«Маша мен аю» мерекелік Жаңа жыл ертеңгілік

Жүргізуші:

Армысыңдар халайық

Бармысыңдар халайық

Жаңа жылды жұп жазбай

Бірге қарсы алайық.

Құрметті қонақтар, ата-аналар, ұстаздар, балалар! Көптен күткен жаңа жыл мерекеміз де міне келіп жетті. Сіздерді Жаңа жыл мерекелеріңізбен құттықтаймыз. Өмірлеріңізге шаттық, дендеріңізге саулық, отбасыларыңызға ынтымақ- бірлік алып келсін деп тілейміз. Кішкентай бүлдіршіндеріміздің болашағы жарқын болсын!

Залға әуен ырғағымен Маша (топтан қыз) кіреді .

Жүргізуші: Балақай, сен кімсің?

Маша: Мен - Машамын. Мені танымадыңыз ба? Мен - Маша мен Аю мультфильміненмін. Бұнда не болып жатыр, бұл балалар не үшін жиналған?

Жүргізуші: Ал, сен бұнда не істеп жүрсің? Біз жаңа жыл мерекесін тойлауға жиналып отырмыз.

Маша: Ой- ой -ой, қандай керемет! Ал мен орманнан келе жатып, үйге қайтар жолды таба алмай қалдым. Сендер маған жол көрсетесіңдер ме?

Жүргізуші: Балалар, Машаға көмектесеміз бе?

Алдымен Маша қыз, сенің көңіліңді көтеріп, бір қызықты ойын ойнап алайық.

Ойын:

Осыдан соң музыка ойналып, ортаға билеп Аю кіреді.

Аю: Сәлеметсіңдер ме, балалар! Бұл жерде не шу болып жатыр? Мені ұйқымнан оятып жібердіңдер ғой!

Жүргізуші: Ооо, Аю! Сенің келгенің қандай жақсы болды. Сенің көмегің қажет Машаға. Маша қызымыз орманда адасып кетіпті. Енді оны өз үйіне апару қажет.

Маша: Ия, Аю. Сенің маған көмектесуің қажет! Мен де жаңа жылға дейін үйіме жетіп алуым керек.

Аю: Қорықпа, Маша қыз.

Жүргізуші: Алдымен, ортаға өз өнерлерін көрсетуге «Балапан» тобының

«Жаңа жыл» биін қабыл алыңыздар.

«Қызғалдақ» тобының «Жаңа жал» биі.

Маша: Аю, кеттік енді, үйіме апар мені...(Аюды тартады)

Аю: Маша қыз , ал сен қазір үйіңе барғанда мерекеге орай ән айтып бере аласың ба?

Маша: Оййй (басын ұстап) мен ондай ән білмеймін, енді не істеймін?

Жүргізуші: Қапаланба, Маша. Біздің балалар саған анаңа барғанда қандай ән айту керектігін қазір көрсетеді. Қосылып үйреніп ал.

«Қарлығаш» тобының Ән: «Жаңа жыл» хоровод

Маша: Қандай керемет ән. (қайтадан аюды тартады) Аю, кеттік үйіме апар мені...

Аю: Тұра тұр, Маша. Мен балақайлардың көңілдерін көтердім. Енді олар менің де көңілімді көтерсін...

Жүргізуші: Олай болса балалар, біз де Аю кішкене дем алып алу үшін ойын ойнасақ қалай қарайсыңдар?

Ойын:

Маша: Аю, жүр деймін саған. Маған үйге баратын жолды көрсетші

Аю: Бізге ол жолды қазір менің аққалаларым көрсетеді...

«Қызғалдақ» тобының « Шырша» биі.

Қарлығаш тобы: Би: «Аққалалар»

Аю: Жарайсыңдар,шыршалар, аққалалар! Ендеше мен Маша қызды жаңа жылды тойлауға үйіне апарар жолды көрсетіп, ал сендерге мерекені одан да қызықты өткізуіне Аяз атаны жіберейін . Сау болыңдар, балалар. (Маша екеуі қол ұстасып кетеді)

Жүргізуші: Балалар, бізге Аяз ата жеткенше қонақтарымызға мерекелік

Ән шашу : Анвар Нәзігімнің орындауында «Шыршаға бардық» әні.

