Мектеп жасына дейінгі балалардың іздену әрекеттері.

Мектеп жасына дейінгі балалардың іздену әрекеттері

Мектеп жасына дейінгі ересек топтағы балалардың осы жас кезеңінде белсенді бастамашыл болу мүмкіндіктері елеулі түрде арта түседі.Бұл жас кезеңінде баланың танымдық қажеттіліктерінің дамуы маңызды.Көптеген педагогтердің еңбектерінде мектеп жасына дейінгілерді саналы әрекетке кірістіру қажеттігі ,яғни ,бұл үрдісте олар өздері барлық жаңа және жаңа заттардың қасиетін ,олардың ұқсастықтары мен айырмашылықтарын көрсете алатындығы.

Психологтердің айтуынша ,баланы дамыту үшін шешуші белгі білімнің молдығында емес ,ал олар әрекетті меңгеруіде.Қытай мақалы былай дейді:»Айтылғанды –мен ұмытып қаламын ,көрсеткен –есімде қалады ,ұстап көргенді-мен түсінемін».Баланың өзі қашан тыңдап ,көріп ,өз қолымен ұстап істегенде ғана ,барлығын мықты және ұзақ уақыт есіне сақтайды.

Ата-аналар өз балаларын өзінің үлгісімен тәрбиелеп жатқандығын сезіне білу керек.Баламен қарым-қатынас жасаған әрбір минут оны дамытады,тұлңа ретінде оны қалыптастырады.Осы жерде ата-аналар В.Сухомлинскийдің мына даналық сөзін естеріндеала жүрсе дұрыс болар еді.

«Қоршаған әлемде бір нәрсені баланың алдында ашып беруге үйренініз ,бірақ ашқанда да өмірдің кішкентай түйірі балалардың алдында кемпірқосақтың барлық бояуындай ойнап тұруы керек .Әрқашанда түгелдей айтылмай қалған бір нәрсені қалдырып отыру керек сол қалдырған нәрсені білу үшін бала тағы және тағы қайта айналып келеді».

Ерте жастан бастап баланың бастаған ісін аяғына дейін жеткізуге үйрету ,оның ерік –жігерінің күшін және оның белсенділігін бағалау.Сіздің берген оң бағаныз бала үшін бәрінен де маңызды.Егер тиым салатындай жағдай болса,онда неліктен тыйым салып жатқандығыңыз туралы түсіндіріп ,не болады немесе қалай болатындығы жөнінде анықтап беруге көмектескеңіз жөн.Баланың ынтасын ,білуге деген құмарлығын мадақтап ,қолдап отыру қажет.

Ата-аналар осы берілген кеңестерді үнемі ескеріп отырса ,онда балаларымыздың өз бетінше ізденіп,қызығушылығы дами түсетініне біздің сеніміміз мол.