Мәтінмен жұмыс. Жаттығу жұмыстары.

Сабақтың тақырыбы: Жаттығу жұмыстары

Сабақтың мақсаты :

а) Буын туралы түсінікті еске түсіре отырып, буын түрлеріне тоқталу, сөз қолданыста, мәтін құрауда бунын түрлерін ажырата білгізу,буын түрлерін мәтін ішінде тапқызып, жасалау жолдарын ұқтыру ;

ә) сурет және дидактикалық ойын арқылы оқушының сөздік қорын молайту, тілін демыту, өз бетінше кез келген сөзді буынға бөле білуге дағдыландыру және мәтін құру арқылы оқушыны сөйлеу тіліне төселдіру;

б) Оқушылардың қоғамға деген өзіндік көзқарасының қалыптасуына ықпал ету, өз ойларын еркін, нақты жеткізе білуге баулу, тіл байлықтарын дамыту, өз бетімен ізденуге, ой қорытуға дағдыландыру.

Сабақтың түрі: Қайталау

Сабақтың әдісі: мәтінмен жұмыс, пікірін айту.

Сабақтың көрнекілігі: кесте, кітап, үлестірмелі парақшалар, дидактикалық материалдар, суреттер

Пәнаралық байланыс: әдебиет, бейнелеу

Сабақтың барысы:

а) Ұйымдастыру кезеңі:

Оқушылармен амандасу, түгелдеу, оқу құралдарын тексеру. Сыныптың тазалығына көңіл бөлу. Әнұран айтқызу. Оқушылардың сабаққа дайындығын тексеру. Оқушылардың зейінін сабаққа аудару.

ә) Үй тапсырмасын пысықтау:

Үйге берілген жаттығуды тексеремін. Оқушыларға кеспе қағаз үлестіріп жауап талап етемін.

1. мәтін дегеніміз не? 6.Синоним сөздер дегеніміз не?

2. көп мағыналы сөздерді қалай түсінесің? 7. омоним дегеніміз не?

3. лексика нені зерттейді? 8. Эвфемизм дегеніміз не?

4. Табу дегеніміз не? 9. Дисфемизм дегенімізне?

5: Антоним дегеніміз не? 10. Тұрақты тіркестер дегеніміз не?

б) Жаңа сабақтытүсіндіру:

Төмендегі мысалдарда қарамен жазылған сөздердегі дыбыстың орны ауыстырылып берілген дыбыстарды тап.

Адасқан әріптер.

1. Күз түсті,

Тырмалар жылы жаққа ұшты.

2. Ешкі егіз бақ тапты,

Балалар оны күтіп бақты

3. Марат мектептен келіп жемалды

Мамасы берген тарақты

Тойғанынша жеп алды.

4. Қыздар сынып бөлмесін ақтады, малалар еден жуды.

5. Мақаш мақтаға есеп шығарды Бадиша партаны қабырғаға іліп, басты өзендерді көрсетті.

6. Күлай кеспе тігіп, Құрбанбүбі құлақ құрап отыр.

7. Малды ауылда қой қоздап, қозылар жамырап жатыр.

Егесін таппаған қозылар қаңырап тұр.

Білімді бекіту: Сұрақ-жауап әдісін пайдаланамын.түсінбеген сұрақтарына жауап беремін.

Бағалау: Сабаққа ынталы қатысып отырған оқушыларды бағалаймын.

Үйге тапсырма: Төмендегі дыбыстарды тиісінше тіркестіріп сөз жасап келуге беремін

1) р,о,б ; 2) а,ш,а,ғ ; 3) т,р,е,м ; 4) а,б,л,ы,қ ; 5) қ,ы,а,з,қ.