Аяз атаны ортаға шақыру: (Аяз ата, аяз ата, аяз ата!)

Ортаға Аяз ата мен ақшақар кіріп келеді

Салеметсізбе, Қош келдіңіз Аяз ата, жолдан шаршап келген боларсыз! келіп отырып дем алып, балалардың жаңа жылға арналған тақпақтарын қабыл ал!

Медина:

Оралды өлкеме

Жаңа жыл армысың

Оранды ақ көрпеге

Асқар тау қарлы шың.

Мейірхан:

Әдемілеп біз ілген

Ойыншықтар тізілген

Қандай әсем шыршамыз

Ән шырқайық баршамыз,

Айсұлтан:

Жаңа жыл келгенде

Қуанып қарсы аламыз

Аяз ата келгенде

Билейміз, ән саламыз.

Ғалима:

Қош келдің Жаңа жылым,

Көп болар жаңалығын.

Саған жыл бақ сый еттім,

Жаңа нұр күттім досым,

Жаңа жыл құтты болсын!

Нұрғиса: ...........

Жүргізуші: Көгершін тобының «Жаңа жал» хоровод

Аяз ата: Жарайсыңдар, балалар, өнерлерің тамаша екен

Жүргізуші:

Жаңа жылмен, Жаңа жылмен

Құттықтаймыз әрине.

Әкемізді анамызды

Қонақтардың бәрінде!

Көгершін тобының «Шығыс» биін қабыл алыңыздар.

Ортаға қоянды қасқыр қуалап кіріп келеді.

Жүргізуші: Тоқта-тоқта! Қоянды не үшін қуалап жүрсің?

Қасқыр: мен қоянды жеймін. Күн болса суық жаурап жүрмін. Қоянды жесем біраз серігіп қалар едім.

Жүргізуші: Қасқыржан сен қоянды қайтесің оданда біздің балалардың өнерлерін тамашалап Аяз атадан сыйлықтар алғаның жөн болар.

Қасқыр: Жарайды, бірақ қоян меннен аулақ жүрсін, әйтпесе мен өзіме жауап бере алмаймын.

Олай болса «Қарлығаш» тобының «Ақ ұлпа қарлар» биін тамашалайық.

Келесі кезекте «Көгершін» тобының «Робот» биін қабыл алыңыздар.

Аяз ата: жарайсыңдар балалар, қандай керемет!

Жүргізуші:

Қош келдің жаңа жылым,

Көп болар жаңалығым.

Саған жыл бақ сый еттім,

Жаңа жыл құтты болсын дей отыра ортаға «Қарлығаш» тобыны «Попури» биін тамашалаңыздар.

Ән шашу: Төлеген Өскен «Ақшақар»

«Көгершін» тобының жігіттер биі «Флэшмоб»

Сұлуда сымбатты қыздарымыздың «Сүйкімді қыз» биін тамашалаңыздар.

Жүргізуші:

Жаңа жыл құтты болсын!

Береке, бірлік болсын!

Келе жатқан жылқы жылы,

Молшылық мен достыққа толсын!

Аяз ата: Жаңа жыл барлықтарыңызға бақыт, денсаулық алып келсін,бақытты болыңдар балалар.Келесі жылы кездескенше, сау болыңдар!

Би : «Жалпы би»

Жүргізуші: Осымен ертеңгілігіміз аяқталды! Жаңа жыл- барлықтарымызға жаңа бақыт, денсаулық алып келсін!

Бекітемін:

«Жайнагүл» бөбекжай

балабақшасының меңгерушісі:

А.С. Пернебаев______________

(қолы)

Ертеңгілік.

Тақырыбы: «Маша мен аю» мерекелік Жаңа жыл ертеңгілік

Тәрбиеші: Арипова Г.М.

26.12.2025ж.