Ұрпақ тәрбиесі - бұл
болашақ тірегі, мемлекеттік маңызды
іс.
«Адам ұрпағымен мың жасайды» -
дейді халқымыз. Ұрпақ жалғастығымен адамзат баласы мың емес
миллиондаған жылдар жасап келеді. Жақсылыққа бастайтын жарық жұлдыз
- оқу. «Надан жұрттың күні – қараң, келешегі тұман»,- деп М.
Дулатов айтқандай, егеменді еліміздің тірегі - білімді ұрпақ.
Сусыз, құрғақ, таса көлеңке жерге дән ексең өнбейтіні сияқты, жас
ұрпақтарымызды тәрбиелемесек өспейді, өнбейді. Қазіргі мектеп
мұғалімдерінің алдында тұрған басты міндет - оқушылардың
шығармашылық білім дағдыларын қалыптастыру. Шәкәрім Құдайбердіұлы
«Адамның жақсы өмір сүруіне үш сапа негіз бола алады, олар
барлығынан басым болатын адал еңбек, мінсіз ақыл, таза жүрек. Бұл
сапалар адамды дүниеге келген күннен бастап тәрбиелейді» деп
есептейді: Ұрпақ тәрбиесі - бұл болашақ тірегі, мемлекеттік маңызды
іс. Адамзат ұрпағымен мың жасайды дегендей ұрпақ тәрбиесі қай кезде
де халықтық мәселе болған.
Міне, өз ұрпағының өнегелі, өнерлі, еңбексүйгіш, абзал азамат болып
өсуі үшін халық педагогикасының негізгі мақсатын шығармашылықпен
оқу - тәрбие үрдісіне тиімді пайдалану әрбір ұстаздың міндеті болып
табылады. Сондықтан, ұстаз - мұғалімдер қауымының алдына өте үлкен
міндет жүктелді. Бүгінгі таңда жас ұрпаққа пәнді тиімді ұғындырудың
бірі - жаңа технология негіздері болып табылады.
«Білім негізі – бастауышта» деген ұғымның үлкен мәні бар.
Өйткені, мектеп өмірі бастауыш сынып оқушысына жаңа әлемнің
есігін ашып, рухани дүниесінің қалыптасуына негіз салады.Жоғары
сынып оқушыларымен салыстырғанда бастауыш сынып оқушылары үшін
мұғалімнің рөлі ерекше. Мұғалім – олар үшін үлгі ететін тұлға.
Олар ұстазының іс-қимылына, жүріс-тұрысына, сөйлеу мәнеріне,
басқалармен қарым-қатынасына да еліктейді. Сондықтан да, бастауыш
сынып мұғалімі қызметінің жауапкершілігі өте зор. Мен негізінен
бастауыш сынып мұғалімімін.Қазіргі уақытта жұмыс жоқ болғандықтан
жұмыссызбын. Алайда ізденуін тоқтатқан ұстаздың ұстаздығы да
тоқтайды демей ме жұмыста болмасамда білім саласында болып жатқан
өзгерісті үнемі оқып, өз білімімді жаңартып отырамын. Өз
балаларыма,олардың достарына өз тәжірибеммен қолдау
көрсетіп,сабақтарына көмектесемін. Кез келген уақытта мүмкіндік
болып жұмыс болса ел болашағы жас ұрпаққа сапалы білім беру
ұстаздық міндетім деп ойлаймын.Қазіргі кезде білім беру саласында
болып жатқан ауқымды өзгерістер түрлі ынталы бастамалар мен
түрлендірулерге кеңінен жол ашылуда.Ел болашағына үлес қосу әрбір
азаматтың міндеті.
Абдилсерикова Махаббат
Абдилсерикқызы
Алматы обл.Кербулак
ауданы
Сарыөзек
кенті.