Математика сабағында оқушылардың ұсақ қол моторикасын дамыту

Күні: 04.10.2017ж.

Пәні: Математика.

Өтілетін орны: 313 каб.

Сабақтың тақырыбы: Есептер шығару. (Математика сабағында оқушылардың ұсақ қол моторикасын дамыту) 

Сабақтың мақсаты:

Білімділік: Оқушылардың математика сабағында логикалық ойлау және ұсақ қол моторикасын дамыту үшін түрлі тапсырмалар орындатып, жеке, топтық жұмыстар жүргізу. Сандардың ең үлкен ортақ бөлгіші мен ең кіші ортақ еселіктерін табуды қайталап, есептер шығару.

Тәрбиелік: Оқушыларды нақты шешім қабылдай білуге, топпен жұмыс жасауға, өз ойын еркін жеткізе білуге, алғырлыққа, тапқырлыққа тәрбиелеу.
Дамытушылық: Оқушылардың сандарды бөлу және көбейту дағдыларын қалыптастыра отырып, өз бетімен есептер шығару қабілеттерін дамыту, логикалық ойлау, есте сақтау қабілеттерін және пәнге қызығушылығын арттыру.

Коррекциялық: Оқушылардың дыбыстарды дұрыс айтуын қадағалау.

Сабақтың түрі: аралас сабақ

Сабақта қолданылатын көрнекі құралдар: интерактивті тақта, ережелер, қима қағаздар.

Сабақтың барысы:
І. Ұйымдастыру кезеңі:

Оқушылардың назарын сабаққа аудару.

Психологиялық сәт:

Оқушылар тұрып, қол ұстасып: «Білімді мыңды жығар, білікті бірді жығар» мақалын айтады.

а) Ұйымдастыру сұрақтары:

- Қазір қандай сабақ?

-Бүгін айдың нешесі?

- Бүгін аптаның қай күні?

- Қазір нешінші сабақ?

б) Сөздік жаттығу:

Мақсаты: Сөздерді дұрыс бір екпінмен оқыту.

Натурал сандар, тақ сан, жұп сан, жай сан, құрама сан, еселік, бөлгіш, ең кіші ортақ еселік, ең үлкен ортақ бөлгіш.

II. Қайталау.

1. Үй тапсырмасын тексеру.

2. Ауызша жұмыс. Сандар мен ережелерді ауызша оқыту. (Қима қағаздар бойынша)

3. Ережені қайталау. Анықтамаға сәйкес сандарды жазу.

Жай сандар: Жұп сандар:

Құрама сандар: Тақ сандар:

4. О йын: Белгісіз санды табу

5. Математикалық диктант (еріннен оқу)

• Бөлгіштерін табыңдар:

12: 1, 2, 3, 4, 6, 12.

15: 1,3,5,15.

III. Тақырып бойынша жұмыс:

1. Кітаппен жұмыс.

• Балалар, кітаптың 36-бетін ашыңдар. (Математика 5. Атамұра.)

№ 158

Сандарды жай көбейткіштерге жіктеу арқылы олардың өзара жай сандар екенін дәлелдеу.

1. 12 мен 35

12= 2²∙3, 35=5∙7

2. 11 мен 9

11, 9= 3²

3. 99 бен 56

99=3²∙11, 56= 2³∙7

2. Қима қағазбен жұмыс. (әр балаға жеке-жеке тапсырмалар беріледі.)

ІV. Сабақты бекіту:

Ойын: «Танграм». ( Берілген жеті фигурадан бір ғана бейнені құрастыру)

Жаттығуды ойын түрінде өткізу.

• Мына сандардың ішінен 2-ге, 3-ке және 10-ға бөлінетіндерін бағандарға орналастырыңдар:

10, 2, 8, 9, 23,33, 26, 27, 40, 99, 590, 330
2-ге бөлінеді	3-ке бөлінеді	10-ға бөлінеді

V. Қорытындылау.

-Балалар, сонымен біз бүгін сабақта не істедік?

ҮІ. Оқушыларды бағалау.

ҮІІ. Үйге тапсырма: №159

Оңтүстік Қазақстан облысының «Шымкент

№1саңырау балалардың мектеп-интернаты»

коммуналдық мемлекеттік мекемесі

Семинар сабақ

Тақырыбы: Есептер шығару. (Математика сабағында оқушылардың ұсақ қол моторикасын дамыту) 

Мұғалім: Ж.В. Кулбаева

2017-2018 оқу жылы