Бекітемін Келісемін ӘБ отырысында қаралды

Мектеп директоры Қосымша білім беру педагогі Хаттама №1

________ Ж .Ж. Азретбергенова _________ Н.Исмайлова ӘБ жетекшісі

«28» қаңтар 2025 жыл «28» тамыз 2025 жыл ________ Қ.Б.Сатымбекова

«27» тамыз 2025 жыл

Күнтізбелік - тақырыптық

жоспарлау

Мұғалім: Сатымбекова Қарлығаш Бердібекқызы

Түркістан облысы, Түркістан қаласы

Мектеп: «Ж.Тәшенов атындағы № 23 ІТ-мектеп лицейі» коммуналдық мемлекеттік мекемесі

Сынып: 5 «А,Ә»

Сағат саны: Аптасына 1 сағат, барлығы 34 сағат

2024-2025 оқу жылы

Түсінік хат

Мектептегі математиканы оқытудағы басты міндет - оқушылардың математикадан алған білімдерін күнделікті өмірде қажеттеріне жарата алатындай терең білім беру болып табылады. Оқушылардың пәнге деген қызығушылығын арттыру мақсатында құрылған

«Мәтінді есептерді шығару» элективті курсының бағдарламасы негізгі оқу бағдарламасын басшылыққа ала отырып,оқушылардың математикадан алған білім, білік дағдаларын жетілдіреді, танымдық қабілеттерін арттырады, пайдаланылған дидактикалық материалдар мен қызықты тапсырмалар зерделілікке, қиялдауға, шапшаңдыққа, тапқырлыққа тәрбиелейді. Математикалық викториналар, ребустар, логикалық есептер, сөзжұмбақтар шешу, қызықты тапсырмалар құрастыру оқушының ойын ұштай түсіп, ұстамдылыққа, еңбектене білуге, өз бетімен жұмыс істеуге икемдейді. Өтілетін жұмыстар мен тапсырмалар оқушылардың жас ерекшеліктерін ескеріп, білімдерін жетілдіріп, дамытуға арналған.

Логикалық тапсырмалар қарапайымнан басталып, біртіндеп қиындап балалардың танымдық қызметін жақсартады. Логикалық, яғни қызықты есептерді шығаруда шығармащылық жұмыс істеуді керек етеді. Ең бастысы шығармашылықпен жұмыс істеген адамның өзіне және өз ісіне деген сенімі, жауапкершілігі артады, іскерлік дағдысы қалыптасады.Міне, соның ішінде адамды тез ойлай білуге, аңғарымпаздыққа, ой ұшқырлығына жетелейтін логикалық есептердің орны ерекше.

Курсты құрастыру басты негізі дамыта оқыту идеялары мен принциптері болып табылады. Әдістемелік негізі – оқытудағы жүйелі-әрекеттік тәсіл, оны оқытудың проблемалық-іздеу және зерттеу әдістері көмегімен іске асырады. Бұл курс мектеп оқушыларына қажетті тапсырмалардың тиімді тәсілдерімен орындауға бағыт беру мақсатында құрылып отыр.

Курстың мақсаты:

-оқушының теориялық білімін нығайтып, өздігінен іздендіре отырып, шығармашылыққа жетелеу;

-оқушыларға математикалық логика элементтері бойынша элементар білімді қалыптастыру;

-оқушылардың жалпы дайындық деңгейлерін жоғарылату, білім алу дайындығын жалғастыру, шығармашылық және практикалық мүмкіндіктерін ашу, дамыту;

-оқушылардың математика пәніне қызығушылық мүмкіндіктерін арттыру.

Курстың міндеттері:

-матмематикадан алған білімін дамыта оқыту;

-математикалық логика элементтерін теориялық негіздеу;

-математикалық тұжырымдардың, формулалардың мәнін, шығу тегін түсіндіру;

-есептер шығару арқылы игерген білімдерін тереңдету;

-оқушылардың пәнге деген тұрақты қызығушылығын қалыптастыру;

-математиканы нақты өмірде қолдану дағдыларын қалыптастыру;

Күтілетін нәтиже:

-оқушылардың білімдерінің кеңейтілуі және тереңдетілуі;

-оқушылардың практикалық дағдыларының қалыптасуы;

-оқушылардың зерттеу жұмыстарына икемденуі;

• оқушының ой-өрісі дамып, ойлау қабілеті тереңдеп артады;

• қиындығы жоғары есептерді шығара алады;

• шығармашылықпен жұмыс істеу қабілеті артады.

