Мақтанышым - Мемлекеттік рәміздер

Атырау облысы

Индер ауданы

«Жауқазын» мектепке дейінгі бөбекжайы

Ашық ұйымдастырылған оқу қызметінің технологиялық

картасы

Білім беру саласы: Таным.

Бөлімі: Құрастыру

Тақырыбы: «Мақтанышым-Мемлекеттік рәміздер»

I-кіші «Күншуақ» тобы

Тәрбиеші:Ш.Гиндуллина

2016 жыл

Сабақтың тақырыбы:

«Мақтанышым – мемлекеттік рәміздер»

Сабақтың мақсаты:

Білімділік. Қазақстан Республикасының рәміздері туралы түсінік беру және еліміз үшін асқақ сезім екеніндігін,әрбір бөлшегіндегі ұлтты символиканы ұғындыру, оларға мемлекеттік белгілердің аса маңыздылығын, оны ерекше құрметтеп, мақтан тұту керектігін түсіндіру

Тәрбиелік:Оқушыларды ұлтжандылыққа, өз елін, жерін, атамекенін сүюге тәрбиелеу, елі үшін мақтаныш сезімін бойларына ұялату;

Дамытушылық: Балалардың ойлау, есте сақтау қабілетін, тіл байлығын дамыту.

Көрнекіліктері:Интерактивтік тақтаға арнайы дайындаған слайдтар.

Тәрбиеші:Арайлап таң атты,

Алтын сәуле таратты.

Жарқырайды күніміз,

Жарқырайды даламыз.

Біз бақытты баламыз,-

дей отырып, «Мақтанышым – мемлекеттік рәміздер» атты ашық сабағымызды бастаймыз.

Балалар орнынан тұрып Қазақстан Республикасының мемлекеттік гимінін орындайды.

Тәрбиеші: Балалар, сендер қандай ән орындадыңдар?

Балалар:Қазақстан Республикасының гимінін орындадық.

Тәрбиеші: Дұрыс айтасыңдар, балалар, әрбір республиканың өз ерекшелігін білдіретін гиміні, туы, елтаңбасы болады. Біз оны рәміздер деп атаймыз. «Менің рәміздерім» бөліміне кезек берейік

(Осы рәміздер туралы жеке-жеке түсінік беріледі.)

Тәрбиеші: Мынау-біздің туымыз. Туда – не бейнеленген, түсі қандай?

1-бала: Тудың түсі – көк, аспанның түсіне ұқсайды. Ортасында күн, астында бүркіт ұшып келе жатыр. Төрт бұрышты, қазақтың ою –өрнегімен бейнеленген.

Тәрбиеші: Мынау- біздің гимініміз.Гимінді – не істейміз?

2-бала: Гимінді- жаттаймыз, айтамыз, шырқаймыз.

Тәрбиеші: Мынау – біздің елтаңбамыз. Елтаңбада - не бейнеленген?

3-бала: Елтаңбада-шаңырақ, екі жағында тұлпар,ортасында«Қазақстан» деген жазуы бар, егін,жұлдыз бейнеленген.

Тәрбиеші:Балалар, үлкен мерекелерде туымыз көтеріліп, гимініміз орындалады. Рәміздерімізді үлкен де, кіші де құрметтеуге тиіс.

Балалар Қазақстан Республикасының рәміздері туралы кім тақпақ біледі.

Ту

Меруерт: Көк туымыз бетінде

Қыран бүркіт қанатты

Сол қыранда й еркіндеп

Біз өсеміз талапты.

Ақнұр: Айнымайды аспаннан

Біздің тудың бояуы

Оны халық қашанда

Биікке іліп қояды.

Елтаңба

Жантілек: Қатар шапқан қос тұлпар

Ай астында қазақ үй.

Сабина: Қалықтаған жас сұңқар

Шарықтаған таза күй.

Ерназар: Бұл таңбасы елімнің

Елдігімнің белгісі

Гимн

Ақниет: Ән ұраным – жан ұраным

Айтар әнім, сөйлер сөзім.

Мұстафа: Туған жерім сағынарым

Бақыт – бірлік күн талабы.

Сұлтан:Тоқтамайды дабыр әні

Мәңгі бақи шырқалады.

Тәрбиеші: Ал балалар енді ойын ойнап алайық .

«Орнын тап» ойыны

(Рәміздердің суреттерін орындарынан ауыстырып,қайта орналастыру.)

Тәрбиеші: Жарайсыңдар балалар.

Тәрбиеші:Енді сергіту жаттығуын жасайық.

«Бала-бала балақан» сергіту

Бала-бала балақан,

Кәне қайсы алақан.

Саусақтарын әйбәт,

Былай-былай ойнатып.

Топ-топ,топ-топ басайық,

Жалаудан күн жасайық.

Жаса-жаса алтын күн,

Жаса-жаса жарқын күн.

«Жасырынған белгілер» ойыны.

(Рәміздеріміздің өзіндік белгілерін рет-ретімен жапсыру)

«Тез ойла» тапсырмасы

Жұмбақ шешкізу.

1.Алтын сандық ашылды,

Сары моншақтар шашылды. ( Күн)

2.Елең, етті-етті.

Қарға ауылға қона кетті,

Қақтың суын іше кетті.

( Бүркіт)

3.Татым-таптым топ жорға,

Табаны жалпақ боз жорға.

( Ою-өрнек)

«Бірге шырқаймыз» бөлімі өнер көрсету

Көк тудың желбірегені

Көк тудың желбірегені

Қазақтың асқақ беделі.

Махаббат, қайрат екеулеп,

Шымырлатқаны денені.

қ-сы

Көк тудың желбірегені

Жаныма қуат береді

Таласқа түссе жан мен ту

Жан емес маған керегі

Көк тудың желбірегені.

Қорытынды: Міне балалар, өміріміздің жалғасы, еліміздің қорғаны, тірегі сендер болады деп сенеміз.

Абай атамыз айтқандай: «Сен де бір кірпіш дүниеге, кетігін тап та, бар қалан» деп, бүгінгі бүлдіршін – балаларымыз қоғамымызға кірпіш болып қалана берсін деген тілекпен ашық сабағымызды аяқтаймыз.

Мадақтау балаларға оқу қызметіне жақсы қатысқаны үшін жұлдызшалар таратылды.