Мектепалды даярлық. Сандар әлеміне саяхат.1-10 сандарын қайталау

Тақырыбы: Сандар әлеміне саяхат 1 - 10 сандарды қайталау
Мақсаты: 1 - 10 сандарды қайталайды, (100%)

1-10 ға дейінгі сандарды қайталай алады және жаза алады. (80%)

Логикалық есептерді шығара алады ,1-10 дейінгі сандардың қосу алу амалдарын орындай алады.(30%)

Әдіс - тәсілдері: сұрақ - жауап, көрнекілік, логикалық есептер, санамақтар

Топқа бөлу. Қане, балалар мынау менің үстелімде әр түрлі пішіндес заттар жатыр осы заттарды бір - бірден алайық. Кімде дөңгелек пішіндес заттар, сол балалар «ДӨҢГЕЛЕК» тобына, кімде төртбұрыш пішініне ұқсас заттар солар «ТӨРТБҰРЫШ» тобына, кімде үшбұрыш пішіндес заттар сол балалар «ҮШБҰРЫШ» тобына орналаса қойыңдар. Әр топты мына асықтармен бағалап отырамыз. Сабақ соңында қай топтың асығы көп, сол топ жеңіске жетеді.
Оқу іс – әрекетінің барысы
І. Ұйымдастыру:

1. Балалар хормен:
   Үлкенге де сіз,
   Кішіге де сіз,
   Барша адамды құрметтеп
   Бас иеміз біз.
   2. Балалардың назарын сабаққа аудару.

- Математика сабағынан біз не үйренеміз, балалар?
(Балалар жауаптары)
- Дұрыс айтасыңдар балалар, математика сабағында біз сандармен пішіндермен, пішіндер көлемімен, түстермен танысады екенбіз және есеп шығарып үйренеміз.

1-тапсырма.Балалар, біз өткен сабақтарда 1 - 10, 11 - 20 ға дейінгі сандарды тура және кері санауды үйрендік, солай ма. Ал енді мен үш топқа тапсырма беремін. «ДӨҢГЕЛЕКТЕР» 1 - 10 ға дейінгі сандарды тура және кері санап бере қойыңдар, «ҮШБҰРЫШ» тобы 11 - 20ға дейін тура және кері санап бере қойыңдар. Ал, «ТӨРТБҰРЫШ» тобы 1 - 10ға дейінгі сандарды орысша, ағылшынша санап бере қойыңдар.
Жарайсыңдар.

2 - тапсырма. 1 - топқа «Адасқан сандар» тақтаға кесте ілінеді, 1 - 10 арасындағы сандар жоқ. Сол сандарды қойып шығады.

3-тапсырма. Гречкамен (қарақұмық жармасы) сандарды жазу.

Дөңгелектер: 1,10 сандарын жазу.

Төртбұрыштар: 4, 8 санын жазу

Үшбұрыштар: 5, 7 сандарын жазу.

Сергіту сәті.

4 -тапсырма. «Көрші санды тап» карточкамен жұмыс.
Алдарыңда карточкалар берілген, онда сандар көрсетілген. Жанындағы тор көзге, алдарыңдағы жатқан сандар ішінен көрші санды тауып қоясыңдар. Мұқият қараңдар алдыңғы немесе келесі көрші санды тауып қоюларың керек.

5-тапсырма. Есеп карточкалар

6 - тапсырма Дәптермен жұмыс
7- тапсырма. Дидактикалық ойын «Келісемін - келіспеймін»
Кеңістікті бағдарлауға арналған тапсырманы мұғалімнің айтуы бойынша барлық балалар бірге жауап береді.

Келісемін – келіспеймін.
1. Үйдің шатыры төрт бұрышқа ұқсайды.
2. Қарбыздар талдың басында өседі.
3. Жазда шанамен сырғанаймыз
4. Жұлдыздар аспанда түнде көрінеді.
5. Лимон тәтті болады.
6. Шыршаның түсі қызыл.
7. Алма шаршыға ұқсайды.
8. Балықтар талда өседі.
9. Сиырдың 4 аяғы болады.
10. Керіктің бойы аласа.
11. Балмұздақ ыстық болады.
12. Дөңгелек пішіннің екі бұрышы болады.
13. Қоян балды жақсы көреді.
14. Пілдің тұмсығы қысқа.
15. Кітап – білім береді.