Элективті курстың жалпы сипаттамасы

Бұл элективті курс 5 сынып оқушыларына арналған және төмендегі тарауларды қамтиды:

• сандар, сандар тізбегі, Гаусс әдісі,

• сандардың бөлінгіштігі;

• мәтінді есептерді шығарудың тиімді жолдары;

• граф әдісі;

• Дирихле принципі;

• Эйлер дөңгелектері;

• логикалық тапсырмалар;

• шығармашылық есептер, олимпиада есептері,

• математикалық фокустар, ойындар

Курстың актуалдығы - оқушының математикадан білімін кеңейту, олардың теориялық ойлау және логикалық мәдениетін дамыту.Жаңалығы – базалық курста жоқ есептерді шығару. Курста тараулар бойынша есептер қарастырылады, шығармашылық есептер оқушыларды қызықтырады. Алған білімдерін қандай да бір ситуацияларға қолдана білуге, есепті шешудің ұтымды, жеңіл жолдарын табуға үйрету.

Оқу қызметінің түрлері мен формалары:

Курсты оқып-үйрену оқушылардың белсенділігін арттыратын әр түрлі формалар мен әдістер арқылы жүзеге асады:

• өз бетімен білім алу;

• алған білімді қолдануға жаттығу;

• жеке, топтық, жұптық жұмыстар;

• өзін- өзі бағалау, кері байланыс.

«Мәтінді есептерді шығару» элективті курс бағдарламасының мазмұны (аптасына 1 сағат, барлығы 34 сағат)

5 сынып

І. Сандар. (6 сағат)

Жай сандар, құрама сандар, кемел сан, егіз сандар қасиеттері, жай сандар кестесі оның шығу тарихынан мағлұмат. Фибоначчи сандары. Сандар тізбегі. Гаусс әдісі. Тез есептеу әдістері бойынша есептеулер жүргізіп, тиімді қолдана білу

ІІ. Сандардың бөлінгіштігі.(4 сағат)

Бөлінгіштіктің анықтамасы мен қасиеттері. Сандардың ЕҮОБ және ЕКОЕ. Сандардың бөлінгіштік белгілері.

ІІІ. Мәтінді есептерді шығарудың тиімді жолдары (6 сағат)

Мәтінді есептерді кесте қөмегімен шығару. Мәтінді есептерді теңдеу арқылы шығару. Мәтінді есептерді есептеу формуласы көмегімен шығару.

.

ІV. Ойлауға, талдауға берілген есептер (4 сағат)

Граф әдісі. Эйлер дөңгелектері. Дирихле принципі.

5. Логикалық тапсырмалар ( 6 сағат)

Логикалық (мәтіндік) тапсырмалар. Байырғы қызықты есептер. Өлшеумен байланысты логкалық есептер. Сюжетті-логикалық есептер. Цифрмен берілген есептер талдау мен шығару барысында логикалық ойлау мен математикалық интуицияны дамыту

5. Шығармашылық есептер(3 сағат)

Олимпиада есептері. Шығармашылық, стандартты емес есептер. Мүмкіндік нұсқаларды іріктеу есептерді талдау барысында математикалық нақтылықтың және логикалық ойлау қажеттігі.

5. Есептеулеге арналған жаттығулар (2 сағат)

Проценттерге мәтінді есептер шығару. Күрделі проценттік өсу формуласы қолданып, есептер шығару арқылы шешу жолдарын меңгерту

5. Математикалық фокустар, ойындар(2 сағат)

Математикалық ребустар. Санды басқатырғыштар. Математикалық фокустар шешу барысында әр түрлі цифрлармен өрнектелген есептерді шешудің жолдарын түсіндіру, құпия оқиғалы есептерді шешуде оқушыларға дұрыс ойлай білу дағдыларын қалыптастыру.

ІХ. Қорытындылау сабағы(1 сағат)

Қайталауға арналған есептер. Қорытынды сабақ.

«Мәтінді есептерді шешу» элективті курс бағдарламасы (аптасына 1 сағат, барлығы 34 сағат)

Күнтізбелік-тақырыптық жоспар