Сабақтың мақсаты:  Оқушыларға мейірімділік, қайырымдылық, кішіпейілділік туралы түсініктерін кеңейте отырып, дұрыс әрекет құндылығының мәнін ашу

Міндеттері: 

білімділік: оқушыларға мейірімділіктің адам өміріндегі маңыздылығын түсіндіру 

дамытушылық: өзара сыйластық қарым – қатынастарын дамыту; 

тәрбиелік: оқушыларды мейірімділікке, қайырымдылыққа, кішіпейілдікке тәрбиелеу. 

Сабақтың түрі: жаңа сабақ 

Ресурстар Күнделік,оқулық, дәптер,пенал,(құралдар, мәлiметтер, суреттер

Сабақтыңбарысы:1. Ұйымдастырукезеңі. 5 Т – ережесі:

 Тәртіп.

 Талап.

 Тыныштық.

 Тазалық.

 Татулық. Нұрға бөленуЫңғайланып отырамыз, денемізді түзу ұстаймыз. Аяқ-қолымызды айқастырмаймыз. Қолымызды тізеге немесе үстелге қоюға болады. Елестетіп көреміз: Күн нұры біздің төбемізден өтіп, кеудемізге қарай бойлап барады. Кеудеміздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Таза әсем гүл біздің әр ойымызды, тілек-қалауымызды шайып, жүрегіміздің қауызын ашады. Нұрсәулесі біздің бойымызға ақырын тарай бастағанын елестетеміз. Ол біртіндеп күшейе түсуде. Оймен осы нұрды қолдарымызға түсіреміз. Қолдарымыз нұрға бөленіп, сәуле шашуда. Қолымыз тек жақсы, ізгі істер істейді. Нұр аяғымызға тарады. Олар сізді тек жақсылық жасау үшін жақсы жерлерге апарады.Одан әрі нұр біздің, тілімізге тарайды. Тіліміз тек шындықты, жақсы, ізгі сөздерді айтады. Нұрды құлағымызға бағыттайық, құлағымыз тек жақсы сөз бен әсем әуен естиді. Нұр көздерімізге де келіп жетті, көзіміз тек жақсыға қарап, бәрінен жақсылықты ғана көреді. Басымыз түгелдей нұрға бөленіп, сәулелі ой келеді. Нұрбірте-бірте шұғылана бастайды, біздің денемізден шығып, жан-жағымызға сәуле шашады. Осы нұрды туысқандарымызға, достарымызға, бағыттаймыз, олардың да жүрегі нұрға толсын. Ғаламның барлық түпкір-түпкіріне нұр бағыттаймыз. Ойша айтамыз: «Мен нұрлымын... Нұр менің ішімде...». Осындай тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем біздің жүрегімізде. Оны осындай әсем қалыпта

Сұрақтар:

1 Қандай сезімде болдыңыздар?

2 Өз нұрыңызды кімге бағыттадыңыз

• 
  2Үй тапсырмасын тексеру. 

104 беттегі «Алтынмүйіз» ертегісін оқып келу. Сыныптағы 1 оқушы мәтінді мазмұндайды. 

Сұрақтар: 

1 Бұзау неліктен «Алтынмүйіз» атанды? Иесі бұзауды қалай бақты? 

2 Бұл қандай бұзау? Мақтаншақ бұзау қайда кетеді? 

3 Ол қандай қиындықтарға тап болады? Құтқарылған

бұзауды енесі қалай қарсы алады? 

4 Алтынмүйіздің іс – әрекеті мақтануға жата ма, мақтаншақтыққа жата ма? Неліктен? 

5 Мақтаншақтық – дұрыс әрекетке жата ма? Неліктен? 

6 Осы әңгімеден қандай қорытынды шығаруға болады? 

• 3 Дәйек сөз. 
  «Адам баласынан мейірім қашса, жер бетінен жақсылық қашады»

Халық мақалы

Дәйексөзді хормен оқыту, дәптерге жазып алу

Сұрақтар:

- Дәйексөзді қалай түсінесіңдер?

- Мейірімділік дегеніміз не?

- Қандай адамды мейірімді деп айтамыз? Неліктен?

Мейірімділік жүректен шығады. Әр адам басқаларға өз мейірімділігін көрсете алады. Ондай адамдарды мейірімді, жылы жүректі деп атайды. Адамдар бір – біріне жылы сезімін білдіріп, тек жақсылық ойлау, игілік жасау арқылы мейірімділік таныта алады.

• 4 Әңгiмелеу (Мұғалімнің сыйы). Жан анна ертегі

«Мейірімділік әлемді құтқарады»

Сұрақтар:

• 
  видеода қандай кейіпкерлерді көрдік?  

• Видеодағы кейіпкер мейірімділігін қалай көрсетті? 

• 
  Мейірімділікті басқаша қалай көрсетуге болады? 

• 
  Өздеріңе мейірімділік көрсеткен кезде қандай сезімдерге бөлендіңдер? 

• 
  Басқа адамдар сенің мейірімділігіңді сезінгенде қандай күйге бөленді? 

