Мақала ҮШ ТІЛДЕ ОҚЫТУ-ЖАРҚЫН БОЛАШАҚ КЕПІЛІ

ҮШ ТІЛДЕ ОҚЫТУ-ЖАРҚЫН БОЛАШАҚ КЕПІЛІ

О қушылардың тілге деген қызығушылықтарын арттыру мақсатында үш тілде оқытылатын (9а,9б,8а,8б,7а) сыныптар арасында «Үш тілде оқыту-жарқын болашақ кепілі» атты интеллектуалдық марафон өткізілді. Қатысушылар қазақ, орыс, ағылшын тіліндерінде функционалдық сауаттылыққа бағытталған бірнеше пәндер бойынша тапсырмалар орындау арқылы өз білімдерін сынасты. Алдымен «Kazakh language station» қазақ тілі станциясына келіп, әр топ жас ерекшеліктеріне сай тапсырма орындады. Тапсырмаларды орындауға 10 минут уақыт белгіленген, 10 минут өткен кезде тапсырма орындауды тоқтатып, әділқазылар тексеріп, ұпайларын қойып, жолдама карталарына қол қою арқылы келесі станцияға жолдама берілді. Осы жүйемен төмендегідей станциялардан өтіп, өз ұпайларын бағалау карталарына толтыртып отырды. «Russian Station» орыс тілі станциясы, «Physics station» физика станциясы, «English Station» ағылшын тілі станциясы, «Biology Station» биология станциясы. Марафонға қатысушы сыныптар бұл пәндерді ағылшын және қазақ тілінде оқиды. Нәтижесінде 9 «а» сынып І орынға, 9 «б» ІІ орынға, 7 «а» ІІІ орынға ие болды. Сайыс қызықты әрі тартымды өтті.

Іс-шара Байдарбесова Қымбат Маратқызы, Шынар Жанғабылқызының ұйымдастыруымен өтті. Дарынды мектепте дарынды шәкірт  тәрбиелеуде, оларды білім нәрімен сусындатып, ірі тұлға болып қалыптастыруда аяулы ұстаздарымыздың еңбегі зор. Апталықтың жабылу кешінде әдістемелік бірлестік жетекшісі Жанғабылова Жазира Ерғалиқызы жеңімпаздарға   өз қолымен мақтау қағаздарын тапсырып, жүректен шыққан жылы лебіздерін білдірді.

Ы. Алтынсарин атындағы дарынды балаларға арналған

облыстық қазақ гимназия-интернатының

қазақ тілі мен әдебиеті пәні мұғалімдері:

Мұхаметжанова Р.Ж.