«Мектеп – ата-ана – оқушы»

Зеренді ауданы әкімдігінің «Пухальск НМ» КММ

педагог-психологы, өзін өзі тану пәнінің мұғалімі

Сатанова Диана Кенжебековна

«Мектеп – ата-ана – оқушы»

«Мектеп-ата-ана-оқушы» - үшбұрыш. Осы үшбұрышқа үлкен мән берілген. Әр отбасы мектеппен тығыз байланыста болғаны жөн. Осыны әр мұғалім, әр ата-ана білу керек деп есептеймін. Өйткені олардың ортақ мүддесі парасатты азамат тәрбиелеу. Әр баланың жан-жақты дамуына ең біріншіден ата-аналар жауапты. Бірақ бала өскен сайын оның қоршаған ортасы үлкейеді, өзгереді, яғни қасында ата-аналар ғана болмай, сонымен қатар тәрбиешілер, мұғалімдер, достар болады.

Бала мектепте көп уақыт өткізеді, сабақтар, сабақтардан тыс жұмыстар, әр түрлі үйірмелер болады. Мұғалімдер әр оқушының жан-жақты дамуына да өз үлесін қосады.

Ұлы педагог Я.А.Коменский «Мұғалім – мәңгі нұрдың қызметшісі, ол барлық ой мен қимыл-әрекетіне ақылдың дәнін сеуіп, нұр құятын тынымсыз лаулаған жалын иесі» деп ұстаздың еңбегіне ерекше баға беріп, үнемі ізденісте, шығармашылық әрекетте болатын, жалындап жүретін тұлға екенін айтқан. Ал, егер де мұғалім шығармашыл болса, яғни оның да шәкірті сондай болады. Осыған барлық мұғалімдер назар аудару керек. Біздің оқушыларымыз бізден де үлгі алады. Сондықтан да біз оларға жақсы үлгі көрсету керекпіз. Бірақ қазіргі ата-аналар барлық жауапкершілікті мектепке, мұғалімдерге артады. Ол дұрыс емес деп ойлаймын. Біз, мұғалімдер оқушыларымызға қаншама жақсы сөз, әңгіме айтып, қаншама үйретіп жүрсек те, әр бала өз отбасындағы мүшелерге қарайды, яғни өз ата-ананың іс әрекеттеріне, қимыл-қозғалыстарына, айтқан сөздеріне қарап, үйренеді. Осыны ұмытқан ата-ана, баланы жоғалтқан ата-ана деп те айтуға болады.

Біздің елбасымыз Нұрсұлтан Әбішұлы Назарбаев айтқандай, «Ел болашағы жас ұрпақтың қоланда». Демек өзіміздің өсіп келе жатқан жас ұрпаққа мүмкіндігінше жақсылықты үйретейік.