Бұл мақалада мектеп оқушыларының функционалдық сауаттылығын дамытудағы PISA тапсырмаларының рөлі мен маңызы қарастырылған. Автор функционалдық сауаттылық ұғымының мәнін ашып, оның оқу, математикалық, жаратылыстану және цифрлық бағыттарын сипаттайды. Сонымен қатар, PISA-2025 халықаралық зерттеуінің жаңашыл бағыты – «Цифрлық әлемде білім алу» талданған. Мақалада нақты тапсырмалар мысалдары арқылы оқушылардың білімін өмірлік жағдайларда қолдану қабілеттерін дамыту жолдары көрсетілген. Зерттеу нәтижелері білім беру процесінде PISA форматындағы тапсырмаларды пайдаланудың тиімділігін дәлелдейді.