қоғам дерті, есірткі заттарға патологиялық дағдыланудың нәтижесінде пайда болатын созылмалы ауру. Біз нашақорлық деген сөзді ақпарат көздерінен жиі естиміз. Адамзаттың бүкіл өмірін тас-талқан етіп, тура жолдан тайдыратын бұл қасірет қазіргі кезде әлемді жайлап барады. Одан зардап шеккен тағдырлар қаншама. Есірткі-жалпы адам өміріне балта шабатын улы зат. Есірткіге тәуелді болған адам, есінен айрылады. Айналасындағы болып жатқан өзгерістер, отбасының қайғысы оны қызықтырмайды. Қаншама отбасы бұзылып, ата-анасы зар жылады.

Есірткіге тәуелді болған адамдар енді өзінің бәз-баяғы қалпына орала ала ма? Әрине, ес жинап «адам» болып кеткендері де бар. Алайда көпшілігі бұл кеселдің шарбағына бір кірген соң, одан оңайлықпен қашып құтыла алмайтыны анық. Өмір-адамзатқа берілген сый. Осы сыйды қалай бағалайтыны адамзаттың өзіне байланысты. Кей жандар өмірден адасып, есірткімен уланып өмірін өксікпен өткізуде. Бір нашақордың кесіренен бүкіл отбасы жапа шегуде. Осындай жандар туралы естіп менің сәби жүрегім сыздайды. Бар дауысыммен «Таста наша деген пәлені!», «Өзгенің де, өзіңнің де өміріңді өксітпе!» -деп айқалағым келеді. Болашақта нашадан әлемді құтқару қазіргі жастардың қолында. Сондықтан бүгін қолыма қалам алып, барша өзім сияқты жастарға үндеу тастағым келеді.

Жас достар, болашақ жастардың қолында. Сондықтан есірткіден бойды аулақ ұстайық! Салауатты өмір салтын сақтайық! Өмірдің басты байлығы-адам өмірі екенін ұмытпайық! Санасын есірткімен уламайтын қайсар, текті қалық екенімізді көрсетейік!