Қазіргі қоғамдағы қарқынды өзгерістер, ғылым мен техниканың дамуы білім беру жүйесінен жаңа сапа, жаңа мазмұн талап етеді. Əсіресе, бастауыш мектеп жасындағы балалардың ойлау қабілетін дамытып, математикалық сауаттылығын арттыру – уақыт талабы. Математика тек пəн ретінде ғана емес, баланың логикалық ойлауын, дəлелдеу мəдениетін, танымдық қабілеттерін дамытатын əмбебап құрал болып табылады. Сондықтан да бастауыш сыныптан бастап математиканы меңгеруге ынталандыратын қосымша білім беру бағдарламаларының маңызы зор. «Математика əлемі» үйірмесінің негізгі идеясы – балаларды математикаға қызықтыру, оны күнделікті өмірмен байланыстыра отырып түсіндіру, есеп шығарудың дəстүрлі тəсілдерінен бөлек, шығармашылық тұрғыдан ойлауға үйрету. Бағдарлама мазмұны 1, 2, 4 сынып оқушыларына бейімделген. Бұл кезең – оқушының тұлғалық қалыптасуының бастапқы сатысы. Баланың осы жаста алған дағдысы мен білімге деген көзқарасы болашақ оқу жетістіктеріне тікелей ықпал етеді. Оқушылардың математикаға деген қызығу