TopIQ платформасын білім беруде қолдану

TopIQ-цифрлық дәуірде білім алуға және білім алмасуға арналған заманауи білім беру электрондық платформасы. Ол оқу процесін жеңілдететін және тиімді білім беру бағдарламаларын жасауға мүмкіндік беретін көптеген құралдар мен мүмкіндіктерді ұсынады. TopIQ-мұғалімдер мен оқушылардың қажеттіліктерін ескере отырып жасалған көпфункционалды электронды білім беру платформасы болып табылады. Электрондық оқулық жеке оқушымен немесе оқушылар тобымен тек сынып қабырғасында ғана емес, сонымен қатар экскурсияға, жолда жұмыс істеуге мүмкіндік береді. Спорттық жиындар кезінде де оны өзіңізбен бірге оңай алуға болады.

TopIQ платформасын мен өз тәжірибемде 1 және 2 сыныптарда цифрлық сауаттылық пәнінен берілген флэш карталар арқылы пайдаланамын. Платформа арқылы мұғалім жаға тақырыппен таныстырып, видео материялдарды көрсете алады. Жаңа тақырыппен танысқан соң сабақты бекіту үшін дайын тапсырмаларды орындайды. Енді жазуды үйреніп келе жатқан бастауыш сыныптарға осы платформа арқылы тапсырмаларды орындау мұғалім үшін таптырмас мүмкіндік. Оқушылар тапсырмаларды жеке орындай отырып, қатемен жұмыс жасай алады. Тапсырманы қайта орындау командасының арқасында берілген тапсырма оқушының ойына ұзаққа сақталады. Тапсырма орындап болғаннан кейін оқушы өзінің қай тапсырманы дұрыс орындағандығын пайыз мөлшерінде таныса алады.

TopIQ платформасы-бұл "Алматыкітап" баспасының цифрлық мектеп оқулықтарын, сондай-ақ дайын онлайн-тапсырмаларды қамтитын қосымша. Бұл платформаға функционалдылық тек TopIQ платформасына қосылған мектептер үшін қол жетімді. Қызметке қосылу серіктес жағында - topiq, мектеп басшылығы арқылы жүзеге асырылады. Мектепке лицензия беріледі, оны мектеп әкімшісі іске қосуы керек.Осылайша әрбір сабақта оқушыларға сапалы материялдар мен тексерілген тапсырмаларды орындата аласыздар.

Topiq платформасы білім алушылар мен педагогтардың зияткерлік және шығармашылық дамуы үшін цифрлық дағдыларды қалыптастыруға ықпал етеді. Осы платформаны қолдана отырып, мен өзім үшін көптеген артықшылықтар мен мүмкіндіктерді таптым. Мен өз жұмыс тәжірибеммен "білім беру мекемесінің оқу процесінде "topiq" цифрлық ресурсын үнемі пайдаланамын. Бұл платформаны жасаушылар оны жетілдіруді жалғастыруда, бұл мұғалімнің жұмысын едәуір жеңілдетеді.