"Мәтіндік және логикалық есептерді шешу" факультатив жоспары

Бекітемін: Келісемін: ӘБ отырысында

Мектеп директоры Оқу ісінің меңгерушісі қаралды:

______________ ___________________ хаттама №1

«___»_________ «____»_____________

Қазақстан Республикасының білім және ғылым министрлігі

№39 М.Жұмабаев атындағы жалпы орта мектебі

Математикадан факультатив бағдарламасы

8-сынып

Тақырыбы: «Мәтіндік есептер мен логикалық есептерді шешу»

Пән мұғалімі : Г.М.Касимбекова

Мәтіндік және логикалық есептерді шешу

Түсінік хат

8-сыныптарға ұсынылып отырған бұл « Мәтіндік есептер мен логикалық есептерді шешу» курсының мынадай ерекшеліктері бар:

Бұл курсты өту барысында оқушылар жалпы мектеп бағдарламасында қарастырылмайтын немесе аз қарастырылатын әр түрлі тақырыптағы мәтіндік есептерді теңдеу құру арқылы шешу : сандар тізбегіндегі заңдылықты анықтау, практикалық мазмұнды есептер, сандар мен шамалардың арасындағы байланысты орнату , мәтінмен берілген есептердіі математика тілінде құрастыру, ол мәселелерді математикалық айғақтар мен әдістерді қолдана отырып шешу, функционалдық сауаттылықты қалыптастыратын есептер, қызықты логикалық есептер мен тарихи есептерді талдау. Оқушылардың елестету деңгейі, байланыс орнату деңгейі және қисынды ойлау деңгейін қалыптастыру көзделуде.

Математиканы оқыту процесінің мақсаты - оқушыларда математикалық сауаттылықты , яғни математикалық құзыреттілікті қалыптастыру болып табылады. Алған білімдері мен біліктерін практикалық қызметтерінде және күнделікті өмірлерінде пайда болған мәселелерді шешу үшін математиканы пайдалана алуға қабілетті болуы тиіс.

Математиканың ерекше орны басқа пәндерді меңгеруде негіз болатын ойлауды сапалық та , сандық та дамуына әсер етуінен көрінеді.Бұл мақсатта логикалық есептерді шешудің пайдасы ерекше. Осы курсты өту барысында аталған есептерді шешудің әдіс-тәсілдерін қарастырады.

Курстың мақсаты мен міндеті

Бұл бағдарламаны оқыту арқылы оқушылардың математикалық қисынды

ойлауын , зерттеу қабілетін , проблеманы қою және оны шешу барысында

есептің шартына сәйкес оның математикалық моделін құру және әртүрлі

тәсілдермен шешу біліктерін дамыту .Оқушылардың математикалық

сауаттылығын арттыру.Пәнді оқып-білуге деген ынтасын арттыру.

Курс оқушыларды проблемаларды өз бетінше шешуге ынталандыру қабілетін

қалыптастырады, оқу процесінде кездесетін өз қиыншылықтарын жоюға ,

талдауға және анықтауға , жаңадан есеп құрастыруға оны әр түрлі тәсілдерді

қолданып шешуге, өзін-өзі бақылауға мүмкіндік береді.

Бұл бағдарламаны оқыту арқылы оқушыларға стандартты емес есептерді ,

логикалық есептерді , күрделілігі жоғары шығармашылық есептерді шығару

жолдарын меңгерту.

Күнтізбелік-тақырыптық жоспар

Жалпы орта мектептің 8-сыныбында мәтіндік есептер мен логикалық есептерді шешуді үйретуге арналған факультатив жоспары

(Аптасына 1 сағат,барлығы 34 сағ)