Бір-бірімізге жақсы, жылы сөздер көп айтылса, өмір мейірім мен қайырымға толы болып, қуаныш пен шаттыққа кенеледі. Сондықтан да барлық уақытта бір - бірімізге жүрекке жылы тиетін жақсы лебіздерді жиі айтып жүрейік.  
Кезінде Абай атамыз да өзінің қара сөздерінде «Тірі адамның жүректен аяулы жері жоқ» - деген. Адамшылық, мейірбандық қасиетті бойына сіңіріп, әрбір адам баласын «өз бауырым» деп ойлауы керек  

• 5Шығармашылық жұмыс, топтық жұмыс. 
  Сыныпты 3-топқа бөліп, әр топқа тапсырма беру.

1 топ 

Оқулықтың 109 бетіндегі «Сары тауық пен балапандары» атты ертегіні сахналау

-Сары тауық өзінің  бойында бар, қандай жақсы қасиеттерді балапанына үйретті? Сол жақсы қасиеттерді балапанның бойына жабыстырамыз, ал қандай  жағымсыз қасиеттер балапанның бойында болмау керек соларды   себетке  саламыз

2 топ

«Кім және не мейірімді?» түсіп қалған сөздерді орнына қою керек. (баяу музыка ойнап тұрады)

Күлімдеген .... мейірімді. (күн)

Кіршіксіз ақ ....  мейірімді! (қар)

Таза мөлдір....  мейірімді!  (су)

Бәрімізді көтеріп түрған  .... мейірімді!  (жер)

Аяулы .... мейірімді! (анам)

Қадірлі .... мейірімді! (әкем)

Әлпештеген .... мейірімді! (әжем)

Еркелеткен ....  мейірімді! (атам)

Жылы жүзді  .... мейірімді! (ұстазым)

Тату-тәтті .... мейірімді!  (достарым)

3 топ

Жағдаяттарды шешу:

1-жағдаят: Сен аулада ролик теуіп жүрдің, ал сенің досыңның ролигі жоқ, сенің әрекетің?

2-жағдаят: Сенің алдыңнан бір құшақ газет-журнал көтерген хат тасушы апай  шықты , сен не істер едің?

3-жағдаят: Сенің  анаң ас дайындап жатыр, ал інің мазасызданып кетті,сенің әрекетің?

4-жағдаят: Сенің алдыңнан ауыр сөмкелерін көтерген әже шықты, сен абайсызда ол әжені қағып кеттің, оның сөмкесіндегі заттары шашылып қалды, сен не істер едің?

Қорытынды: 

Мейірімділік – ол басқалардың игілігі үшін қамқор болу. Мейірімділік адамдармен, жануарлармен, табиғат пен қарым-қатынаста байқалады. Шынайы мейірімді болу – өзіңнен гөрі адамдар мен айналаны қоршағандарға қамқор болу дегенді білдіреді. Ол рақымшылдық пен аяушылық. Мейірімді кісі әрқашан басқаларға көмекке келіп, әр кез жақсылық жасағысы келіп тұрады. Ботасынан айрылған аруана сай-сүйегіңді сырқыратып, төбе құйқаңды шымырлатып боздағанын естідіңдер ме? Бір сәт елестетіп көріңіздерші. Жерде жетім жыласа, көкте періште қайғырады. Қыз баланың адамгершілігі, тәрбиелілігі, сұлулығы сыртқы көрінісінен ғана емес, ішкі көрінісімен тең болу керек. Қазақ қыздарының нәзік жаны мейірімділік, қамқорлық аясында өсіп, ілтипаттылық, үлкенді сыйлау, кішіге қамқор болу мінезі қалыптасуы керек. Бала кезінен-ақ ата-анасын, бауырларын, ұстаздарын сыйлай білу, халқын, жерін, тілін, салтын қадірлеу өз шаңырағын ардақтай білу.  

• Топпен ән айту. 

Өзін – өзі тану гимні

Сөзі: О.Оспанова

Әні: А.Құралқызы

Жас аудан, жас мектеп толқыны

Тәуелсіз елімнің жемісі.

Сол жылдар ізімен басталды

Өзіңді танудың тынысы. 
Қайырмасы:

Жамандықтан бойдағы жиренгенім

Көңілді шат – шадыман күйге ендім

Бұл менің мақтанышпен айтатұғын

Өзін – өзі танудан үйренгенім.

Мақсатым жетістік желкені

Бұл пәннің маңызды бөлшегі

Ойыңды ортада айтуда

Сөзіңнің болмайды өлшемі 
Қайырмасы: 
Өзіңді танысаң сен өзің

Шарлайсың әсемдік теңізін

Шаттықтың шеңбері бойымен

Жолдайсың жүректің лебізін

• Үй тапсырмасы. 

Оқулықтың 109 бетіндегі «Сары тауық пен балапандары» атты

• Соңғы тыныштық сәтi. 

Баяу әуен қойылады.Оқушылар денесін, басын тік ұстап, көзін жұмып отырады.

Мұғалім жай дауыспен:

«Бүгінгі сабағымызды есімізге түсірейікші. Жақсыны естіп, айтып бәріміздің көңіл – күйіміз көтерілді. Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық! Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады»

Бүгінгі керемет сабақ үшін сіздерге көп рахмет!

Сау болыңыздар! 

. 

Ескертулер