Түсінік хат

Бастауыш сынып оқушыларының интеллектуалдық және шығармашылық қабілеттерін тереңдету, пәнге қызығушылығын арт-тыру мақсатында математика пәнінен « Математика және логика » атты таңдау сабақ бағдарламасын алдым. Бұл бағдарламаға пәндер бағдарламасында жоқ мәліметтер мен логикалық тапсырмалар енгізілген .

Логикалық тапсырмалар сан жағынан бай бола отырып, ойлау және ақыл жүгіртуді көп талап етеді. Түрлі тапсырмалар оқушы-ларды жалықтырмайды . Оқушылар танымдық тапсырмаларды әр түрлі тәсілдермен шешу жолдарын үйренуге мүмкіндік алады .

Балалардың танымдық қабілеттерін дамытып пәнге деген қызығушылықтарын арттырудың негізгі бір жолы - дидактикалық материалдар мен қызықты тапсырмалар. Есеп зерделілікке, қиялдауға, тапқырлыққа, шапшаң есептеу қабілеттерін дамытуға тәрбиелейді. Математикалық викториналар, ребустар, логикалық есептер, математикалық эстафеталар, сөзжұмбақтар шешу, қызықты тапсырмалар құрастыру баланың ойын ұштай түсіп, ұстамдылыққа, еңбектене білуге тәрбиелейді. Оқушының қиялын дамытып, өз бетімен жұмыс істеуге икемдейді.
Өтілетін жұмыстар мен тапсырмалар оқушылардың ерекшеліктерін ескеріп, білімдерін жетілдіріп, дамытуғаарналған.
Мақсаты:

Оқушылардың математикалық мәдениетін көтеру. Математика пәнін қызығушылықпен оқып – үйренуге ынталандыру . Өз бетін-ше жұмыс істеуге, зейінің дамытуға, ойша тұжырым жасай білуге, шығармашылықпен жұмыс істеуге дағдыландыру.

Міндеттері:

бастауыш білімінің мемлекеттік стандартына сай мүмкіндік деңгейіндегі білімін қалыптастыру; математикалық санамақ, өлең, жаңылтпаштар жаттау арқылы оқушылардың тілін дамыту;  

логикалық тапсырмалар орындау арқылы оқушылардың ойлау қабілеттерін дамыту мен қалыптастыру;

таңдау сабақтың талабына қажет білім, білік, дағдыларын меңгерту.

- логика туралы ұғым 
- логиканы есептер шығарғанда қолдана алу
- құрастыруға берілген есептерді шығара білу
- әртүрлі фигураларды қолдана алу
- басқатырғыш есептер шығарудағы мүмкіндіктерін дамыту.
Күтілетін нәтижесі:

-Бұл бағдарламада танымдық тапсырмалардың бірнеше түрлері қарастырылды. Осы танымдық тапсырмаларды орындау арқылы оқушылардың математикалық тіл байлықтары жетіледі.

-Тапсырмалар баланы іздемпаздыққа және өзіне сенімді болуға ұмтылдырады , ақыл-ой деңгейін қалыптастырады. Жұмыс жасау кезінде баланың бойындағы қорқыныш пен қате жасап қоямын-ау деген мазасыз ойлар төмендейді де, сенімділік пен тұрақтылық дамиды.

-Сонымен қатар баланың танымдық белсенділігі мен шапшаңдылығы арта түседі. Оқушылар өз ойын дәлелдеуге үйреніп, жалықпайды және тапсырманы орындау барысындағы жылдамдықтары артады.

-Оқушылар алған білімдерін әр түрлі жағдайларда қолдана алады да, соған іс-әрекет жасауды үйренеді.

Тақырыптық жоспар .35 сағат

Пайдаланылған әдебиет

1. Математикадан тест жинақтары . ­- 2001-2009 ж.ж.

2. Жанасбаева  Ұ.Б. Логикалық  және  комбиноторикалық  есептер. – Алматы, 2017 ж .       

3. А.Б.Акпаева, Л.А.Лебедева. Қарапайым математикалық  түсініктерді қалыптастыру. -Алматыкітап баспасы, 2012ж.

4. Ұ.Жұмаділдаева. Сандарға саяхат. – Алматы, 1997 ж.

5. А.Құралұлы. Ұлттық дүниетаным. – Алматы, 2002 ж.

6. Б.М.Қосанов. Математикадан дидактикалық ойындар және қызықты жаттығулар. – Алматы, 1998 ж.

7. «Ойнайық та ойлайық». – Алматы,1996 ж.

8. Қызықты математика. – Алматыкітап, 1998 ж.

9. К. Ерешева, Г.Жамалбекова. Математикадан өзіндік және бақылау жұмыстары. – «Өлке» баспасы. – Алматы, 2009 ж.