«Болашақ ұрпағымызды тәрбиелегенде, оларға жастайынан жақсы қасиеттерді сіңіре білсек, сонда ғана біз ұлттық рухы дамыған, Отанның гүлденуіне өз үлесін қоса алатын азамат өсіре аламыз»

Н.Ә.Назарбаев

«Мейірімді тәрбиеші»

Кіріспе

Эссеге арқау болып тақырыпқа тоқталатын болсам мейірімді тәрбиеші- деген өз жұмысына адал берілу керек. Біздің тәрбиеленуші балалар үйге барғанда балабақша туралы қуана қызықты жағдайларды айтып беру керек.

Тәрбиеленуші балалар достарымды көремін, үйде ойналмайтын қызықты ойындарды ойнаймын, ешкім білмейтін тәрбиеші білетін қызықты ертегілер тыңдаймын, достарыммен би билеймін, ән айтып үйренемін деп келетіндей қызықты шуақ мекеніне айналу керек.

Негізгі бөлім

Тәрбиешілер еш қашан өзін балалардан жоғары қоймау, өзіміздің қолдан келмейтін затты балалардан талап етпеу керекпіз. Ең бастысы балалақшаны оқу- тәрбие ошағы ретінде қарамау керек,баланы түсінетін әр дайым қол ұшымызды созатын сенімді әлем деп сезіну керек.Осындай мейірім мен сүйіспеншіліктің аймағы менің бала бақшам. Мен ауылда шағын орталықтың тәрбиешісімін менің тобымда 1 жастан 5 жасқа дейінгі балалар келеді. Сондайақ менің жұмыс орным мәңгілік балалық пен жастық ордасы деп санаймын.Менің ойымша біздің жұмыс балалармен балаша ойнауға, ойлауға, қиал әлеміне, ертегілер еліне саяхат жасауға, мүмкіндік береді.

Біздің мамандығымыз – бұл біздің таңдаған өмір жолымыз.

Балабақша баланың жеке тұлға ретінде қалыптасуында ерекше орын алатын сатысы. Балалардың күлкісі мен мейірімі арқасында біздің балабақша жыл өткен сайын гүлденіп, көркейіп, жасара түсуде.Біздің балаларға береріміз сүйіспеншілік, қамқорлық мейірім мен махаббат.Балалар- өмір гүлі. Гүлдерді ешқандай жасандылықсыз, табиғи жолмен баптап қарау керекпіз.

Қорытынды

Біз тәрбиешілер өз алдымызға қойған мақсат міндетімізді орындай отырып, егемен еліміздің саналы да сапалы ертеңін тәрбиелеуде үлкен жауапкершілікке бастау алады. «Баланы бастан…» деп айтылған халықтық қағиданың бала болашағына ықпалы зор екеніне ешкімнің дауы жоқ.

Ал болашақ ұрпақты талапқа сай елжанды, ел мақтанышы етіп тәрбиелеуде-бақша өмірінің рөлі зор.

Бойымыздағы бар білімімізді, асыл қасиеттерімізді періште бөбектерге арнай білсек, олардың жүрегіне жол тауып, өзіндік «мені» бар дәрежеге жеткізсек, Отанды, адамзатты сүюге тәрбиелесек – міне, біздің балабақшамыздың нағыз мейірім алаңына айналғаны.

Уразбаева Бахтигул Фазилиддинкызы

Петропавл каласы Мамлют ауданы Краснознамен ауылы

«Краснознамен орта мектебінің жанындағы шағын орталық»