Іс-шараның тақырыптары:

«Мейірімділік – ең асыл дүние»

«Халықаралық көмек көрсету белгілері»

Педагогтің Т.А.Ә. (болған жағдайда)

Күні:

29.01.2025 жыл

Сынып:

6 «А»

Құндылық:

Ұлттық мүдде (Отан), Ар-ұят, Талап

Сабақтың мақсаттары:

1.Балалардың «мейірімділік», «қайырымдылық» құндылықтар туралы түсініктерін кеңейту;

2. Халықаралық көмек көрсету белгілерін таныстырып, үйрету.

Сабақтың барысы:

Сынып сағатының кезеңі/ уақыт

Педагогтің әрекеті

Оқушының әрекеті

Бағалау

Ресурстар

Ұйымдастыру

6 мин

1. «Мейірімділік – ең асыл дүние»

Ұйымдастыру кезеңі.

Психологиялық минут.

Нұрға бөлену.

Ыңғайланып отырып, денелеріңізді түзу ұстаңыздар. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек - қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түседі. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда.Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте - бірте шұғылана бастайды, сіздің денеңізден шығып жан - жағыңызға сәуле шашады. Осы нұрды мұғалімдеріңізге ,туыстарыңызға, достарыңызға, бағыттаңыз. Осы нұр бүкіл әлемге: Барлық адамдарға, жан - жануарларға өсімдіктерге барлық тірі жанға таралсын.... Ғаламның барлық түпкір - түпкіріне нұр бағыттаңыз. Ойша айтыңыз: “Мен нұрлымын... Нұр менің ішімде... Мен Нұрмын”.

Осындай Нұр, Махаббат және Тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады.

Экраннан мейірімділік жайлы шағын бейнеролик көрсетіледі.

Оқушылар мұғаліммен амандасады, түгенделеді.

Мұғалімнің айтуымен шағын мейірім әлеміне сапар шегеді.

Экраннан мейірімділік жайлы шағын бейнеролик тамашалайды.

Мадақтау

Әуен

https://youtu.be/HwvXmuvS1E8?si=c9HmGt8A7BCVE0D

Сабақ басы

10 мин

Ортасы

14 мин

10 минут

Ой жинақтау.

Мейірімділік дегеніміз не?

Мейірімділік – адамның өзге біреуге жылылығын, ізгі ниеті мен лебізін білдіру көрінісі. Мейірімділік адамдар арасындағы сыйластық, кең пейілділік, жанашырлық, ізгі ниет секілді қасиеттерге негізделеді. Мейірімділік адамның жоғары адамгершілік белгісі ретінде оның бүкіл тыныс-тіршілігін, жан дүниесін жадырататын, шат-шадыман тіршілігі үшін қажетті аса маңызды қасиеттің бірі болып саналады.

«Миға шабуыл» әдісі арқылы мейірімділік туралы сұрақ қойылады.

-Бейнероликтен не түсіндіңдер?

-Мейірімді адам қандай болады?

-Сендер жақсылық жасап көрдіңдер ме?

«Болады-болмайды» тренингі (Оқушылар орнынан тұрады, мұғалім болатын нәрселерді айтқанда оқушылар қолдарын үш рет шапалақтайды, ал болмайтын нәрселерді айтқанда қолдарын бір рет шапалақтайды)

Мейірімді болуға .... (болады),

Жауыз болуға .... (болмайды),

 Кешірімді болуға .... (болады),

 Қатыгез  болуға .... (болмайды),

 Тәртіпті болуға .... (болады),

 Әдепті болуға .... (болады),

 Ұрысқақ болуға.... (болмайды),

 Сыпайы болуға .... (болады),

 Қайырымды болуға .... (болады),

 Бұзық болуға .... (болмайды),

 Бауырмал болуға .... (болады),

 Ақылды болуға ..... (болады),

 Мақтаншақ болуға .... (болмайды),

 Шыншыл  болуға .... (болады),

 Арам болуға .... (болмайды),

 Маман болуға .... (болады),

 Жаман болуға .... (болмайды),

 Ал, адал адам болуға ....! (болады).

Жағдаяттарды шешу:

1-жағдаят:

Сен сабаққа кешігіп келе жатырсың, бірақ бір әженің ауыр сөмкесі бар екенін көріп тұрсың. Жолдың арғы бетіне өте алмай тұр. Сен не істейсің?

2-жағдаят:

Сенің қарнын аш. Сол үшін өзіңе асханадан самса сатып алдың. Бірақ қасындағы сыныптасыңа кезек келгенше, асханада ұнды өнімдер таусылып қалды. Сенің әрекетің?

3-жағдаят:

Сенің анаң ас дайындап жатыр, ал інің мазасызданып кетті,сен не істер едің?

4-жағдаят:

Сен аулада ролик теуіп жүрдің, ал сенің досыңның ролигі жоқ, сенің әрекетің?

«Мейірімділік» кестесін толтырыңдар. Бірінші бағанға – мейірімді істердің, екінші бағанға – мейірімді адамның қасиеттерінің тізімдемесін жасаңдар.

2. «Халықаралық көмек көрсету белгілері»

Көмек көрсету белгілері жайлы ақпарат көрсетіледі, айтылады.

Оқушылар сұраққа өз пікірлерімен ой бөліседі.

Тренингке белсене қатысады. Оқушылар орнынан тұрады, мұғалім болатын нәрселерді айтқанда оқушылар қолдарын үш рет шапалақтайды, ал болмайтын нәрселерді айтқанда қолдарын бір рет шапалақтайды.

Жарайсың!

Пікіріңмен келісемін

Презентация

https://youtu.be/ls8ZVr8Shtw?si=0Fj0iGmHedL1b_pv

Презентация

Қорытынды

5 мин

3. Бекіту.

1. Балалар бүгін сабақта адам бойындағы тағы бір асыл қасиет мейірімділік туралы білдіңдер. Осы сабақта өздеріңе не түйдіңдер (оқушылар жауабы)

-Дұрыс балалар, адамдар бір-біріне әрқашан қамқоршы, адал, қиын жағдайда қол ұшын беруі керек, әр күнін күлімдеп қарсы алып, өзін қоршаған адамдарға, бауырларына мейірімділік таныта білуі керек.

2. Сонымен халықаралық көмек деген не? Не есте қалды?

Тәрбие сағаты ұнады ма? Ұнаса 2 дәлел келтіреді. Не ұнамады? 1 минусын жазады.

Өз ойларымен бөліседі.

Жақсы!

Презентация

Стикер, А4