"Маша мен аюдың көктемгі сыйы" ортаңғы топқа 8 наурызға арналған сценарий

Бәйтерек тобы

8 Наурыз мерекесіне арналған сценарий

Тақырыбы: “Маша мен Аюдың көктемгі сыйы”

1. Балалардың ерекше кіруі

(Көңілді әуен ойнайды, балалар екі-екіден қол ұстасып, билей жүріп сахнаға шығады. Барлығы орындарына жайғасқанда, кенеттен Маша жүгіріп келеді.)

Маша (қолын шапалақтап, секіріп):

– Ой, ой, ой! Қандай тамаша күн! Бүгін көктемнің ең ғажайып мерекесі – біздің сүйікті аналарымыздың мейрамы!

(Аю артынан асықпай келеді, бір қолында үлкен себет, екінші қолында гүлдер бар.)

Аю (маңдайын сүртіп):

– Ой, Маша-ай, сен мені тағы жүгіртіп шаршаттың ғой! Бұл қандай мереке, неге бәрі осындай әдемі?

Маша (күліп):

– Ой, Аю! Сен әлі түсінбедің бе? Бүгін – біздің аналарымыздың мейрамы! Біз оларды құттықтауымыз керек!

Аю (басын қасып, ойланып):

– Ендеше, мен сыйлықтарымды дайындап әкелдім. Бірақ бір нәрсе жетіспейтін сияқты…

Маша:

– Әрине! Көңілді әндер, тақпақтар, би мен ойындар! Балалар, біз аналарымызды қуантқымыз келе ме?

(Балалар «Иә!» деп жауап береді.)

Көктемгі тақпақтарды ұсынамыз.

(Балалар кезекпен тақпақтарын айтады.)

1-бала:

Айналамда нұр шашқан,

Жайнай түсті даламыз.

Көктем келді, ән салған,

Қуанышқа толамыз!

2-бала:

Құтты болсын, анашым,

Сенсіз күнім шуағы.

Қуантайық бәріміз,

Аналар мен әжені!

(Балалар аналарға гүлдерін сыйлайды.)

Аю:

– Ой, қандай әдемі тақпақтар! Маша, білесіңбе мен қазір билегім келіп кетті!

Маша (күліп):

– Ал сен дайынсың ба, Аю? Би – оңай емес!

Аю:

– Әрине, дайынмын! (Аю бір-екі күлкілі қимыл жасайды, балалар күледі.). Менің көмекші достарым барда нені уайымдаймын.

Би – “Көктемгі көңілді билеу” Құдаша қыз

(Қыздар жеңіл көктемгі әуенге би билейді, ұлдар оларды қошеметтеп, қол шапалақтайды.)

Аю: Қандай керемет би биледіңдер балалар. Енді бір ән болсағой!

Маша: Аю неге ұялып тұрсын, ән болса айтайық, бүгінгі әжелеріміздіңде мирамымен құттықтауымыз ретінде ән шашу арнайық.

Ән – “Әже, әжетайым”

Аю: Керемет, керемет!

Маша: Аю тоқта, мұнда жаман жаңалық бар.

– Балалар, біздің аналарымызға арналған сыйлықтар жоғалып қалыпты! Оларды табуға көмектесеміз бе?

Балалар: Ия.

Ол үшін шашылған үйді жинау қажет.

Ойын: (Музыка қосылады, балалар бөлменің әр жеріне жасырылған шағын сыйлықтарды іздейді. Әр бала бір сыйлық тауып, анасына немесе әжесіне апарып береді.)

Маша: Жарайсыңдар балалар.

(Сол сәтте Аю ойға шомып кетеді.)

Маша: Аю неге ойланып кеттің?

Аю: Жұмбақтың шешімін таппай жатырмын.

– Ал енді, мен сендерге жұмбақ жасырамын! Егер дұрыс жауап берсеңдер, аналарға арналған ерекше сыйлық ашылады!

(Аю жұмбақ оқиды, балалар жауабын табады.)

1. Қызыл, сары, көк түсті,

Бақшада өсер көп түрлі.

(Жауабы: Қызғалдақ)

2. Тікендері бар өзінде,

Гүлдердің патшайымы.

(Жауабы: Раушан)

(Дұрыс жауап берген сайын, Аю қорабын ашады, соңында аналарға арнап жасалған жүрек пішінді суреттер шығады.)

Аналарға арналған ән – “Ақ мамам”

(Балалар аналарға арнап «Ақ мамам» әнін шырқайды.)

Қоштасу бөлімі

Маша:

– Ой, бүгін қандай тамаша күн болды! Біз ән айттық, би биледік, аналарымызға сыйлық жасадық

Аю:

– Иә, мен де бүгін көп нәрсе үйрендім! Аналарға қуаныш сыйлау – ең керемет нәрсе екен!

(Барлық балалар сахнаға шығып, аналарға гүлдерді сыйлайды.)

Барлығы:

Анашым, мен сені жақсы көремін!

Әжетай, мерекеңіз құтты болсын!

Жүргізуші:

– Құрметті аналар мен әжелер, бүгінгі мерекелік шарамызға қатысқандарыңыз үшін үлкен рақмет! Балалардың өнері сіздерге қуаныш сыйлады деп үміттенеміз!