Мақала "Қашықтықтан оқытудың маңызы мен рөлі"

Қашықтықтан оқытудың маңызы мен рөлі

Қашықтықтан оқытудың маңызы мен рөлін қазіргі таңда оқушы мен мұғалім көрсетуде. Қолжетімді бағдарламалар арқылы оқушыларымыз білім алып жатыр. Осындай жүйенің аясында жұмыс жасаудың оңтайлы тәсілдері жүзеге асуда.Ақпараттандырылған ғасырда озық технологияның арқасында біздің мектебіміздің шәкірттері де білімдерін жалғастырып жатыр. Оқу үдерісінің бұл жаңа формасын оқушылармыз да меңгеру үстінде .Әртүрлі платформалар арқылы арқылы мұғалімдеріміз білімге құштар оқушыларымызды білім нәрімен сусындатуда. Бірқатар шәкірттеріміз теледидар мен ұялы телефон байланыстары арқылы білімдерін жалғастырса,келесі оқушыларымыз "Дарын" онлайн сияқты интерактивті қарым-қатынас түрлерін қолданып отыр. Қазіргі қиын қыстау кезеңде басшымыз Букаева Бибігуль Жумахановнаның арқасында еріктілер тобы құрылып, балалардың үйлеріне орындайтын тапсырмаларын жеткізіп, көмек беріліп жатыр. Осындай игі бастамалардың арқасында оқушыларымыз өздігінен оқып үйренуге, өзіндік жұмыс қабілеттерін дамытуға машықтанып,жұмыс жасауда. Өз іс-тәжірибеммен бөлісер болсам,электрондық оқулықтар мен теле,аудиодәрістер арқылы балалардың барынша сабақты түсінікті де тартымды,қызықты меңгерулеріне атсалысып жатырмын. Еліміздің басына түскен індетті жеңіп шығу үшін "Жұмыла көтерген жүк жеңіл"демекші мен де қолымнан келгенше күш -жігерімді аямаймын. Дамыған елдердің жас буындары тәрізді біздің ұрпағымыз да,болашағымыз да осы қашықтықтан оқыту жүйесі арқылы білімді игеріп шығады деп сенемін."Білімдінің қолында алтын шырақ"дегендей,біз мұғалімдер қауымы бір жағадан бас,бір жеңнен қол шығарып,осы қиындықты да еңсереміз деген ойдамын.