17. 02. 22ж

Білім беру саласы: Таным

Ұйымдастырылған ашық оқу қызметі: Математика негіздері

Тақырыбы: «Менің анам. Заттар тобын салыстырамын. «=», «<», «>», белгілері»

Мақсаты:

Білімділік: Балаларға аз, көп, тең, артық, кем ұғымдарын ойын арқылы үйрету.

Дамытушылық: Балалардың ақыл, ойын сана сезімін ойын арқылы дамыту.

Тәрбиелік: Балаларды ауызбіршілікке, дәптерлерін таза, ұқыпты ұстауға тәрбиелеу.

Көрнекілік: слайд, суреттер, бейнежазба

Әдіс тәсілдері: түсіндіру, көрсету, әңгімелеу, сұрақ-жауап, «Микрофон» әдісі, мақтау, мадақтау, «Блум» түймедағы әдісі.

Шаттық шеңбері:

Балалар көңілді ән ырғағымен қимылдар жасау арқылы шаттық шеңбер көрсетіп, келген қонақтармен амандасады.

«Микрофон» әдісі арқылы сұрақ-жауап:

-Қазір жылдың қай мезгілі?

-Қазір жылдың қыс мезгілі.

-Қыс мезгілінде неше ай бар?

-Қыс мезгілінде үш ай бар.

-Бір аптада неше күн бар?

-Бір аптада жеті күн бар.

-Қыс мезгілінде ауа-райы қандай болады?

-Қар жауады, жел соғады, күн тұманды болады, жер көктайғақ болады.

-Біз қай Республикада тұрамыз?

-Біз Қазақстан Республикасында тұрамыз!

-Жарайсыңдар, балалар!

Өткен тақырыбымызды еске түсірейікші:

Фигураларды құрастырамыз!

Балалар сан бойынша топтарға бөлінеді.

-Балалар бүгінгі тақырыбымыздың қандай екендігін бейнежазба арқылы тамашалайықшы. (Бейнежазбада қыздарымыз өз аналарына үй жұмысына қалай көмектесетінін көреміз!)

-Аналар туралы әңгімелесу, үй жұмыстарына көмек қолын созу туралы түсіндіру.

Тәрбиеші: Балалар бүгін бізге математика негіздері оқу қызметі болады, біздің бүгінгі жаңа тақырыбымыз: «Менің анам. Заттар тобын салыстырамын. Аз, көп, тең, кем, артық ұғымдарын қалыптастыру» деп аталады.

Балалар жаңа тақырыбымыз туралы бейне үзіндіге мұқият назар аударайық!

-Бейнеүзінді бойынша сұрақ-жауап.

Мысал: Ортаға 2 баланы шақырамын. Бейнежазбағы достарымыз сияқты бізде бойымызды салыстырайықшы! Кімнің бойы ұзын? Кімнің бойы қысқа?

Сергіту сәті:

Бүгін бізге сергіту сәтін Арыслан көрсетеді.

Оң қолымда бес саусақ,

Сол қолымда бес саусақ,

Бесті беске қосқанда

Болып шықты он саусақ!

Дәптермен жұмыс.

1-тапсырма: Суреттегі заттарды сана.

Не артық? не кем? Атаңдар.

Белгілердің үстінен саусағыңмен жүргіз.

> артық, < кем, = тең,

2-тапсырма: Әлия дастархан жайды, 3-бет

Қайсысы артық; Тәрелке ме? Саптаяқ па?

Қайсысы кем; Қасық па? Тәрелке ме?

3-тапсырма: Қаламмен бастырып сыз.

Тәрбиеші: Логикалық есептердің шешімін табайық!

1-ші ағашта бес алма бар?

2- ші ағашта жеті алма бар?

Қай ағаштын жемістері көп және аз?

Тәрбиеші: Балалар, кім маған санамақ айтып береді?

Аль-Карим:

Бір үйде он баламыз

Бір үйде он баламыз

Бір бір жастан арамыз

Бір жастағы- Біржан

Екідегіміз- Елжан

Үштегіміз- Үсен

Төрттегіміз- Төкен

Бестегіміз- Бекен

Алтыдағымыз -Арқан

Жетідегіміз- Жетен

Сегіздегіміз- Сөкен

Тоғыздағымыз -Тойтан

Ондағымыз- Ойқан

Жастарымызды қосыңыз,

Қосындысы қанша осының?

Зайнаб:

Бір дегенім- Бәйтерек

Екі дегенім- Емен

Үш дегенім- үйеңгі

Төрт дегенім- тұт

Бес дегенім- беке

Алты дегенім -арша

Жеті дегенім- жиде

Сегіз дегенім- сексеуіл

Тоғыз дегенім- тораңғы

Он дегенім- орман

Орман -аң -құстарға қорған.

Нариман:

Бір дегенім- бүрген,

Екі дегенім -ермен

Үш дегенім- үлпілдек

Төрт дегенім- түлкішек

Бес дегенім- бестамақ

Алты дегенім -алқа

Жеті дегенім- жекен

Сегіз дегенім -селеу

Тоғыз дегенім -тошала

Он дегенім- ошаған

Шөптен дәрі жасаған.

Ойын: «Мен анама көмектесемін»

Ойын шарты: 2-бала ортаға шығып дастархан жаяды. Дастархан үстіне

5-алма, 4-бокал тағы да басқа заттар қояды. Дастархан үстіндегі заттарды аз көп екендігін салыстырады. Айтып, көрсетеді, түсіндіреді.

Дінмұхаммед:

Алақай, алақай

Шаттанады балақай

Көрікті көктем мерекесі

Аналардың берекесі

Нұрмұхаммед:

Ақыл ойын дананың

Ана тілін аламыз

Бүгінгі келген қонақтарға

Осы гүлімді сыйлаймыз.

Нұрдаулет:

Мейрімі мол балаға

Барлық барлық анаға

Басымызды иеміз

Барлық аналарға.

«Блум» түймедағы әдісі арқылы кері байланыс:

-Балалар бүгін оқу қызметінде не туралы айтылды?

- Оқу қызметін түсіндіңдерме?

-Оқу қызметі сендерге ұнады ма?

-Жарайсыңдар, сендер өте жақсы қатыстыңдар! Мен сендерді мақтан тұтамын! Әрқашанда биіктерден көріне беріңдер! Көктем мерекесіне тақпақ айтып құттықтап келген қонақтарға балаларымыз тақпақ айтып, гүл сыйлайды.

Күтілетін нәтиже:

Біледі: анамызға көмек көрсету қажет екендігін;

Игереді: артық, кем, тең таңбаларын ажыратуды;

Меңгереді: тапсырмаларды орындауды, салыстыруды меңгереді.

«Тексерілді» «Бекітемін»

Манғыстау облысының білім Манғыстау облысының білім басқармасының Жаңаөзен басқармасының Жаңаөзен

қаласы бойынша білім бөлімінің қаласы бойынша білім бөлімінің

«№17 «Балауса» бөбекжайы» «№17 «Балауса» бөбекжайы»

жедел басқару құқығындағы жедел басқару құқығындағы

МКҚК – ның әдіскері: МКҚК – ның директоры:

___________Жанжигитова Р.С ___________Махашева Т.Е

«______» «______»________ «______» «______»________

Қалалық ашық оқу қызметі: Математика негіздері
Білім беру саласы: Таным

Тақырыбы: «Менің анам. Заттар тобын салыстырамын.

« ˃ », « ˂ », « = » белгілері»

Өткізген: Дуйсенгалиева Ж.К

№15 «Самал» МАД тобы

2021-2022 оқу жылы