"Математика кафе-2018"

№4 жалпы білім беретін орта мектебі

Сыныптан тыс жұмыс

Тақырыбы:"Математикалық кафе "

Сыныбы: 5 «б»

Өткізген: Наурызбайұлы Ернұр

Ақтөбе 2018

"Математикалық кафе "сайыс.

Мақсаты:

Білімділік: Білімге деген көзқарасын қалыптастыра отырып, математика пәніне деген қызығушылығын ояту.

Дамытушылық: Оқушылардың математикалық ой - өрісін дамыту.

Тәрбиелік: оқушыларды алғырлыққа, шапшаңдыққа, ізденімпаздыққа, тапқырлыққа тәрбиелеу.

Көрнекіліктері: ойын тақырыбына байланысты плакат, математикаға байланысты нақыл сөздер, үлестірмелі карточкалар.

Пәнаралық байланыс: Қазақ тілі, бейнелеу.

Ойын барысы:

I. Ұйымдастыру кезеңі: ойын шартымен таныстыру, қатысушыларды анықтау.

II. Ойын жоспары: Командаларды таныстыру, сайыс тапсырмалары:

Ас мәзірі:

1. «Мәңгі ұмтылмас» салаттар

2. «Бешбармақ»

3. «Біздің столдан сіздің столға» («Балапан» салаты)

4. «Жеміс» торты

5. «Жемістер»

6. «Мезим»

III. Жеңістерді анықтау, марапаттау.

Сайыс барысы:

1-Жүргізуші:Сәлеметсіздер ме оқушылар!

Нақты білімге қызығушылар

Естігенін естіп тұрып,

Оқығанын миға тоқушылар.

Сәлеметсіздер ме ұстаздар!

Айтар ойын тұспалдар.

Біз оқытқан оқушылардың,

Сәті келді сыналар.

2-жүргізуші:Есепті түрлі - түрлі шығарамыз,

Арасында ойын ойнап жарысармыз.

Ойлы сұрақ, жеңіл сұрақ бәрі де бар,

Әзіл есепке бүгінгі кеште де орын бар.

Олай болса, бұл не тұрыс,

Кешімізді біз бастайық.

Әділ бағаға қалтасы толы,

Әділ - қазыларды ортаға шақырайық!

1-Жүргізуші:(Әділ - қазы алқасымен таныстыру)

2-жүргізуші:Сіздері математикалық кафенің «Бухалтерлік мекеме» - деп аталатын бөлмесіне жайғасуларыңызды сұраймыз!

1-жүргізуші:Қымбатты математика жанкүйерлері мен осы залға жиналғандар! Сіздерге осы ойынға қатысушылар атынан қатал да, қатесіз математикалық сәлем!

2-жүргізуші:Математика - бұралаңсыз нақты ілім,

Үйрететін бақыт тілін, бақ тілін.

Айдыныңда сүңгіп, сүңгіп жүзсең бір,

Тарқалмайды қуаныш пен шаттығын - деп мектебімізде өтіліп жатқан «Математикалық кафеге» қош келдіңіздер !

1-жүргізуші:Біздің кафемізде бүгін математиканың алғырлары, тапқырлары білімдермен сынасады. Осы кафенің ашылуына орай арнайы шақырылған меймандарымыз бар ендеше, олармен таныс болыңыздар!

2-жүргізуші:Жиналған ылғи дарындар,

Жүректе от көздерінде жалын бар - дей келе,

ортаға 5 сынып оқушыларынан құралған

1-жүргізуші:«Шаршылар» тобы халайық,

Қол соғып қарсы алайық!

Үлгілі тәртіп, жақсы оқу,

Алға қойған мақсатын.

Әрқашанда мектепте,

Шығып жүрген жақсы аты - деп

5 сынып оқушыларынан құралған

«Үшбұрыштар» атты тобын ортаға шақырамыз!

1-жүргізуші:

2. «Математиктердің өзіне тән тілі бар, ол формула» С.В.Ковалевская

2-жүргізуші:

3. «Арифметика – математиканың, ал математика – барлық ғылымдардың

патшасы» К.Гаусс

1-жүргізуші:

4.«Лобачевскийді үш нәрсе данышпандылыққа жетқізді, олар: дарын, жігер

және еңбек». М.Искаков

2-жүргізуші:Құрметті кафе қонақтары! Өздеріңізге арнайы әзірленген столдарға жайғасыңыздар. Өздеріңіздің үйлеріңізде отырғандай еркін сезініңіздер!

