Математика әлемі

Батыс Қазақстан облысы
Бәйтерек ауданы

Қасым Ахмиров мектеп балабақша кешенінің мектепалды даярлық сыныбының тәрбиешісі Нигметуллина Асемгульь Биржановна

ТАҚЫРЫБЫ: «ҰШҚЫР ОЙЛАЙ БІЛЕМІЗ»
МЕКТЕПАЛДЫ ДАЯРЛЫҚ СЫНЫБЫ

Мақсаты: балалардың ойлау есте сақтау қабілеттерін дамыта отырып 1-ден 6-ға дейінгі сандарды тура және кері санауға, санның көршісін табуға жаттықтыру. Жыл мезгілдерін, апта күндерін ретімен айтуға үйрету. Тақпақтар есептер арқылы, логикалық тапсырмалар арқылы баланың ойлау қабілетін дамыту, қосу, азайту белгілерін пайдалану арқылы есеп  шығара білу, елін, жерін сүюге тәрбиелеу.
Сабақ көрнекілігі: суреттер, сандар, жұмбақ, есептер, үлестірмелі материалдар.
Ойындар: «Ретімен орналастыр», «Тура, кері сана», «Заттың пішіндерін ата», «Көрші сандарды ата».
Сабақ әдіс-тәсілі: саяхат, сұрақ-жауап, тақпақ-жұмбақ-ойындар.
Сабақтың барысы:

1.       Ұйымдастыру кезеңі.

а) шаттық шеңберін құрамыз.
Қайырлы таң! Әрқашан күн сөнбесін
Күн нұрын, жылуын төге берсін.
Күндей жарық, көңілді күй кешейік
Бәріміз тату дос боп бөлісейік.

  Балалар, біз бүгін еліміздің ғарыш айлағы Байқоңырға саяхатқа шығамыз. Жолқапшығымызды  иығымызға асамыз (қимылмен) жүреміз. Тақтада баратын жеріміздің картасы бар. Орал ------     Астана ------      Қарағанды ------ Шу ------ Тараз ------ Шымкент ------ Түркістан -------  Қызылорда ------ Байқоңыр.

І. Аялдама: Елордамыз - Астана. Еліміздің - бас қаласы.
Тапсырма:

1.   Апта күндерін ата.
2.   Бір аптада неше күн бар? Бүгін нешесі?

Ойын: Ретімен орналастыр: 1,2,3,4,5,6,7.
ІІ. Аялдама: Қарағанды. Еліміздің көмір өндіретін алып шахталар орналасқан үлкен қала.
Тапсырма:

1.  Неше жыл мезгілі бар? Ата.
2. Қазір қай мезгіл?
3.Ретімен орналастыр.

Қыс жайлы тақпақ айтып бер.

ІІІ. Аялдама: Шу. Бұл қаланың аты осы жерден ағатын алып Шу өзеніне байланысты қойылған.
Тапсырма: 1) Сен қандай түстерді білесің?

2)   Қандай геометриялық пішінді білесің? Ойын «Түстері бойынша жина» (корзинаға - 2-еу)

ІV. Аялдама: Тараз. Өте ескі тарихи қала. Халқы көкөніс, жеміс өсірумен айналысады.
Тапсырма: жұмбақ есептер шешу.

1.   Екі қоян болыпты

Сәбіз жинап теріпті
       1-еуі сәбіз жинапты
       1-еуі кетіп қалыпты
       Қанша (неше) қоян қалыпты?

2. Бұтақта 3 құс қонып отырыпты, оның біреуі ұшып кетіпті.

Бұтақта неше құс қалды?

3. Екі кірпі болыпты

Қысқа азық жинапты
       Біреуі 2 саңырауқұлақ
       Біреуі 1 саңырауқұлақ
       Барлығы болыпты неше саңырауқұлақ?

4. Ағаш бұтақтарына 3 тиін  отырды, оған келіп тағы 1 тиін қосылды. Сонда барлығы неше тиін болды?
5. Қолыңда 3 алма,

Табақта 2 алма.
        Қосқанда барлығы
        Болады неше алма?

6. Бір қоянның 2 алмұрты бар

Екінші қоянда да 2 алмұрт
        Үшінші қоянда барлығы неше алмұрт?
        Сандарды сана: тура ------ кері.

V.   Аялдама: Шымкент қаласы. Бұл қалада бензин, машина дөңгелектерін шығаратын үлкен зауыт бар. Халқы мақта,    көкөніс өсірумен айналысады.

Тапсырма: «Көршісін тауып белгіле» (барлық балаға беріледі).
1 бала тақтада.
VI. Түркістан аялдамасы.
Ауасы таза, киелі жер. Кеп көңілімізді  сергетейік.
Сергіту сәті.
VII. Соңғы аялдама:Қызыл-Орда. Бұл қалада басты байлық - сыр күріші. Ән мен жырдың өлкесі.
Тапсырма: Есептер әлемі.
4+1=     1+1 =      2+1 =         3+1 =
5-1  =        4-1 =    3-1 =         2-1 =
   Біз есептерді дұрыс шығардық. Алдымызда «Байқоңыр» ғарыш айлағы. Қандай әдемі зымыран.
   Қандай ғарышкер ағаларыңды білесіңдер: Тоқтар Әубакиров, Талғат Мұсабаев. Міне, балалар, біз бүгін Қазақстанның қалаларын аралап, тапсырмаларды орындап,  ғарыш ұшатын жерді де көрдік. Болашақта сендердің араларыңнан ғарышқа ұшатын қазақ шығуы мүмкін.
   Балалар, біздің саяхатымыз аяқталды. Біз енді Көкшетауға өз бақшамызға оралайық. Көзімізді жайлап жұмып, сиқырлы кілеммен ұшып келеміз. Артымызда біз жүрген қалалар. Көзімізді жайлап ашамыз.

1.   Біз қайда, қандай қалаларда болдық?
2.    Сендерге ұнады ма?
3  Балаларды бағалау.