Эссе
Мұғалімнің әдептілігі де оқушылармен қарым-қатынасына жетекші орын алады. Әдептілік – мұғалімнің жоғарғы шындық, қарапайымдылық, сабырлылық көрсету, өзін-өзі басқарып, ұстамдылық жасауы және әртүрлі жағдайларда оқушылармен, өзге адамдармен қарым-қатынас жасай алу есептілігін біріктіретін адамгершілік тәртібі.Мұғалім – баланың жеке тұлғасын қалыптастырушы, маңызды тәлім-тәрбие өнегесінің бастаушысы, жарқын үлгісі, бала қиялын самғатып, арманын көкке ұсындырушы басты тұлға. Бүгінгі жас өркеннің ертеңгі әлеуметтік саяси қоғам мүшесі ретінде қалыптасуында тәлім-тәрбиенің маңызы зор екендігі белгілі. Мұғалім жан-жақты жетілген білімді, әдістемелік шығармашылық шеберлік иесі, халықтық дәстүр әдет-ғұрып пен салт-сана ерекшеліктерін әлеуметтік қарым-қатынастар түрлерін кәсіби түрде меңгеруі тиіс. Әсіресе, осы кәсіби билік дағдылары шыдауы оның ұстазды тәрбие жинақтығының ең басты алғы шарты болып табылады. Мұғалімнің кәсіби билік дағдылары өз кезегінде оның жеке кәсіби-педагогикалық мәдениетін көрсететін өлшем. Оған мұғалімнің жеке мәдениет деңгейі, адамгершілігі, тәлім-тәрбиесі, іздемпаздығы, зерттеушілігі жатады. Мұғалім кәсіби білімін үздіксіз жетілдірген жағдайда ғана оқушының танымдық, шығармашылық қабілетін дамытып, ғылымға деген қызығуын қалыптастыра алады. Сондай-ақ мұғалім жаңалық жаршысы ретінде оқытудың тиімді тәсілдерін, озық тәжірибелерді сараптап шығармашылық ізденіс үстінде болуы керек. «Ұстаздық – ұлы іс». Дағдарыстан – дамуға деп жатқан қазіргідей заманда, педагог мамандарға қойыалатын талапты талғаммен ұштастыра алатын тұлға ғана бала жүрегіне жол тауып, шәкіртін алға жетелемек. Өйткені, егемен елімізде мұғалімнің жан-жақты жұмыс жасауына жағдайдыңбәрі жасалған деуге болады. Мектептердің бәрі дерлік соңғы технологиямен қамтылған. Бұрын мектептерде мұғалім проблемасына мектептердің материалдық – техникалық базаларының ойдағыдай болмауы кедергі келтірсе, қазір оның орнына интерактивті тақта, мультимедиялық сынып келді. Электронды оқулықтар өмірге енді. «Қазіргі мектептегі мұғалім қандай болу керек?» деген сұрақ төңірегіндегі ой қозғасам, Елбасымыз Н.Назарбаевтың «Мұғалім – рухани дамыған, әлеуметтік тұрғыдан көзі ашық шығармашыл тұлға, педагогикалық құралдардың барлығын шебер меңгерген білікті маман. Ол жоғарғы білімді шығармашыл тұлғаны қалыптастыру жолында үлкен жауапкершілікпен жұмыс істейді» деген сөздері жауап береді деп ойлаймын. XXI ғасырда әлемдегі қайта құрулар, экономиканы дамытудағы жаңа стратегиялық бағдарламалар, қоғамның ашықтығы, оның жедел ақпараттануы мен қарқынды дамуы білім беруге қойылатын талаптарды өзгертуде. Әлем елдерінің тәжірибесінде әр елдің, әр мемлекеттің өзіне тән жалпы орта білім беру жүйесі мен мектеп үлгісі, орта мектептердің әрқайсысының қалыптасқан өзіндік ішкі құрылымы мен мазмұнының ерекшеліктері бар. Білім беру саласын ізгілендірудің басты бағыттарының бірі - белсенді оқыту түрлері мен әдістерін жетілдіру. Дәстүрлі білім беруді ығыстыра отырып, елімізде білім берудің ұлттық үлгісі қалыптасуда. «Адамзат қоғамын алға апаратын құдіретті күш – білім» дегендей, қазіргі кезде егемен елімізде білім берудің жаңа жүйесі жасалып, әлемдік білім беру кеңістігіне енуге бағыт алуда.Заман өзгеріп, біз жаңа бағытқа бет бұрдық. Бала жаны жаңалыққа құмар, белгісіз нәрселерді ашуға тырысатындықтан, олардың талпынысын дамытуға көп көңіл бөлемін. Баланың оқуға ынтасын, қызығушылығын қалыптастырудың бір жолы – пәнді оқытуда тиімді тәсілдер арқылы оқу материалын оқушының өздігінен түсінуі мен шешуі болып табыладыМұғалім – барлық білім беру жүйесінің негізі, жаны және жүрегі. Мұғалімнің негізгі басты мақсаты - рухани бай, іздемпаз, адамгершілігі мол адамды қалыптастыру болып табылады. Қазіргі заманғы мұғалімдер информатор, бақылаушы, тексеруші,жазалаушы қызметін тастап, керісінше ізденуші, зерттеуші, технолог, өнертапқыш,шығармашылықпен жұмыс істейтін жаңашыл болу керек.Мұғалім- мамандық, ұстаздық- қасиет. Яғни, ұстаз болу-адам бойындағы ұлы қасиеттердің бірі. Ендеше, осынау үлкен ұғымдағы ұстаздық қасиетке барынша адалдық танытып, білім саласына таңдаған адамның бірі мен Казакенова Лилия Оралхановна.Мұғалім мамандығын таңдап тер төгіп еңбек еткеніме 25 жыл өтіпті. « Ұстаздық еткен жалықпас, үйретуден балаға» деп Абай атамыз айтқандай, ұстаз еңбегің қыр- сыры мол, қиын да жауапты, шығармашылық еңбек екенін баршамыз мойындап, шәкірт тәрбиелеу жолында аянбай еңбек ете берейік.
ҚР Білім және Ғылым министірлігінің стандартымен жасалған
21 Желтоқсан 2017
287
0 рет жүктелген
