Түсінік хат

Таңдау курсы 10-сынып оқушыларының математикалық сауаттылығын қалыптастыру үшін және болашақтағы бейіндік оқуға алдын ала дайындау үшін қазіргі заманғы өмірдегі математикалық ұғымдары мен берілген есептерді шығару арқылы оқушылардың ойлау қабілеттерін дамытуға арналады.

Курс оқушылардың физика-математикалық, финансты-экономикалық бағыттар бойынша бейіналды дайындығына бағдарланған. Ол математиканың базалық курсын кеңейтеді және оқушыларға математиканың практикалық құндылығын сезінуге, өздерінің математикалық қабілеттерін тексеруге мүмкіндік береді.

Курс аптасына 1 сағаттан 34 сағатқа есептеліп, 10-класс оқушыларына арналған.

Бағдарлама мақсаты:

• Тереңдету арқылы математиканың әлемдегі рөлін анықтау және түсіну,әр түрлі формада берілген сандық ақпараттарды оқу, талдау,түсіндіріп беру,дұрыс негізделген математикалық пайымдалулар айту,есептерді шығарудың тиімді тәсілдерін табу,орындау, өзін-өзі тексеру,өмірмен байланыстыру,математикалық білімді өмірлік жағдаяттарда кездесетін түрлі мәселелерді шешуде еркін қолдану.

Бағдарлама міндеттері :

• Танымдық белсенділік;

• Өмірмен байланыс;

• Оқушылардың математикалық іс-әрекетке қабілеттерін дамыту.

• Оқушылардың математикалық іс-әрекетке деген өз қабілеттерін сараптауға мүмкіндік беру.

Бағдарламаны меңгеруге қойылатын талаптар :

• Жеке тұлғаны дамыту;

• Практикалық іс-әрекет;

• Интеллектуалды кәсіби дағдыны қалыптастыру.

Күтілетін нәтиже :

• Есеп шығарудың әртүрлі әдіс-тәсілдері, негізгі алгоритмдері туралы білім алады.

• Дүниетанудағы математиканың ролі, математикалық зерттеу әдістері туралы көзқарастарын қалыптастырады.

• Өз бетінше есеп шығарудың сан қилы жолын іздестіреді;

• Өз бетінше білім алу дағдыларына негіз салады;

• Табиғи қасиеттерін, математикалық білім деңгейлерін тереңдетеді;

• Өмір мен қоғамға аса қажетті мәселелерді математика ғылымына тән жан-жақты талдайды.

Білуі керек :

• Әртүрлі ақпарат көздерімен жұмыс жасауға ;

• Қорытынды ой жасау және нәтижені сараптауы ;

• Пікір таласқа қатысу, өз қызметінің нәтижесін көре білуге ;

• Есеп шығарудың ұтымды жолын таңдауды ;

Пайдаланылған әдебиеттер:

1. Ы.Мәуіт. «Математика олимпиадасына дайындық бастамалары», Астана, 2013 ж.

2. Т.Күшай, Хазез Мейрам. «Мәтін және логикалық есептер мен тест тапсырмалары», Астана, 2014 ж.

3. Ұлттық бірыңғай тестілеу орталығы, «5+», «Достық», «Educon» орталықтарының тесттері.

4. Ы.Мәуіт., Н.Табыс. «Бастауыш математикалық олимпиада және логика», Алматы, 2017 ж. 140 б.

5.www.ustaz.kz ; www.45minyt.kz; bilimdiler.kz сайттары

6. А.Мирзахмедов. «Математикалық сауаттылық» Алматы 2017ж