"Математиканы оқытудың жаңаша әдістері"

Қосымша1

«Біліктікті арттыру жүйесінің инновациялық стратегиялары – жетістіктер шыңы» тақырыбында халықаралық ғылыми-практикалық конференцияға қатысуға

Өтініш

Қосымша2

Ажибенова Айнур Айтжановна

ОҚО, Мақтарал ауданы, Атакент кенті,

«О. Бапышев атындағы ЖОМ» КММ

МАТЕМАТИКАНЫ ОҚЫТУДЫҢ ЖАҢА ӘДІСТЕРІ

Қазіргі  кезде егемен елімізде білім берудің  жаңа жүйесі жасалынып,

әлемдік білім беру кеңістігіне бағыт алуда. Бұл оқу-тәрбие үрдісіндегі елеулі

өзгерістерге байланысты болып отыр. Себебі, білім берудің мазмұны өзгеріп, жаңа көзқарас , жаңаша қарым-қатынас пайда болды. Сол себепті  Қазақстан Республикасына білім беру жүйесіндегі жаңашаландыру үрдісі жүруде. Жас өркеннің жақсы азамат, білікті тұлға ретінде қалыптасуы мұғалімдердің білімі мен кәсіби шеберлігіне, мемлекет пен халық алдындағы азаматтық парызына деген жауапкершілігіне тікелей қатысты.

Жеке тұлғаның танымдық үрдістерін дамытуда, сондай-ақ, білім, білік, дағдыны, жалпы дүниетанымын қалыптастыруда оқыту әдістерін, жаңа оқыту технологияларын оқыту үрдісінде тиімді пайдалана білу мұғалім шеберлігіне байланысты . Оқыту әдістері – оқытушы мен оқушының оқу- тәрбие жұмысының міндеттерін ойдағыдай шешуге бағытталған іс- әрекеттері. «Инновациялық технологиялар» тіркесі бүгінгі күні педагогикада, оқу- тәрбие үрдісінде ең жиі қолданылатын ұғым болып отыр.

Белгілі ғалым М.М. Поташник:

«Инновация - оқу бағдарламасын меңгертуде мұғалімнің оқытудың

жаңа әдістемелері мен технологияларын тиімді игеруі» деп анықтама берген.

Оқыту мен оқудағы жаңа тәсілдер: жаңа форматта сабақ өткізу барысында білім беру үрдісі нәтижелі болу үшін оқушылардың білімді өз бетімен меңгертуде мұғалім бағыттаушы ролінде болады. Білімді өз бетімен меңгеру барысы оқушының «өзін-өзі реттеу» үрдісіне жатады. Өзін-өзі реттеу арқылы балада түсіну, қадағалау, бақылау қабілеттері дамиды.

Топытық оқыту әдісін қолдану кезінде оқушылардың өзін өзі басқару, өзін өзі бағалау топтап оқушылардың білім деңгейін, ынтасын көтереді, бір біріне көмектесу, бірінің білмегенін бірі толықтыру арқылы сенімділік артып, оқушылардың тақырыпты меңгерудегі олқы жерлерін бақылап, мұғалім мен оқушылар арасында бір бірімен тығыз қарым-қатынас орнатылады. Математика сабағында топтық жұмыстар қолданылған жекелеген жобаларда толық топтарға қарағанда, шағын топтағы оқушылардың шығармашылық неғұрлым тиімді жұмыс істегені байқалады. Себебі тығыз ынтымақтастық пен қателіктер сындарлы әңгімелесу жағдайында математика есептерін шешуде өрдерін сенімді ұстайды.

Сыни тұрғыдан ойлауға үйрету  стратегиясы оқушылардың жаңа білімді меңгеруде берілген ақпарат туралы ойлау, талдау, бағалауда алынған ақпаратты одан әрі жетілдіруге бағытталған пәндік шешім болып табылады. Сыни тұрғыдан ойлауын жетілдіру барысында сабақта әр түрлі әдіс –тәсілдерді қолдануға болады: жоғары төмен мәртебелі сұрақтар, Венн диаграммасы, ыстық орындық, семантикалық карта, бесжолды өлең.

Аталған тапсырмаларды орындау кезінде оқушылардың жауаптарын талдай отырып ойларын еркін, ашық жеткізетіндігін, болжам жасай алатындығын, ұшқыр ойлап оны дәлелдеуге мүмкіндіктерінің артқанын байқалады. Мысалы: Венн диаграммасы арқылы «Жай бөлшектерді қосу»  және «Жай бөлшектерді азайту»  ережелерін пайдаланып  айырмашылығы мен ерекшеліктерін постерға түсіріп  салыстыру біледі және оларды бір ортақ бөлімге келтіруге болатына арқылы сыни түрде сипаттама бере алатыны  анық. Осы тапсырманы орындау барысында ерекше көзге түскен оқушылар өзінің постерін жақсы қорғайды. Бекітуге барлық топтарға постер берліп, мысалы "теңдеу" деген сөзге бесжолды өлең құрастыруға тапсырма берілді. Бес минуттың ішінде тапсырмаларын орындап, қорғайды. Осы тапсырма оқушылардың математикалық тілін дамытуға жақсы көмектеседі. Сабақты қорытындылау мақсатында "Ыстық орындық" әдісін пайдалануға болады. Ортаға өз еркімен  бір оқушы шығып, оған басқа топтар сұрақтар қояды. Барлық сұрақтарға жауап беруге тырысады.