"Мектебім - мейірім мекені"

Құндылық:

Ар – ұят: Достарына, сыныптастарына, отбасы мүшелеріне қамқор болу, мейірімділік таныту.

Сынып жетекшісі:

Ташметова Аида Тауржановна

Күні:

01.09.2024 жыл

Сынып:

Қатысушылар саны:

Қатыспағандар саны:

Сабақтың тақырыбы:

«Мектебім мейірім мекені»

Сабақтың мақсаты:

Балалардың «мейірімділік»,«қайырымдылық»құндылықтар туралы түсініктерін кеңейту;

өз ойларын еркін жеткізе білуге үйрету;

оқушыларды мейірімділікке, қайырымдылыққа,кішіпейілдікке тәрбиелеу.

Сабақтың кезеңі/ уақыт

Педагогтың әрекеті

Оқушының әрекеті

Ресурстар

Сабақтың басы

Сабақтың

Ортасы

Сабақтың соңы

Сәлеметсіздер ме құрметті оқушылар!

Бүгінгі біздің тәрбие сағатының тақырыбы «Мектебім мейірім мекені». Бүгінгі тәрбие сағатымызда адамның жақсы қасиеттерінің бірі, мейірімділік туралы әңгімелесетін боламыз.

Мейірімділік — адамның өзге біреуге жылылығын, ізгі ниеті мен лебізін білдіру көрінісі . Мейірімділік адамдар арасындағы сыйластық, кең пейілділік, жанашырлық, ізгі ниет секілді қасиеттерге негізделеді.

“Мейірімділік, махаббат, қайырымдылық, адалдық секілді сезімдер ақ жүректен шығады” (Шәкәрім)

«Мейірімді адам» бойындағы қасиеттерді атап өтсек:

Енді осындай адам деп кімді айтар едіңдер?
— Әрине мейірімді жандардың қатарында ең бірінші біздің аналарымыз тұрады екен.
— Адамзат ненің мейіріміне бөленген?
— Күн, табиғат, ана, ұстаз, дәрігер және тағы басқалардың мейіріміне бөленеді.

Ендеше мына сұрақтарға жауап беріп көрейікші:

Ойланайық, пікірлесейік. «Сұрақ - жауап» әдісі

1. Мейірімділік деген не?
2. Сенің ойыңша мейірімді адам қандай болу керек?
3. Өздерің қандай мейірімді іс жасадыңдар?

4.Үлкендер еркелеткенде қандай күйде боласыңдар?
5. Жақсы көретін адамдарға қандай тілек айтқың келеді?
6. Мейірімділікті қандай істермен көрсетуге болады?

Дұрыс айтасыңдар, балалар! Адамдар бір - біріне жылы сезімін білдіріп, тек жақсылық ойлау, игілік жасау арқылы мейірімділік таныта алады.

Ана халық ұғымында жаратушы. Олай дейтініміз табиғатты да, адамды да дүниеге әкелуші ана. Табиғаттың қай жаратылысын алып қарамайық, бәрі де адамдарға мейірімін сыйлайды. Мәпелеп, аялап бар жақсылығын мейірімін бәріне бірдей көрсетеді. Адамдар да дәл солай жасауы тиіс. Сондықтан да халық даналары «Мейірімділікті анадан үйрен» деген.

Мақал - сөздің мәйегі «Жалғасын тап» әдісі

1. Ата - асқар тау Ана(бауырыңдағы бұлағың)
2. Ұлың өссе, Ұлы (үлгілімен ауылдас бол)
Қызың өссе (Қызы үлгілімен ауылдас бол.)
3 Бала жас шыбық сияқты -(қалай исең солай иіледі).
4. Бала жақсы болса -(қуаныш, жаман болса - қиналыс.)
5. Ерлі - зайыптылар тату болса -(үйге береке, араз болса - елге келеке)
6. Анасы қандай болса -(баласы сондай)
7. Әкеге қарап ұл (өсер, шешеге қарап қыз өсер)

Жұптық жұмыс. “Мейірімділік” кестесі
Мейірімді істер
Мейірімді адамның қасиеттері


Топтық жұмыс. «Мейірімділік шуағы» сөзін топтастыру
---Күлімдеген күн мейірімді!
— Кіршіксіз ақ қар мейірімді!
— Бәрімізді көтеріп тұрған жер мейірімді!
— Аяулы анам мейірімді!

Мейірімділік – адамның өзге біреуге жылылығын, ізгі ниеті мен лебізін білдіру көрінісі;
Мейірімділік - адамдар бір - біріне жылы сезімін білдіріп, тек жақсылық ойлау, игілік жасау арқылы мейірімділік таныта алуы;
Мейірімділік адамның ізгілігін анықтайды;
Мейірімділік махаббат, қайырымдылық,
Адалдық секілді ақ жүректен шығады;
«Жылы сезім жүректерде сақталады, Мейірімділік тек жүректен басталады».- деп балаларды жүректен жүрекке шеңберіне шақырады. Балалар шеңбер құрып тұрады. Бір — біріне деген жақсы тілектерін білдіреді. Балалар бәрі қосылып: «Балалардың мейірімді жүрегі,
Сіздерге бақыт, шаттық тілейді» — деп өздері жасаған жүрекшелерді бір біріне ұсынады.

-Ендеше, осы қасиеттер сендердің бойларыңнан табыла берсін демекпін.

Жақсылықпен кәрі -жастың күйін біл,

Сөз, ісіңмен ел- жұртыңды сүйіндір.

Есендікте ізгілік ет, тарылма,

Қазына, үлес, жарылқа һәм жаңылма- деген

Ж. Баласағұнидің сөзімен сабағымды қорытындылаймын.
Бүгінгі сабаққа жақсы қатыстыңдарың үшін, бәріңе көп рахмет!

Оқушылар бір біріне жылы лебіздерін білдіреді.

Оқушылардың жауабы.

жақсы адам, ақкөңіл, жаны таза, шыдамды, рақымшыл, жылы жүректі.

Күн, табиғат, ана, ұстаз, дәрігер және тағы басқалардың мейіріміне бөленеді.

Мейірімділік адамдар арасындағы сыйластық,
кең пейілдік, жанашырлық.
Ізгі ниет секілді қасиеттер;

Оқушылар өз ойларын айтады

Оқушылар мақалдың жалғасын тауып айтады.

Кестемен жұмыс жасайды.

(Тақтаға оқушылар осы сөздің мағынасын ашатын сөздерді қойып шығады)
Сүйіспеншілік, қамқорлық, жарастық, ынтымақ, бауырмалдық, махаббат, ынтымақ, бірлік достық.

Тақтаны суреттер

мен безендіру