Мәтіндерге тілдік талдау

Сабақтың тақырыбы: Мәтіндерге тілдік талдау

Сабақтың мақсаты:

Сабақтың білімділігі: Оқушылардың өз бетімен жұмыс жасауы арқылы теориялық ойлауын, сөйлеу тілін дамыту.

Сабақтың дамытушылығы: Мәтін туралы берілген түсінікті кеңейту. Мәтіндегі азат жолдың рөлін байқату. Мәтінге сөйлем қосып толықтыру, берілген тақырып бойынша мәтін құрастыру.

Сабақтың тәрбиелілігі: Ұйымшылдыққа, адамгершілікке, еңбекқорлыққа тәрбиелеу.

Сабақтың әдісі: түсіндіру, талдау, жинақтау, ойқозғау, мағынасын ашу.

Сабақтың типтері: ұйымдастыру кезеңі, үй тапсырмасын сұрау, жаңа сабақты түсіндіру, қорытындылау, бағалау.

Сабақтың барысы:

а) Ұйымдастыру кезеңі.

ә) Үй тапсырмасын сұрау.

Тапсырманың орындалуын дәптерлерінен тексеру арқылы қадағалаймын.

Өткен сабақ бойынша қосымша сұрақтар қойылады.

б) Жаңа сабақ

Бүгінгі жаңа сабақта оқушыларға «Мәтіндерге тілдік талдау» тақырыбы жайлы түсіндіремін.

Сөз тіркестерін, тұрақты сөз тіркестерін және күрделі сөздерді бөлек топтап жазу.

Сөз тіркес - Туған жер, ардақты кісі, көркем дүние.

Тұрақты сөз тіркес – ит тұмсығы өтпейтін, қабырғаңмен кеңес

Күрделі сөз – торы ала.

Тапсырма: Күрделі сөздердің түрлерін ажырату.

Алып – ұшып – қос сөз, балабақша– біріккен сөз

Ауызша тапсырма: Мәтінді оқу.

Тапсырма: Сұрақ қою арқылы сөйлемдегі сөздердің байланысын анықтап жазу

Аспан (не?), жас төгеді (не істейді?), ашынғаннан (неліктен?) т. б.

Тапсырма: Мәтін мазмұнына байланысты сурет салу.

Тапсырма: Мәтіндегі қарамен жазылған сөздердің мағынасын түсіндіру.

Тапсырма: Мақалдарды оқып, арасына сызықша қойылу себебін түсіндіру.

1. Ер қанаты – ат.

2. Ата қоныс – алтын мекен.

3. Ынтымақты ел – сарқылмас көл.

4. Атаның өнері – балаға мұра.

5. Баланың бас ұстазы – ата – анасы.

Сабақтың қорытындысы:

1. Сұрақ қою арқылы жаңа сабақты қорытындылаймын.

2. Оқушылардың берген жауаптарына қарай білімдерін бағалаймын.

Үйге тапсырма.