Түркістан облысы, Жетісай ауданы ауданы

«М. Жұмабаев атындағы №15 жалпы білім беретін мектебі»

коммуналдық мемлекеттік мекемесі

Бастауыш сынып мұғалімі

Кокишова Роза Сарсеновна

Ержанова Мадина Сейтовна

«Ұлттық дәстүр – ұрпаққа аманат»

Қазақ халқының ғасырлар бойы қалыптасқан ұлттық дәстүрі мен салт-санасы – ұлттың рухани тірегі, мәдени мұрасы. Халықтың тұрмыс-тіршілігімен біте қайнасқан әдет-ғұрып, салт-дәстүр арқылы ұрпақ тәрбиесі жүзеге асып отырған. Осы орайда, жас ұрпақтың бойына ұлттық құндылықтарды сіңіру, оларды салт-дәстүрді құрметтеуге тәрбиелеу – білім беру ұйымдарының негізгі міндеттерінің бірі.

Осы мақсатта «М.Жұмабаев атындағы №15 жалпы білім беретін мектеп» КММ-де «Біртұтас тәрбие» бағдарламасы аясында «Даналық мектебі» клубының жұмыс жоспарына сәйкес «Ұлттық дәстүр – ұрпаққа аманат» атты тәрбиелік іс-шара өткізілді. Іс-шараның мақсаты – жас ұрпақтың бойында ұлттық тәрбие мен салт-дәстүрге деген құрметті қалыптастыру, ата-баба мұрасын дәріптеу.

Іс-шара барысында оқушылар мен ата-аналар қазақ халқының озық дәстүрлерімен танысты.

1-сынып оқушылары тақпақтар айтып, ұлттық әндер орындады. Сонымен қатар, «Қолға су құю» дәстүрі сахналық көрініс ретінде көрсетіліп, мағынасы кеңінен түсіндірілді.

Ауыл ақсақалдары мен әжелері тәрбиелік мәні зор әңгімелер айтып, салт-дәстүрдің өмірдегі орны туралы өз көзқарастарын білдірді. Іс-шараға арнайы шақырылған Жетісай ауданы ардагерлер кеңесінің мүшелері – С.Леспаева мен «Сәулем-ай» әжелер алқасының төрайымы С.Әзімбекова қатысып, өз баталарын берді.

Шара жоғары деңгейде өтті. Қатысушылар ұлттық құндылықтар туралы мол мағлұмат алып, рухани байып қайтты. Ата-аналар мен қонақтар ұйымдастырушыларға алғыстарын білдіріп, мұндай тәрбиелік шаралардың маңызын ерекше атап өтті.

Қорыта келе, «Ұлттық дәстүр – ұрпаққа аманат» атты тәрбиелік іс-шара жас ұрпаққа ата-бабадан қалған асыл мұраны дәріптеудің, ұлттық болмыс пен мәдениетті бойына сіңірудің жарқын үлгісі болды. Мұндай мазмұнды шаралар – рухани жаңғырудың бір тармағы ретінде болашақта да өз жалғасын табатыны сөзсіз.