Сондай - ақ бұл кафеде математиканы сүйіп оқитын, оның қыр - сырын меңгеруге құлшынысы бар барлық математика жанкүйерлеріне де орын бар. Сіздер әрқашан біздің кафенің таңсық тағамдарына тамсанып, сіздер қызықты да мазмұнды уақыттарыңызды өткізесіздер деген сенім білдіремін! Кафе мәзірінен колориялы тағамдармен қатар, ыстық және суық тағамдарды, сонымен бірге тіл үйіртетін, мәңгі есіңізден кетпес, дәмімен денеңізді балқытатын десерт пен сусындарды таба аласыз. Сонымен бірге біздің кафеде өз қызметін, ас мәзірін ұсынатын даяшылар әрқашан да сіздердің қастарыңыздан табылады. Ендеше, астарыңыз дәмді болсын!

1-жүргізуші:Бұл бөлімде сәлемдесумен қатар, әр топ өздерінің тобымен ұранын айтады.

Сонымен, ортаға: (әр топ өздерінің сәлемін жолдап, ұранын айтады)

2-жүргізуші:

1 - сайыс: Құрметті кафе қонақтары! Біз сіздерге кафенің аспаздары әзірлеген сұрақтар, жұмбақтар, қисын есептер соусынан тұратын «Мәңгі ұмтылмас» салаттарын ұсынамыз.Бұл салаттар сіздердің бойларыңызға жағымды сіңуі үшін командаларға кезектесіп сұрақтар қойылады. Егер бір команда сұраққа дұрыс жауап бере алмаса, онда басқа команда жауап беру құқығына ие болады. Дұрыс жауап 1 балмен есептеледі.

1-жүргізуші:

Сұрақтар:

1. Допты лақтырғанда, доп сол ізімен кері қайту үшін оны қалай лақтыру керек? Жауабы: жоғары

2. Балаларды жазалау үшін қандай геометриялық фигура қолданылады? (бұрыш)

3. Алды артымыз шексіз де

Жете алмайсың біздерге

Сәуле менен кесінді,

Шыққан еді біздерден. (Түзу)

4.Шаршының қабырғасын үш есе үлкейтсе, оның ауданы неше есе үлкееді? Жауабы: 9 есе

5. Үш гном бар. Сол үш гномға үш қызыл және үш көк капюшонды көрсетеді. Қараңғыда үшеуіне екі қызыл және бір көк капюшонды кигізіп, қалғандарын жасырады. Гномдардың қайсысы өз басындағы капюшоның түсін таба алады? Жауабы: ешқайсысы

6.Бірге барып класқа,

Бірге үйіңе қайтады.

Оның бетін кім ашса,

Әр бағаңды айтады.(Күнделік)

7. Поштада 5 әртүрлі конверт және 4 әртүрлі марка сатылады. Неше тәсілмен 1 конверт пен 1 марка сатып алуға болады? Шешімі: 5*4=20

8. Көшеде екі әкесі, екі баласы, және атасы немересімен қыдырып жүр. Көшеде неше адам жүр? Жауабы: үшеу

9. Жердің формасы қандай геометриялық фигуралар (шар)

10. Қараңғы бөлмеде майшам мен керосин лампасы бар. Бірінші не жағасыз? Жауабы: шырпы

11. Математиктердің ойынша бір поездың екінші поездан айырмашылығы неде?(номерінде)

2-жүргізуші:

2 - сайыс: Қадірменді қонақтар сіздерге келесі кезекте қазақтың ұлттық тағамы «Бешбармақ» ұсынылады.Мұнда есептер шығарады.

1-жүргізуші:

Көрермендермен ойын

Сұрақтар қою:

1. Бұл заттың пішіні тік төртбұрыш тәрізді. Ол қашық тұратын адамдар келгенде көбінде бар. Ауылға жақын тұратын адамдарда біреуінде де жоқ. Оны сен жай алмайсың. Әрі ол бір жерден сатып алынады. Бұл не? (жол билеті)

2. Бұл зат біреуінің қалтасында, біреуінің сөмкесінде. Бетіңде сандар бар. Ол сан заттар ауысып кетпеу үшін жазылған. Бұл не? (Киім тапсырғанда берілетін белгіше)

3. Онымен ертеректе дүкендерге қолданылған. Әр сатыларында дөңгелек тоқаштар ілінген. Оны қолданғанда өзі сарт-сұрт етеді. Қарапайым калькулятор деп атауға болады. (Есепщот)

2-жүргізуші:

3 - сайыс: Келесі кезекте әр команда өздерімен кафеде бірге көңіл көтеріп көрші столда отырған адамдарға ас сыйлауы керек. Ол сыйлық - «Біздің столдан сіздің столға» деп аталады. Мұнда ұсынылатын ас - «Балапан салаты». Бұл ұсынылған астан алу үшін әр команда үй тапсырмасы ретінде әзірлеп келген ребустарын шешеді. Мұнда екі топ бір-біріне ребустарын береді.

(Даяшылар ребустарын әділқазыларға алып барады)

1-жүргізуші:

4 - сайыс: Сіздерге «Жеміс» торты ұсынылады. Яғни, жеміс тортының құрамында математикалық ойын қосылған.

