Мәтінмен жұмыс "Екі әтеш" 1 сынып

Мәтінмен жұмыс

Мәтінді оқы.

Екі әтеш

Ертеде бір кемпір-шалдың құс дегенде, асырап отырған екі әтеші бар екен. Қолдарына түскен жемдерін соларға беріп, бағып-қағыпты.

Күндердің бір күнінде кемпір құсына жем шашады. Қарындары ашқан әтештер дүрсе қоя береді. Әрқашан бірге жүрген досынан шұбар әтеш жемді қызғанып, шекесінен одырая қарайды.

— Шіркін, мынаның бәрін жалғыз өзім жеп, тыңқия бір тойсам-ау, – дейді.

Сөйтеді де, шұбар әтеш қасындағы сұр әтешті қайта-қайта шоқып, жем жегізбейді, мазасын алады. Сұр әтеш бір рет елемегенсиді, екінші рет абайламаған болады. Тіпті қоймаған соң, ақырында ызаланып, ол да шұбар әтешті шоқып алады.

Осыдан соң екі әтеш жүндері үрпиісіп, бірі мен бірі төбелесе кетеді. Екеуінің де үсті-басы жұлым-жұлым болады.

Бұлар өстіп қызыл шеке болып жатқанда, көршінің шібилері келіп, жемді түгін қалдырмай жеп кетеді.

Тапсырмалар

1. Мәтінде баяндалған оқиға қай жерде орын алды?

аулада

ауылда

қорада

2. Ертегі қалай аталады?

Екі әтеш

Әтештер

Қызғаншақ әтештер

3. Әтеш қандай құсқа жатады?

Үй құсы

Дала құсы

Жыл құсы

4. Екі әтеш нені қызғанды?

жемді бірге бөлісе алмады.

әрқайсысы басқасы көп бөлігін жейді деп қорықады.

бірін-бірі азықтан құр қалдырады деп қорықты.

5. Осы мәтінді қандай жинаққа жатқызар едің?

ертегілер жинағына

әңгімелер жинағына

мысалдар жинағына

6. Бұл қандай ертегіге жатады?

тұрмыстық

сиқырлы

құстар туралы

7. Осы ертегіде халық адамның қандай жарамсыз қылығын сөз етеді?

арамылық

аяншақтық

көре алмаушылық

8. Осы шығарманың кейіпкерлерін ата.

_________________________________________________________________

__________________________________________________________________

9. Жоспар құрастыр және бойынша әңгімелеп берініздер.