Мақала.Отбасым -менің тірегім

Отбасым-менің тірегім.

Отан –отбасынан басталады.Отбасының құрылуы ата-анадан бастау алып,балалар дүниеге келіп,немере-шөберелер арқылы ұрпақтар жалғасын тауып өсіп, үлкен бір әулетке айналады.Отбасы дегенде айрандай ұйыған,жылулық сезімге бай,мейірімге толы ,адамдар тобы елестейді. «Отан –оттан да ыстық» дегендей оны ештеңеге айырбастау мүмкін емес.

Отбасы-мемлекеттің дұрыс қалыптасуының ең басты тірегі.Оған

«Отан отбасынан басталады» деген мақалды мысалға алсақ дұрыс болады.Әр отбасында тәрбиеленіп жатқан өскелең ұрпақ

отбасылық махабатқа бөленіп,дұрыс тәрбие алса,келешекте

отанымыздың дамуына зор үлес қосар еді.Адам бойындағы жақсы қасиеттер тек тәрбие арқылы ғана жүзеге асатыны сөзсіз.

Білім алмас бұрын адам бойында мықты тәрбие болу керек.Тәрбие мен білім екеуі егіз нәрсе.Тәрбиесіз алған білім қоғамға өте қауіпті.Осыдан келіп өз өмірлерін қажетсіз дүниелерге сарыптап жүрген адамдардан «сен қандайсың?» «болашақта кім боласың?,өмірдегі орның қандай ?»-деп сұрақ

қойсаңыз, «білмеймін» деп жауап береді.Бұл аталған азаматтың өз шешімі мен ойы жоқ екенін білдіреді және қоғамға етене араласып кете алмауының да себебі осы.Қазіргі кезде жаһандану заманында отбасылық құндылықтарды қалыптастыратын негізгі

факторлар ғаламтор,ашық түрде көрсетілетін ақпараттар, бұқаралық ақпараттар құралдары мен түрлі тәрбие нысандары бар.Жан-жақты тәрбие беру арқылы баланы жақсы жаққа тәрбилей аламыз.

Ертеректе ата-бабаларымыздың айтқан үлгі –өнегелі сөздерін

өскелең ұрпаққа жеткізіп,тәрбиелеп отырсақ,олардан келешекте жақсы азамат шығатыны сөзсіз. «Тәрбие басы-тал бесік» дегендей баланы бесіктен ана сүтімен бойына ана әлдиімен сіңіру арқылы тәрбиелеуіміз керек.

Отбасы - шағын мемлекет.Оның өз мүшелері болады. Отбасын ата-ана басқарады.Олар отбасылық жоспар құрады.Отбасының құндылықтарын сақтау керек.Адам баласы өзінің отбасынан тәлім-тәрбие алып,өсіп өнеді. Отбасының құндылығы адам және олардың тәрбиесі.Анадан дүниеге шыр етіп келгенде анамыз бауырына басып,аналық мейірімін беріп,әкеміз әкелік мейірімін төгіп,тәлім береді. Қазақта «Ұяда не көрсең, ұшқанда соны ілерсің деп,бекер айтпаған.Әр бала өзінің ата-анасына қарап өседі, үлгі-өнеге алады.Ата-ана бірігіп балаларын қалай тәрбие-леп өсіруді ойлайды.Олар өздерінің балаларын «Қанаттыға қақтырмай,тұмсықтыға шоқтырмай» өсіреді.Отбасында ұл мен қыздың тәрбиесінде үлкен жауапкершілік жатыр.Олардың тәрбиелілігі ата-анадан тәлім-тәрбие алу арқылы, үлгі-өнегеден,сыйластықтан,әдептіліктен,мейірімділіктен,үлкенді ізет,кішіге құрмет көрсету арқылы жүзеге асады.

Әке-асқар тау,

Ана-баурайындағы бұлақ,

Бала-жағасындағы құрақ, дегендей әкенің ролінің маңызы зор.Әке отбасы-тірегі,қамқоршысы,асыраушысы болып табылады.Ана- отбасы шамшырағы.

Ананың орны бөлек.Анаға қарап қыз өседі,әкеге қарап ұл өседі.Небір ғалым,данышпандар да анадан туып,анадан тәрбие алған.Отбасында қыз бала тәрбиесінде ананың тәрбиесінің маңызы зор.Қыз болашақ-Ана.Оның тәрбиесімен ана айналысады.Адам бойындағы жақсы мінез-құлықтар мен құндылықтар,сыпайылық,кішіпейілділік,сыйластық ,қасиеттердің барлығы ата-ана тәрбиесі арқылы жүзеге асады.

Өз отбасында дұрыс тәрбие алған бала ұшқанда да,соны істейді.Сондықтан отбасы тәрбиесінің атқаратын маңызы өте зор деп білемін.