Мәтінмен жұмыс арқылы оқушының тіл байлығын дамыту

Бөлім:

Педагогтің Т.А.Ә. (болған жағдайда)

Күні:

16.02.2026

Сынып: 2 сынып

Қатысушылар саны:

Қатыспағандар саны:

Тәрбие тақырыбы

Қауіпсіз қоғам

Мақсаты

Оқушыларға «қауіпсіз қоғам» ұғымын қарапайым тілмен түсіндіру, күнделікті өмірдегі қауіп-қатерлердің алдын алу жолдарын үйрету және өз өмірі мен айналасындағылардың қауіпсіздігіне жауапкершілікпен қарауға тәрбиелеу.

Қауіпсіздік сабағы

«Төтенше жағдай туындаған кезде жедел қызметтерге қоңырау шалу скриптері»

Мақсаты

Оқушыларға жедел қызмет нөмірлерін жаттату және диспетчермен сөйлесу үлгісін үйрету.

Құндылықтарды дарыту

жасампаздық және жаңашылдық

Апта дәйексөзі

Сабақтың кезені/ уақыт

Педагогтың әрекеті

Оқушының әрекеті

Ресурстар

Сабақтың басы

1. Амандасу және «Шаттық шеңбері»:

Мұғалім оқушыларды ортаға шақырып, «Көршіме қауіпсіздік тілеймін» жаттығуын өткізеді. «Балалар, бүгін біз тек оқушы емес, «Қауіпсіздік агенттері» боламыз» деп мотивация береді.

2. Миға шабуыл:

Экраннан немесе суреттен «Орман, көше, үй» суреттерін көрсетіп: «Бұл жерлерде бізді қандай қауіп күтуі мүмкін?» деп сұрақ қояды.

3. Топқа бөлу:

Бағдаршам түстеріне (Қызыл, Сары, Жасыл) сәйкес пазлдар арқылы 3 топқа бөледі.

Оқушылар шеңберге тұрып, көршісінің қолын ұстап: «Мен саған көшеде абай болуды тілеймін!», «Мен саған өрттен аман болуды тілеймін!» деп тілек білдіреді.

Суреттерге қарап, өз ойларын айтады: «Көшеде машина қағуы мүмкін», «Орманда адасуға болады».

Пазл құрастыру арқылы өз топтарын тауып, орындарына жайғасады.

Сабақтың ортасы

1. «Ережені білсең — еркінсің» (Бейнеролик немесе ертегі):

«Сақ құлақ» атты қысқа мультфильм көрсетеді. Мультфильмнен кейін «кейіпкер неге қауіпке тап болды?» деп талқылау жүргізеді.

2. Рөлдік ойын «Сырттағы бейтаныс»:

Мұғалім бейтаныс адамның рөлін ойнайды: «Балақай, анаң мені жіберді, ол ауруханада жатыр, тез жүр менімен!» немесе «Көлігімде кішкентай күшік бар, көргің келе ме?» деп баланы қызықтырады.

3. «Құтқарушы нөмірлер» жаттығуы:

Интерактивті тақтада «101, 102, 103, 112» сандарын көрсетіп, әрқайсысының қызметін түсіндіреді. «Дыбысты таны» ойыны: жедел жәрдемнің, полицияның, өрт сөндіру көлігінің дыбыстарын тыңдатады.

4. Топтық жұмыс «Қауіпсіздік ережесін құрастыр»:

Топтарға ватман мен қима суреттер береді.

1-топ: «Көшедегі қауіпсіздік».

2-топ: «Үйдегі қауіпсіздік (электр, газ)».

3-топ: «Бейтаныс адамдармен қарым-қатынас».

Балалар бейнероликті көріп, кейіпкердің қателігін табады.

Рөлдік ойында: Балалар «Жоқ! Мен сізді танымаймын! Көмектесіңіздер!» деп айқайлауды, қашып кетуді үйренеді. «Құпия сөз» (ата-анасымен ғана білетін сөз) туралы біледі.

Әр дыбысқа сәйкес нөмірді атайды. Мысалы: «Сұңқылдаған дыбыс — бұл 102, полиция!».

Топпен жұмыс істейді. Суреттерді желімдеп, «Болмайды!» және «Болады!» деген ережелерді белгілейді. Әр топ өз постерін қорғайды.

Бейне материал, слайд

Қаіпсіздік сабағы

. Ұйымдастыру (2 минут)

Мұғалімнің сөзі: «Балалар, егер үйде немесе көшеде қауіпті жағдай болса (өрт шықса, біреу ауырып қалса), біз көмек шақыруымыз керек. Ол үшін арнайы нөмірлер мен дұрыс сөйлесу ережесін білу маңызды».

Нөмірлерді қайталау:

101 – Өрт сөндіру қызметі

102 – Полиция

103 – Жедел жәрдем

112 – Бірыңғай құтқару қызметі

2. Негізгі бөлім: Қоңырау шалу скрипті (5 минут)

Мұғалім балаларға диспетчерге (телефон тұтқасының арғы жағындағы адамға) не айту керектігін 4 қарапайым қадаммен түсіндіреді.

Сөйлесу үлгісі (Скрипт):

Не болды? (Өрт, ұры, ауру)

Мекенжайың? (Қай жердесің? Үйдің нөмірі немесе белгілі бір жер).

Кімсің? (Атыңды айт).

Телефонды қойма! (Көмек келгенше немесе рұқсат бергенше күт).

Сабақтың соңы

1. «Иә - Жоқ» ойыны (Қорытындылау):

- Жолдан жүгіріп өтуге бола ма? (Жоқ)

- Бейтаныс адам берген тәттіні аламыз ба? (Жоқ)

- Үйде сіріңкемен ойнауға бола ма? (Жоқ)

- Қиын жағдайда 112-ге хабарласамыз ба? (Иә)

2. Марапаттау:

Белсенді қатысқан оқушыларға «Қауіпсіздік білгірі» деген төсбелгілер (немесе стикерлер) береді.

3. Кері байланыс «Бағдаршам»:

Жасыл — бәрін түсіндім, сары — сұрағым бар, қызыл — қиын болды.

Оқушылар хормен «Иә» немесе «Жоқ» деп жауап береді, қажет болса неге екенін түсіндіреді.

Төсбелгілерді қуанышпен қабылдайды.

Өздерінің деңгейлерін түстер арқылы тақтаға іледі.

Сабақ соңында: «Біз қауіпсіздікті сақтаймыз!» деп ұрандатады.