Сыныптан тыс сабақтың тақырыбы :

«Математикалық эстафета» сайысы 8 сынып

Мақсаты: Оқушылардың ой - өрісін кеңейту; білімге деген құштарлыққа, ізденімпаздыққа жетелеу, білімдерін, қаншалықты білетіндіктерін байқау.  Өз ойын тез тұжырымдай білуге, жылдам, дұрыс шешім қабылдай білуге баулу. Ұжым намысын қорғауға,ізденушілікке, тапқырлыққа тәрбиелеу; Көрнекілігі: Проектор , үлестірмелер ,қанатты сөздер Сабақтың барысы:
Мұғалім:

Құрметті ұстаздар,  қатысушылар  және  қатысушылардың жанкүйерлері.   Бүгінгі «Математикалық эстафета» сайысына қош келдіңіздер деп сайысты бастаймыз .

8 «Д» және 8 «К» сыныптарынан сайысқа қатысушылар саны 5 оқушыдан. Сайысымыздың  шарты: Тапсырмаларды жылдам, ұтымды және тез орындау.Сұрақтарға анық,нақты,дауыстарыңды шығарып , толық жауап беру керек. 
Әділ қазылар алқасын сайлап алайық.(Мұғалімдерден сайланады)

Сайыстың жоспарымен таныстыру:

І. Әр топ өзі таңдап алған атын қорғайды(Зеректер.Ойшылдар)

ІІ. «Сандар сөйлейді»

ІІІ.Кім тапқыр?

ІV. «Жылдам жауап»

V. Әзіл есептер.

VІ. Жанкүйерлер дауысы

VІІ.Сиқырлы сурет

І ІХ.Қорытындылау

Сайыстың барысы:

І. Әр топ өзі таңдап алған атын 1- 2 ауыз сөзбен не тақпақпен қорғайды. (Зеректер.Ойшылдар) (3 минут)

ІІ. «Сандар сөйлейді»

1 топқа. Қандай амалдардың көмегімен 3 санын 5 рет қолдану арқылы 37 санын шығаруға болады? Жауап:33+3+3:3=37

2 топқа. Қандай амалдардың көмегімен 2 санын 5 рет қолдану арқылы 15 санын шығаруға болады? Жауап 22:2+2+2=15

ІІІ.Кім тапқыр?

1 топқа. Қанша кісі? Мәтін ауызша оқылады,қанша кісі бар екенін айту керек .

Атам ,әжем ,ағаммен

Әкем,інім және мен

Анам және енесі

Енесінің бөлесі

Отыр едік шәй ішіп

Жеңгем кірді майысып

Арқасында кіші інім

Саны қанша айта ғой

Үйдегі бар кісінің Жауап: 11 кісі

2 топқа.Қанша қонақ?

Нұрымбетов Нұрлан бүгін

Атап өтпек туған күнін

Тойласуға Таңат келді

Еркін,Ермек,Манат келді

Жайық ,Қанат,Жанат келді

Барақ,Марат,Бабақ келді

Сағат келмей ,Самат келді

Бірақ Самат қайтып кетті

Жай жапсарын айтып кетті

Жайықта енді Саматқа ерді

Одан кейін Талап келді

Одан кейін Орақ келді

Бәрі қанша қонақ келді? Жауап:11 қонақ

ІV. «Жылдам жауап»

1 топқа

1.Геометрия қандай бөлімдерден тұрады? Жауап: Планиметрия,стереометрия

2. х₁+х₂= -в х₁·х₂= с тепе теңдіктері туралы не айтуға болады?

Жауап:Виет теоремасы

3.Барлық қабырғасы тең болатын параллелограмм қандай фигура? Жауап:Ромб

4.Квадрат теңдеудің 2 түбірі болу үшін қандай шарт орындалу керек? Жауап: Дискриминант 0-ден үлкен болу керек

2 топқа

1.Толық квадрат теңдеудің жалпы түрі қандай? Жауап: ах²+вх+с=0

2.Үшбұрыштың ішкі бұрыштарының қосындысы неше градус? Жауап: 180⁰

3.а²+в²=с² тепе теңдігі туралы не айтуға болады? Жауап:Пифагор теоремасы

4. Квадрат теңдеудің 1 түбірі болу үшін қандай шарт орындалу керек? Жауап: Дискриминант 0-ге тең болу керек

V.Әзіл есептер.

1.Біз қай кезде «2» цифрына қарап 10 дейміз? Жауап: Сағаттың минуттық тілі 2-ні көрсеткенде 10 минут кетті дейміз

2. 0-ден 100-ге дейінгі сандардың қосындысы көп пе,әлде көбейтіндісі көп пе?

Жауап:Қосындысы

3.Жылдың неше айында 28 күн бар? Жауап:Барлық айда

4.5 мысық 5 тышқанды 5 минутта ұстаса ,онда 1мысық 1 тышқанды неше минутта ұстайды? Жауап: 5 минутта

5.Ұшақ бір қаладан екінші қалаға 1 сағат 20 минут ұшады да,қайтарда сол жолмен 80 минут ұшады.Қайсысында көп уақыт кетеді?Жауап:Екеуінде бірдей уақыт кетеді

6.Теңіз түбінен қандай тастарды ала алмаймыз? Жауап: Құрғақ тастарды

VІ.Жанкүйерлер дауысы

Мақал –мәтелді жалғастыру керек.

1.Есептей білгеннің .... (есебі түгел)

2.Еріншектің .... (ертеңі бітпес)

3.Оқу инемен .... (құдық қазғандай)

4.Ақыл тозбайтын тон, .... (білім таусылмайтын кен)

VІІ.Сиқырлы фигуралар

Тақтадағы фигараларды жаңылмай тез рет-ретімен айтып шығу керек

І ІХ.Қорытындылау

Әділ қазылар алқасы сайыс қорытындысын шығарып,жеңімпаз топты анықтайды.Екі топ та марапатталады.