"МДҰ педагогтары үшін іскерлік ойын"

«МДҰ педагогтары үшін іскерлік»

Мақсаты: Педагог тәрбиешілердің біліктілігін, іскерлігін, кәсіби шеберлігін анықтау, әрбір педагог өз қабілетін көрсете отырып, өзара тәжірбие алуға үйрету, бірлесе топ болып жұмыстануды көздеу. Педагогикалық ізденімпаздыққа қызығушылығын тәрбиелеу.

Ойын шарты:

• өзгелерді тыңдай білу

• ортақ шешім шығару

• ойынға белсене қатысу

• регламент сақтау

Ойынның барысы.

Жүргізуші: Қайырлы күн! Біздің іскерлік ойынымызға қош келдіңіздер. Бүгінгі ойында біз ойнап, ойланып, бір - біріміз туралы көбірек білеміз.
Сол үшін ең бірінші бір - бірімізбен жақсы көңілмен амандасайық. Шеңберге тұрып мына жүрекшені бір - бірімізге жылы сөз айтып береміз. (барлығы шеңберге тұрады, жылы сөз айтып, жүрекшені бір - біріне береді).
Бүгінгі ойын екі топқа бөлініп жүргізіледі. Сол үшін қазір сендер мұнда жатқан парақтарды таңдайсыңдар (барлық педагогтар парақтарды алып болған соң, жүргізуші парақтардың сыртында бейнеленген суреттерге сәйкес топтарға бөлінуді ұсынады).

№ 1 Тапсырма:
Сұрақ - жауап сайысы (жүргізуші сұрақтар қояды, бірінші жауап берген топқа ұпай жүреді).
1) Стандарттың негізінде жасалған мектепке дейінгі ұйымдарда білім беру процесін мемлекеттік нормативті құжат (Үлгілік оқу жоспары).
2) ҚР Конституциясы қай жылы, айы қабылданды (30.08.1995ж).
3) Балабақшада білім беретін бағдарлама неше бөлімінен тұрады? (5 сала бөлімі).
4) Баланың даму деңгейінің көрсеткіші (Индикатор)
5) Ортаңғы топ жастағы балалардың оқу қызметінің ұзақтығы? (15-20 минут)
6)Әлеумет білім беру саласының оқу қызметтері (Өзін-өзі тану,қоршаған ортамен таныстыру,экология негіздері)

7) Ересек топ жастағы балалардың оқу қызметінің ұзақтығы (20-25 минут)
8) Тілдер туралы ҚР Заңы қай жылы қабылданды? (1997ж)

№ 2 Тапсырма: «Тәрбиешінің дұрыс сөйлеуін және оқуын дамыту»
Парақтарға жаңылтпаштар мақалдар жазылған (әр топтың бір қатысушысы шығып бір парақты таңдап алады, содан кейін оқиды):
1. «Бала бал арасын қуалады,

Бал арасы баланы қуалады»

2. «Гүлім гүлге қарап күлімдеді,,
Көгілдір гүлге қонған аралар гуілдеді.»

№ 3 Тапсырма: «Ойлан, тап»
«Қанағаттандырылмағандықтан» сөзі жазылған парақ беріледі, топтарға 5 минут уақыт беріледі, осы уақытта осы сөзден басқа сөздер құрастыру керек. Ең көп сөздер жазған топ ұпай алады.

№ 4 Ойын «Іздермен жүр»

№ 5 Тапсырма: «Есте сақтау қабілетін дамыту»
Жүргізуші бір қатар зат есім сөздер айтады. 15 сөз айтқан соң, педагогтарға осы сөздерді дәл айтылған ретімен жазуға ұсынады.
Тапсырманы орындаған соң, жүргізуші өз парағынан сөздерді оқиды, педагогтар өз жазғандарын тексереді.

Мектеп, балабақша, кітап, сөмке, көйлек, телефон, қуыршақ, машина, кәмпит, гүл, диск, флешка, үстел, орындық, ноутбук.

№6 Ойын: «Көз жұмып іздермен жүру»

.№ 7 Тапсырма: «Суретпен жұмыс»
Бұл тапсырмада әр топ берілген тақырып бойынша сурет салу салуы керек.

Бірінші топқа «Отбасы».

Екінші топқа «Балабақша».

Содан кейін әр топ өзінің суретін қорғайды.

Құрметті әріптестер, осымен біздің ойынымыз аяқталуына жетті. Енді ұпай санын санайық. осы парақтарға бүгінгі ойын туралы өз пікірлеріңізді жазуға ұсынамын.
рахмет, келесі кездескенше.

1. «Бала бал арасын қуалады,

Бал арасы баланы қуалады»

2. «Гүлім гүлге қарап күлімдеді,,
Көгілдір гүлге қонған аралар гуілдеді.»

Қанағаттандырылмағандықтан