Математика ханшайымы

«Математика ханшайымы»

Мақсаты: Сандық есептеуге үйрету. Сандарды тура және кері санау,балалардың тілін дамыту жұмыстарын жалғастыру.Пішіндерді үйрену.

Әдіс тәсілі: түсіндіру, сұрақ- жауап, сергіту сәті, дидактикалық ойыны.

Көрнекіліктер: суреттер, геометриялық пішіндер, сандар, үлестірмелі материалдар пайдаланылады.

Тәрбиеші: Сәлеметсіздер ме балалар! Біздерге қонақтар келіпті, қанекей алдымен қонақтарымызбен амандасып алайық!

Біз әдепті баламыз,

Айтқан тілді аламыз.

Алдыменен қонақпен

Амандасып аламыз.

Сәлем дейік үлкенге.

Тәрбиеші: балалар бүгін мен балабақшаға келе жатырып қорапша тауып алдым, қорапшаның үстінде хаты бар екен бәріміз бірге оқиық:

Егер сіз осы хатты тауып алсаңыз маған көмектесіңіз. Мені мыстан кемпір қамап тастады, балалар сандарды, пішіндерді білмесін деп. Мені құтқару үшін құлыптардағы тапсырмаларды орындау керек.

Балалар көмектесеміз ба ?

Балалар ия деп жауап береді.

1 құлып-3 бала шығып себеттегі көкөністерді ажыратады және сандармен нөмірлеп шығады.

2 құлып – пішіндерді тізбелеп қойып шығу

3 құлып –сергіту сәті:

2 аяқ пен жүремін

2 көзбен көремін

2 қолым бар менің

2 құлақ білемін.

4 құлып- салыстыру, үлкен, кіші. (қуыршақ, машина, доп, ыдыстар)

5 құлып – ағашты жыл мезгіліне сай безендіру

Тәрбиеші: Балалар біз математика ханшайымын құтқардық, енді ханшайыммен қоштаспаймыз. Өйткені математика бізге өмір бойы қажет болады.

Балалар:

Қол ұстасып тұрайық

Шеңберді біз құрайық

Көріскенше күн жақсы

Сау саламат болайық.

Сау болыңыздар!