Әр бір командадан ортаға бір оқушы шығады. Олар даяшылардың қолынан конверттегі тапсырманы алып орындайды,топтарына ыммен көрсетеді (музыка көмек).

1 - конвертте:

Жеті лақ

Оқушы

2 - конвертте:

Жеті лақ

Мұғалім

2-жүргізуші:

5 - сайыс: Енді құрметті қонақтар! Сіздерге «Жемістер» ұсынамыз.

Ол үшін сіздерге, сандарға байланысты мақал - мәтелдер ұсынылады. Сіздер мақал - мәтелдердегі сандарды дұрыс табуларыңыз керек. Әр дұрыс жауап 1 балмен бағаланады.

1-жүргізуші:

1)....(екі)жақсы қас болмас, ....(екі) жаман дос болмас.

2)Досыңды ...(үш) күн сынама, ...(үш) жыл сына.

3)...(10) рет айтқаннан ...(1) рет көрсеткен артық.

4)Білгенің бір ...(9), білмегенің ...(99)

5)Ер қаруы - ...(5) қару.

6)Жұмысқа ...(үш) жылда үйренеді, жалқаулыққа ...(үш) күнде үйренеді.

7)...(6) жыл аш болсаң да, атаңның салтын ұмытпа.

8)Болар бала.....-інде (15) баспын дейді, болмас бала ...(25)- інде жаспын дейді.

9)...(бір) елі ауызға -...(екі) қақпақ.

10)Жерді ....(екі) рет жыртқан, өнімді ...(екі) есе өнім алады.

11)Біреуге ...(5) күн алдында келсе, біреуге ...(5) күн кейін келеді.

12)...(бір) күн тұзын татқанға, ...(40) күн сәлем.

13)Оқымаған ...(бір) бала, оқыған (екі) бала.

14)...-ау (6) ала болса ауыздағы кетеді, ...-еу(4) түгел болса төбедегі жетеді.

2-жүргізуші:

6-сайыс: Бүгінгі кеште сіздер біздің аспазшылар әзірлеген астардың дәмділігіне риза болып, барлық ұсынылған ас мәзірлерінен бас тартпаңыздар. Кейбір адамдарда қабылдаған астары тез қорытылады, ал кейбірінде іштерін ауыртып мазасыздандырады. Асты көп қабылдаудан іштері ауратындарға, сонымен қатар бүгінгі ас бойларыңызға тез сіңуі үшін сіздерге асқазан үшін таптырмас дәрі «Мезимді» ұсынамыз.

Әр түрлі тақырыптағы астарлы сұрақтарға жауап іздеу.

Әзіл викторина
1-жүргізуші:

1)Елекпен су тасуға болады ма? (болады, мұз күйінде)
2)Аңшы көлде жүзіп жүрген үйректерді бір оқпен атса, көлде неше үйрек қалады? (қалмайды, бәрі үркіп ұшып кетеді)
3)Есік пен терезенің арасында не тұр? («пен» тұр)
4) Суға түскен адам не боп шығады? (Су боп шығады)
5)Қараңғы бөлмеде май шам мен керасин шамы тұр. Бірінші не жағасыз? (шырпы)
6)Страус өзін құспын деп айта алады ма? (Жоқ, ол сөйлей алмайды)
7)Нені дайындауға болады, бірақ жеуге болмайды? (сабақты)
8)Жасыл доп Сары теңізге құласа не болады? (су болады)
9)Қай қолмен шәйді араластырған дұрыс? (шәйді қасықпен араластырған дұрыс)
10)Қандай сұраққа «иә» деп жауап бере алмаймыз? (ұйықтап жатырсыз ба?)
11)Жаңа жылда адамдарды жаппай құлататын табиғат құбылысы ? (мұзтайғақ)
12)Он жұмыртқа салынған себетті екі рет түсіріп алсаң нешеуі қалады? (бәрі жарылып қалады)

2-жүргізуші:

Командалар уақыт бітті. Сайысымызды қорытындылағанша

Осыменен бұл қызықты тамамдасақ,

Бұл жайды айтамыз ба жаман болсақ?

Үйрендік білмегенді осы жолы,

Тағы да үйренеміз аман болсақ.

Шынымыз биік болар, білім қусақ.

Өмір деген өнермен үйлеспей ме?

Жадыратар жанымызды ән тыңдап, би белесек-деп, бухгалтерлік мекеменің есебі дайын болғанша 5-класс оқушысы

1-жүргізуші:

Ортаға әділқазылар алқасын шақырайық!

2-жүргізуші:

Алдыңызда жайнаған жүздер әні

Сіздермен кездесеміз біздер әлі.

Әділқазы, көрермен сау тұрыңыз,

Күтеді бізді жарқын күндер әлі!-демекші математикалық кафемізге уақыттарыңызды бөліп келгендеріңізге рахмет.