"Мейірімді болса жүрек-орындалар тілек "

«Мейірімді болса жүрек-орындалар тілек»

Психологиялық тренинг

Мектебімізде мейірімділік , қайырымдылық құндылықтары туралы түсініктерін кеңейту мақсатында орта буын оқушылары арасында «Мейірімді болса жүрек-орындалар тілек» атты психологиялық тренинг өткізілді. Тренинг оқушылармен психолог арасындағы өзара байланысты түсіндіру жұмыстары арқылы басталып, сұрақ-жауап ретінде пікір алмасу процесімен толығып, тренинг соңы мадақтаумен қорытындыланған болатын.

Тренинг кезінде оқушылар «Жан жылуы» ойыны арқылы жылы лебіздерін білдіре алды, психологиялық тренингтің тақырыбын ашу мақсатында оқушылар «Мейірімділер», «Қамқоршылар» «Қайырымдылар» сынды топтарға бөлініп тапсырмалар орындады. Тапсырмаларды орындау үшін оқушыларға арнайы бейнеролик көрсетіліп оқушылар өз ойларын ортаға салды. Сондай-ақ берілген тапсырмаларды орындау барысында тренингке қатысушы топтарға түрлі ойындар ойнатылды.

«Таңдап ал» ойыны бойынша оқушылар кезекпен шығып өзіне ұнаған шарды таңдап сұрақтарға жауап беріп, өз ойларымен бөлісті.

«Сағат тілі» ойыны бойынша оқушылар сағат суретін салу арқылы жұптасып бір-біріне жағдаяттарға байланысты сұрақтар қойып өзара пікір алмасты.

«Құстарға көмек» ойыны кезінде оқушыларға құс үлгісінде дайындалған қағаздар таратылды әр оқушы сол құс бейнесіне өздерінің жасаған жақсы, игі істерін жазып бұлтқа жапсырып параққа жазу арқылы өздерінің игі қасиеттерін көрсете алды. Осындай түрлі трениг сабақтары мен ойындарын ұйымдастыру мен өткізу арқылы біз өскелең ұрпақты саналы, бәсеге қабілетті әрі болашаққа жарқын болуына өз септігімізді тигізе аламыз.

«Сарыжар ЖОББМ-нің психолог маманы А.Ж.Нурымжанова»