Мектепалды даярлық сыныппен қоштасу кеші. "Биікке самға балапан"

Жүргізуші: Ардақты да аяулы ұстаздар, ата-аналар, Бүгінгі Даярлық сынып бүлдіршіндердің «Біз мектепке барамыз» атты ертеңгілігін тамашалауға қош келдіңіздер. Бүлдіршіндеріміздің алғаш осы мектеп табалдырығын аттағалы бері сәлемдесуді, партада отыруды, қалам ұстап сурет салуды ән айтып, би билеуді әріп танып, жазуды, оқуды үйренді. Ізеттілік, тәртіптілік және біліміне бұл болашаққа бастайтын сара жол. Осы жолдың өнегелі де үлгілі жолдаушылары біздің балаларымыз. Аттаған қадамдары құтты болсын, болашақта елін қорғайтын, Отанын сүйетін, біз мақтанатындай ұл-қыз болсын-деп тілейміз. Ендеше  «Біз мектепке барамыз» атты ертеңгілігімізді бастауға рұқсат етіңіздер.
1.Жүргізуші:
Ұшырып көкірегімнен жер кептерін
Мерекең құтты болсын түлектерім
Қол соғып ортамызға шақырайық
Бүгінгі кештің шынайы кейіпкерін.
Келеді жаңа ғасыр перзенттері
Көшбасшы керемет кемеңгерлері
Болашақ президент министрлер
Ерен ер қазағымның төрелері.
2. Нұрлы үмітін арқалаған арқаға
Жан сәулесін таратын баршаға
Шын көңілмен құрметімізді көрсетіп
Бүлдіршіндерімізді шақырайық ортаға
Уа, халайық, халайық
Мұнда назар салайық
Бүлдіршіндерді қарсы алып,
Бәріміз қол соғайық.

Үлкенге де сіз

Кішіге де сіз

Үлкендерді құрметтеп

Бас иеміз біз
1. көз салып қараңдаршы бойымызға
Ортақ боп бүгінгі өскен ойымызға
Қош келдіңіз ұстаздар, ата-аналар
Даярлықпен қоштасу тойымызда.
Мұғалім: Құрметті ұстаздар, ата-аналар, . Бала біздің болашағымыз, еліміздің ертеңі,  ел тізгіннін ұстар ұрпағымызды жақсылыққа баулу, бойына ізгілік нұрын, білім шуағын беру ұстаздың міндеті. Барлық ғалымның атасы алғаш хат танытып, сауатымызды ашқан біздің жарқын досымыз дайындықпен қоштасқалы отырмыз.
2-ші жүргізуші: олай болса, «Біз мектепке барамыз!» атты ертеңгілігімізді ашық деп жариялаймыз.  Бірінші құттықтау сөз кезегі Мектебіміздің директоры Садуова Ғалия Әскербекқызына берсек.